လူဦးရေထိန်းချုပ်မှု ဥပဒေ လူနည်းစုများအတွက် ပစ်မှတ်ဖြစ်မည်ဟု အမေရိကန် လူ့အခွင့်အရေးအဖွဲ့ ပြော

ဧပြီ ၂၃၊ ၂၀၁၅
M-Media

– မြန်မာနိုင်ငံ၏ သားဖွားမှုကျန်းမာရေး တိုးတက်မှုများအတွက် ဆိုးရွားသော ဆုတ်ယုတ်မှုကို ဖြစ်စေနိုင်သည့် လူဦးရေး ထိန်းချုပ်ရေးဥပဒေက မြန်မာနိုင်ငံရှိ ဘာသာရေးနှင့် တိုင်းရင်းသားလူနည်းစုများကို ပစ်မှတ်ထားခြင်း၊ စော်ကားခြင်းနှင့် ဖိနှိပ်ချုပ်ချယ်ခြင်းတို့ ဖြစ်ကောင်းဖြစ်သွားနိုင်သည်ဟု အမေရိကန်အခြေစိုက် လူ့အခွင့်အရေးအဖွဲ့ Physicians for Human Rights က ပြောကြားလိုက်သည်။

သားဆက်ခြားခြင်းကို အကောင်အထည်ဖော်ရန် စတင်ပြဌာန်းခဲ့သည့် အဆိုပါဥပဒေအရ အမျိုးသမီးများမှာ ကိုယ်ဝန်ဆောင်မှုကာလကို ၃ နှစ်ခြားရန် လိုအပ်မည်ဖြစ်ကာ ထိုဥပဒေက ကိုဝန်ဆောင်မိခင်နှင့် ကလေးငယ်များသေဆုံးမှုကို လျှော့ချနိုင်မည်ဟု ဆိုသည်။

သို့သော်လည်း ယခုနှစ်အစောပိုင်းက လွှတ်တော်မှ အတည်ပြုလိုက်ပြီး သမ္မတ၏ အတည်ပြုချက်ကို စောင့်ဆိုင်းနေသည့် အဆိုပါ ဥပဒေမှာ ကလေး မည်သို့ယူရမည်ဆိုသည်နှင့် ပတ်သက်၍ အမျိုးသမီးများ၏ လွတ်လပ်ခွင့်နှင့် အခွင့်အရေးကို ဆုံးရှုံးနိုင်မည်ဟု ပြောကြားခဲ့သည်။

“ကလေးမွေးဖွားမှုနှုန်း မြင့်မားမှုမရှိတာကို ကျွန်တော်တို့ အားပေးပါတယ်။ ဒါပေမယ့် ဒီအချက်နဲ့ ပစ်ပယ်ခံထားရတဲ့ လူအုပ်စုတွေရဲ့ တိုးတက်မှုကို နိုက်ထက်စီးနင်းလုပ်တာ ဒါမှမဟုတ် ဖိနှိပ်ချုပ်ချယ်တာမျိုး လုပ်လို့ မရပါဘူး။ တစ်ကယ်လို့ ဒီဥပဒေကို လက်မှတ်ထိုးပြီး ခွဲခြားဆက်ဆံမှုကို သိသိသာသာ ခံနေရပြီးဖြစ်တဲ့ တိုင်းရင်းသားလူနည်းစု ဒါမှမဟုတ် ဘာသာရေးလူနည်းစုတွေရဲ့ဒေသတွေမှာ ကွက်ပြီး ကျင့်သုံးသွားမယ်ဆိုရင်တော့ ကျွန်တော်တို့ဟာ ထင်ရှားတဲ့ လူ့အခွင့်အရေးချိုဖောက်မှုရဲ့ မြင့်မားတဲ့ အန္တရာယ်ကို ကြုံတွေ့လာရတာပါပဲ” ဟု Physicians for Human Rights ၏ စီမံကိန်းဒါရိုက်တာဖြစ်သူ ၀င်ဒ်နေ ဘရောင်းက ပြောကြားခဲ့သည်။

အဆိုပါဥပဒေအား ကျင်းသုံးပါက အမျိုးသမီးများမှာ အတင်းအဓမ္မ ကိုယ်ဝန်ဖျက်ချခံရခြင်း၊ အမျိုးသား၊ အမျိုးသမီး ၂ ဦးစလုံး သားကြောဖြတ်ခံရခြင်းတို့ကို ကြုံတွေ့ရနိုင်သည်ဟု ဘရောင်းက ထည့်သွင်းပြောကြားခဲ့သည်။

“နိုင့်ထက်စီးနင်း မပြုပါဘူး၊ ခွဲခြားမှုမပြုပါဘူးဆိုတဲ့ ရှင်လင်းတဲ့ဖော်ပြချက် မပါဘဲနဲ့ ဒီဥပဒေကို ရှေ့ဆက်မတိုးသင့်ပါဘူး”

အထူးသဖြင့် မြန်မာနိုင်ငံအနောက်ပိုင်း ရခိုင်ပြည်နယ်မှ ရိုဟင်ဂျာမွတ်စလင်များမှာ အဆိုပါဥပဒေဖြင့် နိုက်ထက်စီးနင်းပြုခံရမည့် အန္တရာယ်တွင် ရှိနေပြီး လက်ရှိအချိန်တွင်လည်း ၎င်းတို့မှာ အိမ်ထောင်ပြုရာတွင် ကန့်သတ်ခံရခြင်း၊ မွေးဖွားမှုအတွက် စာရင်းပေးရခြင်းနှင့် အခြားသော လူ့အခွင့်အရေး ချိုးဖောက်မှုများကို ကြုံတွေ့နေရသည်ဟု Physicians for Human Rights က ပြောကြားခဲ့သည်။

ထိုဥပဒေဖြင့် ရိုဟင်ဂျာများ ကလေးယူမှုကို ထိန်းချုပ်ရန် ကြိုးစားသွားနိုင်သည်ဟုလည်း ဘရောင်းက ထပ်လောင်း ပြောကြားခဲ့သည်။

လူနည်းစုများအား ထုတ်ပေးထားသည့် ယာယီသက်သေခံလက်မှတ်များကို ဖျက်သိမ်းရန် ဖေဖော်ဝါရီလက သတ်မှတ်ခဲ့သည့် မြန်မာအစိုးရ၏ အစီအစဉ်ပြီးနောက် လူဦးရေထိန်းချုပ်မှု ဥပဒေ၊ လွှတ်တော်၌ တင်သွင်းထားသည့် ဘာသာကူးပြောင်းမှု၊ ဘာသာမတူသူများ လက်ထပ်မှု၊ တစ်လင်တစ်မယားစနစ်တို့နှင့် ပတ်သက်သည့် ဥပဒေများ စသည်တို့မှာ တိုင်းရင်းသားများနှင့် တင်းမာမှုကို ပို၍ ဆိုးဝါးနိုင်သည်ဟု မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးကိုယ်စားလှယ် မစ္စတာယန်ဟီးလီက စောစောပိုင်းတွင် ပြောကြားထားသည်။

Ref: Reuters