နိုင်ငံတကာ သတင်းတို (မေ ၆၊ ၂၀၁၅)

မေ ၆၊ ၂၀၁၅
M-Media

လက်ယာစွန်းရောက် အကြမ်းဖက်အဖွဲ့ကို ဂျာမန်ရဲ ဖမ်းဆီး
————————————-
မွတ်စလင်များ၏ အိမ်များနှင့် ဒုက္ခသည်အဖြစ် နိုင်ငံအတွင်း နေထိုင်ကြသူတို့၏ အိမ်များကို ဖောက်ခွဲတိုက်ခိုက်ရန် စီစဉ်နေသည့် လက်ယာစွန်းရောက် အကြမ်းဖက်အဖွဲ့ Oldschool Society မှ အဖွဲ့ဝင် ၄ ဦးအား ဂျာမန်ရဲတပ်ဖွဲ့က ယနေ့တွင် ဖမ်းဆီးလိုက်သည်။ ဖမ်းဆီးရမိသူများမှာ အမျိုးသား ၃ ဦးနှင့် အမျိုးသမီးတစ်ဦးတို့ ဖြစ်ကြပြီး ၎င်းတို့နှင့်အတူ ဖောက်ခွဲရေးပစ္စည်းများလည်း ပါဝင်သည်။သို့သော်လည်း မည်သည့်နေရာကို မည်သည့်အချိန်တွင် တိုက်ခိုက်မှုပြုလုပ်ရန် သတ်မှတ်ထားသည်နှင့် ပတ်သက်၍ ရှင်းရှင်းလင်းလင်း မသိရသေးပေ။

အိုးအိမ်စွန့်ခွာ ထွက်ပြေးရသူ ကမ္ဘာတစ်ဝှမ်း ၃၈ သန်းရှိ
——————————
ကမ္ဘာတစ်ဝှမ်းရှိ နိုင်ငံများအတွင်း ဖြစ်ပွားနေသော ပဋိ့ပက္ခများကြောင့် အိုးအိမ်စွန့်ခွာထွက်ပြေးရသူ အရေအတွက်မှာ ၂၀၁၄ ခုနှစ်တွင် ၃၈ သန်း ရှိလာပြီဟု နော်ဝေ ဒုက္ခသည်ကောင်စီ၏ နိုင်ငံတကာ အိုးအိမ်စွန့်ခွာထွက်ပြေးသူများ စောင့်ကြည့်ရေးစင်တာမှ ယနေ့တွင် ထုတ်ပြန်လိုက်သည်။ အီရတ်တွင် IS ကြောင့် ထွက်ပြေးရသူများမှာ ၂.၂ သန်း ရှိပြီး၊ ၂၀၁၄ ခုနှစ်အတွင်း ကမ္ဘာ့တစ်ဝှမ်း၌ ထွက်ပြေးရသူများမှာ ၁၁ သန်းရှိခဲ့သည်။ ဆီးရီးယား၊ အီရတ်၊ တောင်ဆူဒန်၊ နိုက်ဂျီးရီးယားနှင့် ကွန်ဂိုနိုင်ငံများမှ အိုးအိမ်စွန့်ခွာ ထွက်ပြေးရသူ စုစုပေါင်း၏ အရေအတွက်မှာ အားလုံးပေါင်းအရေအတွက်၏ ၆၀ ရာခိုင်နှုန်းခန့် ရှိနေသည်။

နိုင်ငံထဲ ဒုံးကျည်ကျ၍ ယီမင်နယ်စပ်ကို ဆော်ဒီဗုံးကျဲ
————————————
ယီမင်ရှိ ဟူသီသူပုန်များ ပစ်လွှတ်လိုက်သည့် ဒုံးကျည်များမှာ ဆော်ဒီအာရေဗျနိုင်ငံ နယ်စပ်မြို့ နဂ်ျရန်သို့ ကျရောက်ခဲ့သောကြောင့် လူ ၃ ဦး သေဆုံးခဲ့ပြီးနောက် ဆော်ဒီက ယီမင်အနောက်မြောက်ပိုင်း ဆော်ဒီနယ်စပ်အနီး ဆအာဒါနှင့် ဟက်ဂျာပြည်နယ်များသို့ လေကြောင်းမှ တိုက်ခိုက်မှု အကြိမ် ၃၀ ကျော် ပြုလုပ်ခဲ့သည်။ ဆော်ဒီ၏ တိုက်ခိုက်မှုအတွင်း အရပ်သား ၄၃ ဦး သေဆုံးခဲ့ပြီး အနည်းဆုံး ၁၀၀ ခန့် ဒဏ်ရာရရှိခဲ့သည်ဟု ဟူသီသူပုန်များဘက်မှ ပြောကြားခဲ့သည်။

မောင်းသူမဲ့ ထရပ်ကားတွေ စမ်းပြပြီ
————————————
ကမ္ဘာ့အကြီးဆုံး ထရပ်ကားထုတ်လုပ်သည့် ကုမ္ပဏီ Daimler က ၎င်းတို့၏ မောင်းသူမဲ့ ထရပ်ကားကို အင်္ဂါနေ့က အမေရိကန်ပြည်ထောင်စု နီဗာဒါတွင် ပြုလုပ်ခဲ့သည့် Las Vegas Motor Speedway ကားပြပွဲတွင် စမ်းသပ်မောင်းနှင်ပြခဲ့သည်။ Freightliner Inspiration ဟု အမည်ရသည့် အဆိုပါထရပ်ကားတွင် အရှေ့ကားနှင့် အန္တရာယ်ကင်းသော အကွာအဝေးတွင် ရပ်နိုင်သည့်စနစ်၊ အနီးနှင့် အဝေးတို့အား ကောင်းမွန်စွာ ထောက်လှမ်းနိုင်သည့် ရေဒါစနစ်၊ မီတာ ၁၀၀ အကွာအဝေးအထိ
ဖမ်းယူရိုက်ကူးထားနိုင်မည့် ကင်မရာ၊ ၂၀၁၁ ခုနှစ်ကတည်းက အောင်မြင်စွာ စမ်းသပ်ပြီးခဲ့သည့် စတီရာတိုင် ဂီယာတို့ ပါဝင်သည်။ အဆိုပါ ထရပ်ကားများကို မည်သည့်အချိန်တွင် ရောင်းချမည်ကို မသိရသေးသော်လည်း ထရပ်ကား ၂ စီးကို အမေရိကန်ရှိ လမ်းမများတွင် မောင်းနှင်ရန် ခွင့်ပြုထားသည်။

Ref: News Agencies