ပူတင်အစိုးရ ပြိုလဲပါက မိမိတို့အတွက် အန္တရာယ်ရှိသည်ဟု ရုရှား ဂျူးခေါင်းဆောင် ပြော

ဧပြီ ၂၇၊ ၂၀၁၅
M-Media

– ရုရှားသမ္မတ ဗလာဒီမာပူတင် ဖြုတ်ချခံရပါက ရုရှားရှိ ဂျူးလူမျိုးများမှာ ဆိုးရွားသည့်အန္တရာယ်နှင့် ရင်ဆိုင်ရမည်ဟု ရုရှားရှိ ဂျူးဘုန်းတော်ကြီး အလက်ဇန်ဒါ ဘိုရိုဒါက ပြောကြားလိုက်သည်။

ရုရှားဂျူးလူ့အဖွဲ့အစည်းအသင်း ခေါင်းဆောင်ဖြစ်သူ ဘိုရိုဒါမှာ သောကြာနေ့က ပြုလုပ်ခဲ့သည့် ဂျူးအခမ်းအနားတစ်ခုတွင် ပြောကြားခဲ့ခြင်းဖြစ်ပြီး အမေရိကန်နှင့် အခြားသော ဥရောပနိုင်ငံများထက် လက်ရှိရုရှားအစိုးရက ဂျူးလူမျိုးများ၏ လုံခြုံရေးကို အာမခံပေးကာ ရုရှားရှိ ဘာသာရေး အသင်းအဖွဲ့များကလည်း ဂျူးဆန့်ကျင်ရေးဝါဒကို ပိုမို၍ ဆန့်ကျင်ကာကွယ်ပေးကြသည်ဟု
ထည့်သွင်းပြောကြားခဲ့သည်။

“ပူတင်အစိုးရ ပြိုလဲသွားမယ်ဆိုတဲ့ ဖြစ်နိုင်ချေနဲ့အတူ အန္တရာယ်တွေဟာလည်း တစ်ပါတည်း ပါလာမယ်ဆိုတာ ရုရှားကဂျူးတွေ နားလည်ထားရပါမယ်။ ပြီးတော့ ကစားပွဲရဲ့ ဥပဒေတွေကို နားလည်ထားရမှာဖြစ်သလို၊ ကန့်သတ်မှုတွေကိုလည်း သတိထားရပါမယ်” ဟု ဘိုရိုဒါက ဆိုသည်။

ထို့ပြင် ရုရှား၌ သဘောတရားအရ အကန့်အသတ်မရှိသည့် ဘာသာရေးလွတ်လပ်ခွင့်ရှိပြီး ဂျူးလူ့အဖွဲ့အစည်းက ထိုအခြေအနေအား ဆက်လက်တည်ရှိနေရေး သေချာအောင် ဆောင်ရွက်ရမည်ဖြစ်ကြောင်း၊ ရုရှားရှိ ဂျူးများအားလုံး အထူးသဖြင့် ပူတင်နှင့် ၎င်း၏ အစိုးရကို ဆန့်ကျင်သောသူများမှာ မိမိတို့အပေါ်တွင် ရှိနေသည့် အန္တရာယ်များနှင့် ဖြစ်လာနိုင်သည့် အကျိုးဆက်များကို မဖြစ်မနေ နားလည်ရမည်ဖြစ်ကြောင်း ၎င်းက ထပ်လောင်းပြောကြားခဲ့သည်။

ရုရှားအစိုးရအား ထောက်ခံမှုမှာ လစ်ဘရယ်ဂျူးများနှင့် ယူကရိန်းရှိ ဂျူးများအကြားတွင် လျော့ကျလာခဲ့ပြီး ၎င်းတို့က မော်စကိုမှာ ပြည်သူများ၏ လွတ်လပ်ခွင့်များကို ထိပါးကာ ယူကရိန်းရှိ ပြဿနာကိုလည်း မီးထိုးပေးနေသည်ဟု စွပ်စွဲကြသည်။

ရုရှား ဂျူးလူ့အဖွဲ့အစည်းအသင်းကမူ နိုင်ငံအတွင်းရှိ ဂျူးများအား ပြန်လည်စုစည်းရာတွင် ပူတင်၏ ကူညီမှုကို ချီးကျူးခဲ့သည်။ ရုရှားနိုင်ငံတွင် ဂျူးအရေအတွက်မှာ ၃၅၀၀၀၀ ခန့်ရှိနေသည်။

ပူတင်အစိုးရကလည်း ဂျူးဘုရားကျောင်းများ ပြင်ဆင်မှုတွင် ကူညီပေးခဲ့ပြီး မော်စကိုတွင် ကြီးမားသည့် ဂျူးပြတိုက်တစ်ခု ဆောက်လုပ်ရန်အတွက်လည်း ရန်ပုံငွေ မတည်ပေးခဲ့သည်။

Ref: RT