တန်းဆင်းရမယ့် ၂ သင်း ထွက်ပေါ်လာခဲ့ပြီး ချန်ပီယံလိဂ်ဝင်ခွင့် အဖြေပေါ်သွားတဲ့ ပရီးမီးယားလိဂ် ပွဲစဉ် ၃၆

မေ ၁၁၊ ၂၀၁၅
M-Media

– ချန်ပီယံ အဖြေပေါ်သွားပေမယ့် ဥရောပ၀င်ခွင့်နဲ့ တန်းဆင်းဇုန်တို့မှာ အကြိတ်အနယ်ရှိနေဆဲဖြစ်တဲ့ ပရီးမီးယားလိဂ်ရဲ့ ဒီတစ်ပတ်ပွဲစဉ်တွေမှာတော့ ဘန်လေနဲ့ ကျူပီအာရ်တို့ တန်းဆင်းသွားခဲ့ရပြီး ချန်ပီယံလိဂ်ဝင်ခွင့်အတွက်လည်း အဖြေပေါ်သွားခဲ့ပါပြီ။

တန်းဆင်းဇုန်ထဲက ၂ သင်းဖြစ်တဲ့ ဟားလ်စီးတီးနဲ့ ဘန်လေတို့ရဲ့ပွဲမှာ ဘန်လေတို့ ကစားပုံပိုကောင်းခဲ့ပြီး ဒန်နီ အင့်ဂ်ရဲ့ ၆၂ မိနစ်သွင်းဂိုးနဲ့ အဖိုးတန် ၃ မှတ်ကို ရယူနိုင်ခဲ့ပါတယ်။ ဒါပေမယ့်လည်း အဆင့် ၁၆ က ဆန်းဒါးလန်း နိုင်ပွဲရခဲ့ပြီး အဆင့် ၁၇ က နယူးကာဆယ်ကလည်း သရေကျခဲ့တာကြောင့် လက်ကျ န် ၂ ပွဲကျန်ချိန်မှာ အဲဒီအသင်းတွေနဲ့ ၇ မှတ်ကွာသွားပြီး
ပြီးခဲ့တဲ့နှစ်ကမှ တန်းတက်လာတဲ့ ဘန်လေတို့ရဲ့ ပရီးမီးယားလိဂ် တင်ကျရေးမျှော်လင့်ချက်ဟာ ပျက်သုဉ်းသွားခဲ့ရပါတယ်။ အဆင့် ၁၈ မှာရှိနေတဲ့ ဟားလ်စီးတီးကတော့ အဆင့် ၁၄ အထိ အသင်းတွေနဲ့ တန်းဆင်းဇုန်တိုက်ပွဲ ဆက်နွှဲရဦးမှာ ဖြစ်ပါတယ်။

ဘန်လေရဲ့နောက်ကို လိုက်သွားတဲ့ နောက်တစ်သင်းကတော့ ကျူပီအာရ်ဖြစ်ပြီး အဝေးကွင်းမှာ မန်စီးတီးကို ၆ ဂိုးပြတ်ရှုံးကာ ပရီးမီးယားလိဂ်ကို လက်ပြနှုတ်ဆက်ခဲ့ရပါပြီ။ မန်စီးတီးအတွက် ဂိုးတွေကိုတော့ အဂူရိုက ဟက်ထရစ်၊ ကိုလာရော့ဗ်၊ မီလ်နာနဲ့ ဆေးလ်ဗားတို့က ၁ ဂိုးစီ အသီးသီး သွင်းယူပေးခဲ့ကြတာဖြစ်ပါတယ်။

မန်ယူကတော့ အဝေးကွင်းမှာ ပဲလေ့စ်ကို ကစားပုံမကောင်းပေမယ့် အနိုင်ကစားနိုင်ခဲ့ပါတယ်။ ၁၉ မိနစ်မှာရတဲ့ ပင်နယ်တီကို မာတာက အမှားအယွင်းမရှိကန်သွင်းကာ ဦးဆောင်ဂိုး သွင်းယူနိုင်ခဲ့ပေမယ့် နောက်ပိုင်းမှာ ပဲလေ့စ်က တောက်လျှောက်ဖိကစားခဲ့ပြီး မန်ယူနောက်တန်းနဲ့ ဂိုးသမားတို့ ကောင်းလို့သာ စောစောစီးစီး ချေပဂိုး မပေးခဲ့ရတာပါ။ ၅၇ မိနစ်မှာ အိမ်ရှင်တို့ ချေပဂိုးရခဲ့ပေမယ့် ၇၈ မိနစ်မှာ ဖယ်လိုင်နီက အနိုင်ဂိုး သွင်းပေးနိုင်ခဲ့တာကြောင့် မန်ယူတို့ အဖိုးတန်အနိုင် ၃ မှတ် ရခဲ့တာဖြစ်ပါတယ်။

လီဗာပူးလ်ကတော့ ချယ်ဆီးကို သရေသာကစားနိုင်ခဲ့ပြီး ၂ ပွဲကစားဖို့ ကျန်ရှိနေသေးတဲ့ အချိန်မှာ အဆင့် ၄ က မန်ယူနဲ့ ၆ မှတ်ကွာနေပါတယ်။ ဒါပေမယ့် ရဂိုး ပေးဂိုအရ မန်ယူကို လိုက်မမှီတော့ပဲ ချန်ပီယံလိဂ်ဝင်ခွင့်ကို ဆုံးရှုံးခဲ့ရပါတယ်။

ဒီတစ်ပတ် ပရီးမီးယားလိဂ် ရလဒ်များကတော့ အောက်ပါအတိုင်းဖြစ်ပါတယ်။

အဲဗာတန် ၀-၂ ဆန်းဒါးလန်
အက်စတွန်ဗီလာ ၁-၀ ၀က်စ်ဟမ်း
ဟားလ်စီးတီး ၀-၁ ဘန်လေ
လက်စတာ ၂-၀ ဆောက်သက်တမ်
နယူးကာဆယ် ၁-၁ ၀က်စ်ဘရွန်း
စတုတ် ၃-၀ စပါး
ခရစ္စတယ်ပဲလေ့စ် ၁-၂ မန်ယူ
မန်စီးတီး ၆-၀ ကျူပီအာရ်
ချယ်ဆီး ၁-၁ လီဗာပူးလ်