Facebook
ဧပြီ ၃၀၊ ၂၀၁၅
M-Media
– တောင်အာဖရိကတွင် နိုင်ငံခြားသားများကို ဆန့်ကျင်တိုက်ခိုက်မှုများ ၃ ပတ်တာ ဖြစ်ပွားခဲ့ပြီးနောက် ကယ်ဆယ်ရေးစခန်းများတွင် နေထိုင်ခဲ့ရသည့် မာလာဝီနိုင်ငံသား ၆၀၀ ကျော်မှာ ယမန်နေ့က ၎င်းတို့နိုင်ငံသို့ ပြန်သွားခဲ့သည်။ ယခုသီတင်းပတ်များအတွင်း တောင်အာဖရိကမှ အိမ်ပြန်သွားခဲ့သည့် မာလာဝီနိုင်ငံသား အရေအတွက် ၁၅၀၀ ကျော်လာခဲ့ပြီဟု တာဝန်ရှိသူများက ပြောကြားခဲ့သည်။
– တမန်တော်မိုဟာမက်၏ ရုပ်ပြောင်ကာတွန်းများကို ရေးဆွဲဖော်ပြသည့် ပြင်သစ်မဂ္ဂဇင်း ချာလီဟဘ်ဒိုမှ ကာတွန်းဆရာတစ်ဦးဖြစ်သူ လုဇ်က ၎င်းအနေဖြင့် တမန်တော်မိုဟာမက်၏ ကာတွန်းရေးဆွဲမှုကို ငြီးငွေ့သွားပြီး ထပ်မံ၍ မဆွဲတော့ဟု ယမန်နေ့တွင် ပြောကြားလိုက်သည်။ မဂ္ဂဇင်းတိုက် တိုက်ခိုက်ခံရမှုပြီးနောက် ထုတ်ဝေခဲ့သော မဂ္ဂဇင်းမျက်နှာဖုံးတွင် လုဇ်မှာ တမန်တော်မိုဟာမက်ပုံ ကာတွန်းရေးဆွဲခဲ့သူ ဖြစ်သည်။
– ပြီးခဲ့သည့် သီတင်းပတ်က ဘလာတီမိုးရ်ရဲစခန်းတွင် ထိန်းသိမ်းထားသည့် လူမည်းတစ်ဦး သေဆုံးခဲ့မှုကို မကျေနပ်သည့်အတွက် ပြီးခဲ့သည့်ရက်ပိုင်းက ဘလာတီမိုးရ်တွင် ဆန္ဒပြမှုများ အကြီးအကျယ် ဖြစ်ပွားခဲ့ပြီး၊ ယမန်နေ့ကလည်း အမေရိကန်နိုင်ငံ အရှေ့ကမ်းရိုးတန်းတစ်လျှောက်ရှိ မြို့များတွင် ဆန္ဒပြမှုများ ထပ်မံဖြစ်ပွားခဲ့ကာ ရဲတပ်ဖွဲ့ဝင်များ၏ နှိပ်စက်ငြှင်းပန်းမှုကို ရပ်တန့်ရန် တောင်းဆိုခဲ့ကြသည်။
– ရုရှားသမ္မတ ဗလာဒီမာပူတင်မှာ ဒုတိယကမ္ဘာစစ်က နာဇီများ၏ လီနင်ဂရက်ပိတ်ဆို့မှုအတွင်း ၎င်းတို့မိသားစု ကြုံတွေ့ခဲ့ရပုံများနှင့်ပတ်သက်၍ Russian Poineer ဂျာနယ်တွင် ဆောင်းပါးတစ်ခု ရေးသားခဲ့သည်။ အဆိုပါ ဆောင်းပါးတွင် ပူတင်က ၎င်း၏အကိုဖြစ်သူ စစ်အတွင်း သေဆုံးခဲ့ရသည့်အကြောင်း၊ ၎င်း၏ဖခင် ပါဝင်သော တပ်ဖွဲ့အား နာဇီတို့က တောထဲ၌ လိုက်လံဖမ်းဆီးရာတွင် ဖခင်ဖြစ်သူမှာ ရွံ့ညွန်ထဲ၌ နာရီများစွာ ပုန်းနေခဲ့ရပြီး ကျူရိုးဖြင့် အသက်ရှုခဲ့ရကြောင်းတို့ အပါအ၀င် ၎င်းတို့ မိသားစု ကြုံတွေ့ခဲ့ရသည့် အကြောင်းအရာများကို ထည့်သွင်း ရေးသားထားသည်။
– ဘိုကိုဟရမ်၏ နောက်ဆုံးစခန်းဖြစ်သည့် ဆမ်ဘီဆာသစ်တောအတွင်း တိုက်ခိုက်နေသည့် နိုက်ဂျီးရီးယားတပ်ဖွဲ့များမှာ ကလေးငယ်များနှင့် အမျိုးသမီး အနည်းဆုံး ၁၆၀ ခန့်ကို ထပ်မံကယ်တင်နိုင်ခဲ့သည်ဟု နိုက်ဂျီးယားစစ်တပ်မှ ယနေ့တွင်ထုတ်ပြန်သော ကြေညာချက်၌ ဖော်ပြခဲ့သည်။ ကယ်တင်မှုအတွင်း စစ်သားတစ်ဦးနှင့် အမျိုးသမီးတစ်ဦး အသက်ဆုံးရှုံးခဲ့ပြီး အမျိုးသီး ၈ ဦးနှင့် စစ်သား ၄ ဦးမှာလည်း ဒဏ်ရရှိခဲ့သည်ဟု ဆိုသည်။ နိုက်ဂျီးရီးယားစစ်တပ်မှာ ပြီးခဲ့သည့် ရက်ပိုင်းကလည်း အမျိုးသမီးနှင့် မိန်းကလေး စုစုပေါင်း ၃၀၀ နီးပါးကို ကယ်တင်နိုင်ခဲ့သည်။
Ref: News Agencies
M-Media on Twitter
M-Media Tube
Comments