ကမ္ဘာ့ဟာလာလ်ညီလာခံကို မလေးရှားတွင်ပြုလုပ်

ဧပြီ ၃၊ ၂၀၁၅
M-Media

– တန်ဖိုး ၁ ထရီလီယံသို့ ရောက်ရှိလာပြီး ရင်းနှီးမြှုပ်နှံမှုများ ပိုမိုများပြားလာသည့် ဟာလာလ် ထုတ်ကုန်ကဏ္ဍအတွက် ကမ္ဘာလုံးဆိုင်ရာ ဟာလာလ် စံချိန်စံညွှန်းများဖြစ်လာရေး ရည်ရွယ်၍ ၁၂ ကြိမ်မြောက် ဟာလာလ်ညီလာခံတစ်ခုကို မလေးရှားနိုင်ငံ၌ ဧပြီ ၁ ရက်နေ့တွင် စတင်ကျင်းပခဲ့သည်ဟု သိရသည်။

“နိုင်ငံတကာက ပိုမို ပူးပေါင်းဆောင်ရွက်ရေးကို ကျွန်တော်တို့လိုအပ်ပြီး ဟာလာလ် အသိအမှတ်ပြုရေးကဏ္ဍ တိုးတက်ရေးအတွက်လည်း လိုအပ်ပါတယ်။ ကမ္ဘာတစ်ဝှမ်းလုံးက လက်ခံတဲ့ စံနှုန်းတွေကိုရဖို့အတွက် ကျွန်တော်တို့ ဘယ်လို ပူးပေါင်းဆောင်ရွက်နိုင်မလဲဆိုတာ အားလုံး ၀ိုင်းထိုင်ပြီး အဖြေရှာဖို့ လိုအပ်ပါတယ်” ဟု မလေးရှား နိုင်ငံတကာကုန်သွယ်ရေးနှင့် စက်မှုလက်မှုဝန်ကြီး ဒါတွတ်ဆရီ မွတ်စ်တာဖာ မိုဟာမက်က မလေးရှား သတင်းစာ The Rakyat Post သို့ ဧပြီ ၁ ရက်နေ့တွင် ပြောကြားခဲ့သည်။

အဆိုပါ ညီလာခံသို့ မွတ်စလင်နိုင်ငံအများအပြားမှ ကိုယ်စားလှယ်များ တက်ရောက်ခဲ့ပြီး ကမ္ဘာ့လုံးဆိုင်ရာ ဟာလာလ်စံနှုန်းများဖြစ်လာရေး တိုက်တွန်းခဲ့ကြကာ မတူညီသော ဟာလာလ်စံနှုန်းများက ဟာလာလ်ထုတ်ကုန်လုပ်ငန်း တိုးတက်လာရေးအတွက် အဟန့်အတားဖြစ်စေမည်ဟုလည်း သတိပေးခဲ့သည်။

“ဒီပြဿနာကို ပူးပေါင်းဖြေရှင်းဖို့အတွက် ကောင်စီတစ်ခု ဖွဲ့စည်းဖို့ လုံလောက်တဲ့ အခြေအနေမျိုး ရှိနေပြီလို့ ကျွန်တော် ယုံကြည်ပါတယ်။ ဒါပေမယ့် “ငါတို့သတ်မှတ်ထားတဲ့ စည်းမျဉ်းကသာ နိုင်ငံတကာအဆင့်မှာ အကောင်းဆုံး” လို့ ပြောတဲ့နိုင်ငံမျိုး မရှိသင့်ဘူးလို့လည်း ကျွန်တော်ထင်ပါတယ်။ စည်းမျဉ်းတွေနဲ့ ပူးပေါင်းဆောင်ရွက်မှုကို အစ္စလာမ့်အဖွဲ့အစည်းတွေက ကမကထပြု ဆောင်ရွက်ရမယ်လို့လည်း ကျွန်တော် ယုံကြည်ပါတယ်။ ဒေသတွင်းအဆင့်မှာ ကျွန်တော်တို့ စတင်တည်ဆောက်ရမှာဖြစ်ပြီး အဲဒီနောက်မှာတော့ ကမ္ဘာလုံးဆိုင်ရာ အဖွဲ့အဖြစ် ပြောင်းပစ်ရပါမယ်” ဟု တူရကီ ယဉ်ကျေးမှုနှင့် ကုန်သွယ်ရေးဝန်ကြီး နူရက်တင် ကာနစ်ကလီက ပြောကြားခဲ့သည်။

ဟာလာလ်ထုတ်ကုန်လုပ်ငန်းမှာ ၂၀၁၂ ခုနှစ်တွင် ကန်ဒေါ်လာ ၁ ထရီလီယံသို့ ရောက်ရှိခဲ့ပြီးနောက် ၂၀၁၈ ခုနှစ်တွင် ၁.၆ ထရီလီယံအထိ ရောက်ရှိရန် မျှော်လင့်ရသည်ဟု မွတ်စလင်ဈေးကွက်များကို အထူးပြု သုတေသန ပြုလုပ်နေသည့် DinarStandard အဖွဲ့က ဆိုသည်။

