ဟဇာ့ဒ်ရဲ့ဂိုးနဲ့ ချယ်ဆီး ချန်ပီယံဖြစ်၊ မန်ယူ ၃ ပွဲဆက်ရှုံးပြီး၊ မန်စီးတီး၊ လီဗာပူးလ်တို့ ၃ မှတ်စီ ယူနိုင်ခဲ့တဲ့ ပရီးမီးယားလိဂ် ပွဲစဉ် ၃၅

မေ ၄၊ ၂၀၁၅
M-Media

– ဒီတစ်ပတ်ပရီးမီးယားလိဂ်မှာတော့ ချန်ပီယံ အဖြေပေါ်သွားခဲ့ပါပြီ။ ဒါပေမယ့် ချန်ပီယံလိဂ်ဝင်ခွင့်နဲ့ တန်းဆင်းဇုန်မှာ ဆက်လက်ပြီး အကြိတ်အနယ်ရှိနေပါတယ်။

မနေ့က ကစားခဲ့တဲ့ ခရစ္စတယ်ပဲလေ့စ်နဲ့ပွဲမှာ ချယ်ဆီတို့ ၁ ဂိုး ဂိုးမရှိနဲ့ အနိုင်ကစားနိုင်ခဲ့ပြီး ၅ နှစ်အတွင်း ပထမဆုံးအကြိမ်အဖြစ် ပရီးမီးယားလိဂ်ကို ဆွတ်ခူးနိုင်ခဲ့ပါတယ်။ သက်တောင့်သက်သာနဲ့ အသေအချာကစားသွားတဲ့ ချယ်ဆီးအတွက် တစ်လုံးတည်းသော အနိုင်ဂိုးကိုတော့ PFA တစ်နှစ်တာအကောင်းဆုံး ဘောလုံးသမားဆု ရရှိထားတဲ့ ဟဇာ့ဒ်က သူကန်တဲ့ ပင်နယ်တီက ပြန်ထွက်လာတဲ့
ဘောလုံးကို ခေါင်းတိုက် သွင်းယူပေးခဲ့တာပါ။

ချန်ပီယံလိဂ် တစ်နေရာအတွက် ကြိုးပမ်းနေတဲ့ လီဗာပူးလ်က ဂျရတ်ရဲ့ ၈၇ မိနစ် နောက်ကျ ဂိုးနဲ့ အနိုင်ရခဲ့ပါတယ်။ ၁၉ မိနစ်မှာ ကော်တင်ဟိုက ဦးဆောင်ဂိုး သွင်းပေးခဲ့ပေမယ့် ၇၃ မိနစ်မှာ လီရွိုင်း ဖာရ်က ချေပဂိုး သွင်းယူနိုင်ခဲ့ပါတယ်။ ၇၉ မိနစ် ပယ်နယ်တီကို ၀င်အောင်မသွင်းနိုင်ခဲ့တဲ့ ဂျရတ် ပွဲပြီးကာနီးရတဲ့ အခွင့်အရေးကို အကောင်းဆုံး အသုံးချနိုင်ခဲ့ပါတယ်။ ရော်ဂျာကတော့ ပွဲအပြီးမှာ ဂျရတ်ကို ချီးကျူးခဲ့ပါတယ်။

ဗန်ဂါးလ်ရဲ့မန်ယူက အိမ်ကွင်းမှာ ဘောလုံးပိုင်ဆိုင်မှုအသာ ခြေအသာနဲ့ ကစားနိုင်ခဲ့ပေမယ့် ၀က်စ်ဘရွန်းကို ၁ ဂိုး ဂိုးမရှိနဲ့ ရှုံးနိမ့်ခဲ့ပါတယ်။ ပင်နယ်တီတစ်လုံးအပါအ၀င် ဗန်ပါစီရဲ့ ကန်သွင်းမှုတွေ မ၀င်တာက မန်ယူကို ရှုံးပွဲတွေ့စေခဲ့တာဖြစ်ပြီး ဒီရှုံးပွဲဟာ မန်ယူရဲ့ နောက်ဆုံး ၃ ပွဲဆက်အရှုံးလည်း ဖြစ်ခဲ့ပါတယ်။ ဗန်ဂါးလ်ကတော့ ၀က်စ်ဘရွန်းဟာ ဂိုးရှေ့မှာ ဘတ်စ်ကားရပ်ထားတဲ့ ပုံစံမျိုးနဲ့ ကစားသွားခဲ့တယ်လို့ ဝေဖန်ခဲ့ပြီး အသာရပေမယ့် ဂိုးမရခဲ့တဲ့အတွက် စိတ်ပျက်မိတယ်လို့ ပွဲအပြီးမှာ ပြောကြားခဲ့ပါတယ်။

မန်စီးတီးနဲ့ စပါးတို့ရဲ့ ပွဲမှာတော့ နှစ်သင်းစလုံးက တိုက်စစ်ဖွင့်ကစားတာကြောင့် ပွဲက မြိုင်ခဲ့ပါတယ်။ နှစ်ဖက်စလုံး ဂိုးသွင်းခွင့်တွေရခဲ့ပြီး ကစားသမားတွေရဲ့ အဆုံးသတ်ကောင်းမွန်မှုက စကားပြောသွားခဲ့တာပါ။ မန်စီးတီးအတွက် တစ်လုံးတည်းသော အနိုင်ဂိုးကိုတော့ ပင်တိုင်တိုက်စစ်မှူး အဂူရိုက ၂၉ မိနစ်မှာ သွင်းယူပေးခဲ့တာ ဖြစ်ပါတယ်။

နယူးကာဆယ်ကတော့ အရှုံးသံသရာက မထွက်နိုင်သေးဘဲ တန်းဆင်းဇုန်က လွတ်ဖို့ အသည်းအသန်ကြိုးစားနေတဲ့ လက်စတာကို ၃ ဂိုးပြတ်ရှုံးပြီး တန်းဆင်းဇုန်နဲ့ ၂ မှတ်သာ ကွာပါတော့တယ်။ ဇုန်ထဲက နောက်တစ်သင်းဖြစ်တဲ့ ဆန်းဒါးလန်းက ဆောက်သက်တမ်ကို အနိုင်ရခဲ့ပြီး ဘန်လေကတော့ ၀က်စ်ဟမ်းကို ရှုံးခဲ့ပါတယ်။

ဒီတစ်ပတ် ပရီးမီးယားလိဂ် ရလဒ်များကတော့ အောက်ပါအတိုင်း ဖြစ်ပါတယ်။

လက်စတာ ၃-၀ နယူးကာဆယ်
အက်စတွန်ဗီလာ ၃-၂ အဲဗာတန်
လီဗာပူးလ် ၂-၁ ကျူပီအာရ်
ဆန်းဒါးလန်း၂-၁ ဆောက်သက်တမ်
ဆွမ်ဆီး ၂-၀ စတုတ်
ဝက်စ်ဟမ်း ၁-၀ ဘန်လေ
မန်ယူ ၀-၁ ၀က်စ်ဘရွန်း
ချယ်ဆီး ၁-၀ ခရစ္စတယ်ပဲလေ့စ်
စပါး ၀-၁ မန်စီးတီး