ဆော်ဒီရှိ သမိုင်းဝင်မြို့တစ်မြို့ ဖွံ့ဖြိုးရေးစီမံကိန်း စတင်

ဧပြီ ၁၁၊ ၂၀၁၅
M-Media

– ဆော်ဒီအာရေဗျနိုင်ငံ၏ သမိုင်းဝင်မြို့ဖြစ်သော ဒီရီယာရှိ ဗလီဝတ်ကျောင်းတော် ၃၄ လုံးနှင့် အဆောက်အဦးများကို မူလလက်ရာမပျက် ပြင်ဆင်ရေးလုပ်ငန်းစဉ်ကို ဆော်ဒီဘုရင်ကြီး ဆလ်မန်က အတည်ပြုခဲ့သည်ဟု Saudi Press Agency (SPA) က ဖော်ပြခဲ့သည်။

ုဘုရင်ကြီး၏ အတည်ပြုမှုကို ဆော်ဒီ ခရီးသွားလာရေးနှင့် ရှေးဟောင်းအမွေအနှစ်ဆိုင်ရာကော်မရှင် အကြီးအကဲ မင်းသားဆူလ်တန် ဘင် ဆလ်မန်က အလ်-ဘူဂျိုင်ရီ ဖွံ့ဖြိုးတိုးတက်ရေးစီမံကိန်း ဖွင်ဖွဲ့အခန်းအနားတွင် ကြေညာခဲ့ခြင်းဖြစ်သည်။ အဆိုပါ စီမံကိန်းမှာ ရှေးဟောင်းမြို့ဖြစ်သော ဒီရီယာမြို့ ဖွံ့ဖြိုးတိုးတက်ရေး၏ အစိတ်အပိုင်းတစ်ခုလည်း ဖြစ်သည်။

ဒီရီယာမြို့ ဖွံ့ဖြိုးတိုးတက်ရေး အမှုဆောင်ကော်မတီမှ အဖွဲ့ဝင်တစ်ဦးဖြစ်သူ မင်းသား ဆူလ်တန်က “ဒါဟာ ဘုရင်ကြီး နန်းတက်ပြီးကတည်းက ပထမဆုံး ဆောင်ရွက်တဲ့ စီမံကိန်းပါပဲ” ဟု ပြောကြားခဲ့သည်။ အဆိုပါ စီမံကိန်း၌ ကျောင်းသား တစ်သန်းအား နိုင်ငံအတွင်း လှည့်လည် ခရီးသွားလေ့လာနိုင်ရန် ဆောင်ရွက်ပေးမည့် “Live Saudi Arabia” အစီအစဉ်ကိုလည်း ဖော်ဆောင်သွားမည်ဖြစ်ကာ ဒီရီယာမြို့တွင် အမျိုးသားအမွေအနှစ် စင်တာနှင့် ပြခန်းကိုလည်း မကြာမီ တည်ဆောက်သွားမည်ဟု ဆူလ်တန်က ဆိုသည်။

ဒီရီယာမြို့မှာ ယူနက်စကို၏ ကမ္ဘာ့သမိုင်းဝင် အမွေအနှစ်စာရင်း၌ ပါဝင်ပြီး အဆိုပါမြို့ ဖွံ့ဖြိုးတိုးတက်ရေး ပထမအဆင့်တွင် လူနေအိမ်ရာများကို ပြုပြင်တည်ဆောက်ပေးခြင်း၊ ဗလီဝတ်ကျောင်းတော်များနှင့် ကွယ်လွန်သွားပြီဖြစ်သည့် အီမာမ်မိုဟာမက် ဘင် ဆာအွဒ်၊ ရှိခ်မိုဟာမက်ဘင် အဘ်ဒွလ်ဝါဟဘ်တို့၏ စာသင်ကျောင်းများ ပြန်လည်ပြုပြင် တည်ဆောက်ရေးတို့လည်း ပါဝင်မည်ဖြစ်သည်။

အလ်-ဘူဂျိုင်ရီ ဖွံ့ဖြိုးတိုးတက်ရေး စီမံကိန်း ဖွင့်ပွဲအခမ်းအနားတွင် ဘုရင်ကြီး ဆလ်မန်မှာ ရှေးဟောင်း သမိုင်းဝင်လက်ရာများဖြင့် အထူးတည်ဆောက်မည့် ဟိုတယ်တစ်ခုကို အုတ်မြစ်ချပေးခဲ့ပြီး စီမံကိန်းနှင့်ပတ်သက်၍ အကျဉ်းချုံး ပြောကြားခဲ့ကာ နောက်ပိုင်းတွင် စီမံကိန်းနေရာသို့ လှည့်လည်ကြည့်ရှုခဲ့သည်။

Ref: Alarabiya