ပွဲတိုင်းနိုင်ချင်ပါက နည်းပြအသစ်ရှာဟု ဘိုင်ယန်နည်းပြ ပြော

ဧပြီ ၂၂၊ ၂၀၁၅
M-Media

– ဘိုင်ယန်မြူးနစ်အနေဖြင့် ပွဲတိုင်း အနိုင်ရချင်ပါက နည်းပြအသစ်တစ်ယောက် လိုအပ်သည်ဟု ဂွါဒီယိုလာက ပြောကြားလိုက်ပြီး ချန်ပီယံလိဂ် ဆီမီးဖိုင်နယ်တက်ရေး ကြိုးပမ်းခဲ့ကြသည့် အသင်းသားများကိုလည်း ချီးကျူးခဲ့သည်။

ပြီးခဲ့သည်တစ်ပတ် ကွာတားဖိုင်နယ် ပထမအကျော့ အဝေးကွင်းတွင် ပေါ်တိုအား ၃ ဂိုး ၁ ဂိုးဖြင့် ရှုံးနိမ့်ခဲ့သည့် ဘိုင်ယန်မှာ ယနေ့နံနက်အိမ်ကွင်း၌ ပထမပိုင်းသွင်းဂိုး ၅ ဂိုး အပါအ၀င် ၆ ဂိုး ၁ ဂိုးဖြင့် အနိုင်ရရှိအောင် ကစားနိုင်ခဲ့ပြီး ဆီမီးဖိုင်နယ်သို့ တက်ရောက်သွားနိုင်ခဲ့ပြီ ဖြစ်သည်။

ပထမအကျော့ ရှုံးနိမ့်စဉ်က ဂွါဒီယိုလာမှာ ဝေဖန်မှုများကို ကျယ်ကျယ်ပြန့်ပြန့် ခံစားခဲ့ရပြီး ၎င်းက ယခုပွဲအပြီးတွင် ပြန်လည်ချေပခဲ့သည်။

“သိပ်ကောင်းပါတယ်။ ကျွန်တော်တို့ ပထမပိုင်းမှာ ကောင်းကောင်း ကစားနိုင်ခဲ့တယ်။ ဒုတိယပိုင်းမှာတော့ အဲလောက်မကောင်းပါဘူး။ ကစားသမားတွေကိုသာလျှင် ကျွန်တော် ကျေးဇူးတင်ရမှာပါ။ ပထမပိုင်း ၄၅ မိနစ်ဟာ ပြီးခဲ့တဲ့အကျော့အတွက် တုန့်ပြန်မှုပါ။ ဒီလိုကစားသမားတွေကို နည်းပြရတာ ကျွန်တော် ကံကောင်းပါတယ်။ ဒါပေမယ့် တကယ်လို့ လူတွေက ဘိုင်ယန်ဟာ ပွဲတိုင်းနိုင်ရမယ်လို့ ထင်နေရင်တော့ သူတို့ နည်းပြအသစ် ရှာရပါမယ်” ဟု ပွဲအပြီးတွင် Sky သို့ ပြောကြားခဲ့သည်။

ထိုကဲ့သို့ ဆီးမီးဖိုင်နယ် တက်ရောက်နိုင်ခဲ့ခြင်းကြောင့် နည်းပြအဖြစ် တာဝန်ထမ်းဆောင်သည့် ၆ နှစ်အတွင်း နှစ်တိုင်း ချန်ပီယံလိဂ် ဆီးမီးဖိုင်နယ်သို့ တက်ရောက်နိုင်သည့် စံချိန်ကိုလည်း ဂွါဒီယိုလာက ရရှိခဲ့သည်။

ဂွါဒီယိုလာကမူ ပထမအကျော့ပြီးကတည်းက မိမိတို့မှာ နောက်တစ်ဆင့်သို့ တက်ရောက်နိုင်မည်ဟု ခံစားခဲ့ရကြောင်း ပေါ်တိုမှာ အိမ်ကွင်းတွင် ကောင်းသော်လည်း ယနေ့ပွဲတွင် မကောင်းခဲ့ကြောင်း၊ ဆီမီးဖိုင်နယ်တွင် ရီးယဲလ်၊ ဘာကာ၊ အက်သလက်တီကို၊ ဂျူဗင်တပ်စ်၊ မိုနာကို မည်သည့်အသင်းနှင့်တွေ့တွေ့ မိမိတို့မှာ အကောင်းဆုံး ကြိုးစားသွားမည်ဖြစ်ကြောင်း ထပ်လောင်းပြောကြားခဲ့သည်။

Ref: Goal.com