“ဟာလာလ်ထုတ်ကုန်လုပ်ငန်းဟာ ကမ္ဘာလုံးဆိုင်ရာကဏ္ဍ ဖြစ်လာပါပြီ။ ပြီးတော့ ဘေးကင်းမှုနဲ့ အရည်အသွေးကို အာမခံထားတာကြောင့် မွတ်စလင်မဟုတ်တဲ့ စားသုံးသူတွေကိုလည်း ဆွဲဆောင်လာနိုင်ပါတယ်။ ကျွန်တော်တို့ရဲ့
ဟာလာလ်စနစ်ကို ကမ္ဘာလုံးဆိုင်ရာဖြစ်လာဖို့ ပါဝင်သူတွေအားလုံး စေ့စပ်ဆွေးနွေးသင့်ပါတယ်။ အစ္စလာမ့်ညီလာခံအဖွဲ့မှာ ဒီလို စေ့စပ်ဆွေးနွေးပေးဖို့ စွမ်းရည် ရှိပါတယ်” ဟု ယူအေအီး ရေနှင့် သဘာဝပတ်ဝန်းကျင်ဆိုင်ရာ ၀န်ကြီး ဒေါက်တာ ရရှစ်ဒ် အဟ်မဒ် မိုဟာမက် ဖာဟဒ်က ဆိုသည်။

ယခုနှစ် ကမ္ဘာ့ဟာလာလ်ညီလာခံမှာ မလေးရှားကွန်ဗန်းရှင်းစင်တာ KLCC တွင် ဧပြီလ ၁ ရက်နေ့မှ ၄ ရက်နေ့အထိ ပြုလုပ်နေသည့် မလေးရှား နိုင်ငံတကာ ဟာလာလ်ပြပွဲ MIHAS နှင့်လည်း တိုက်ဆိုင်နေသည်။ အဆိုပါ ဟာလာလ်ပြပွဲသို့ နိုင်ငံပေါင်း ၇၀ မှ လူပေါင်း ၂ သိန်းခန့် လာရောက်ကြည့်ရှုကြသည်။

ဝယ်လိုအားနှင့် ထောက်ပံ့နိုင်စွမ်း

ဟာလာလ်ထုတ်ကုန်လုပ်ငန်းမှာ ကြီးထွားလာသော်လည်း ၀ယ်လိုအားနှင့် ဖြည့်ဆည်းပေးနိုင်မှုတို့အကြား ကြီးမားသည့် ကွာဟမှုများ ရှိနေသည်ဟု မွတ်စ်တာဖာက ပြောကြားခဲ့သည်။

“ကျွန်တော်တို့ရဲ့ လေ့လာမှုအရ ၀ယ်လိုအားက အရမ်းများနေပြီး အခုချိန်မှာ ကျွန်တော်တို့ဟာ အစားသောက်ကဏ္ဍမှာ ဟာလာလ်ထုတ်ကုန်ဝယ်လိုအားရဲ့ ၂၀ ရာခိုင်နှုန်းကိုပဲ ဖြည့်ဆည်းပေးနိုင်ပါသေးတယ်။ အစားအသောက်အပြင် ဟာလာလ်ဆေးဝါးနဲ့ ခရီးသွားလာရေးကဏ္ဍတွေလည်း ရှိနေသေးပြီး ဒီကဏ္ဍတွေအားလုံးကို ပေါင်းစည်းဆောင်ရွက်နိုင်ပါတယ်”

တစ်ဖြည်းဖြည်း တိုးတက်လာနေသည့် ဟာလာလ်ထုတ်ကုန်လုပ်ငန်းတွင် ထပ်မံဖော်ထုတ်နိုင်သည့် နေရာများလည်း
ရှိနေသည်။

“ဒေါ်လာဘီလီယံနဲ့ချီတဲ့ ဟာလာလ်ကဏ္ဍထဲကို ၀င်ရောက်ဖို့ ဖိလစ်ပိုင်ပြည်သူတွေအတွက် အခွင့်အရေးကောင်း တစ်ခု
ရှိပါတယ်။ မင်ဒါနာအိုဒေသဟာ တူနာငါး၊ ငါးသေတ္တာ၊ ငှက်ပျောသီး၊ အုန်းသီးနဲ့ အသီးအနှံတွေကို ထုတ်လုပ်ဖို့ အလားအလာရှိတဲ့နေရာ ဖြစ်ပါတယ်။ ပြီးတော့ BIMP-EAGA (ဘရူးနိုင်း၊ အင်ဒိုနီးရှား၊ မလေးရှား၊ ဖိလစ်ပိုင်တို့ ပါဝင်သော အရှေ့အာရှ ဖွံ့ဖြိုးမှုဧရိယာ) ဒေသဟာ ငှက်တုပ်ကွေးနဲ့ FMD ကင်းစင်တဲ့ကျွန်း ဖြစ်တယ်ဆိုတဲ့ အားသာချက် ရှိတာကြောင့် အထူးသဖြင့် ကြက်ဘဲနဲ့ အခြားသော အသားတွေထုတ်လုပ်ဖို့ အလားအလာရှိတဲ့ နေရာလည်း ဖြစ်ပါတယ်” ဟု ဖိလစ်ပိုင် ကုန်သွယ်ရေး လက်ထောက်အတွင်းရေးမှူး ပရူဒန်စီယို ရီယက်စ်က ပြောကြားခဲ့သည်။

“ဟာလာလ်” ဆိုသည့် စကားလုံးမှာ အာရဘီဘာသာစကားအရ “ခွင့်ပြုထားသည့်အရာ” ဟု အဓိပ္ပါယ်ရပြီး ပုံမှန်အားဖြင့် အစ္စလာမ့်နည်းကျ လှီးဖြတ်ထားသည့် သွေးကင်းစင်သောအသားများနှင့် သန့်ရှင်းလတ်ဆတ်သော အစားသောက်များတွင် သတ်မှတ်သည်။ ယခုလက်ရှိတွင် အလှကုန်ပစ္စည်းများ၊ အ၀တ်အထည်၊ ဆေးဝါးနှင့် ဘဏ္ဍာရေးဆိုင်ရာ ၀န်ဆောင်မှုများကိုလည်း ဟာလာလ် အသိအမှတ်ပြုအဖြစ် သတ်မှတ်ကြသည်။

Ref: Onislam