အနားယူပါက နည်းပြဘ၀သို့ ကူးပြောင်းရန် ဂျရတ်အစီအစဉ်ရှိနေ

မေ ၁၇၊ ၂၀၁၅
M-Media

– မိမိကစားသမားဘ၀ အဆုံးသတ်ပြီးနောက် ဖာဂူဆန်နှင့် အာဆင်ဝင်းဂါးတို့၏ အရည်အသွေး တစ်ဝက်စီပါဝင်သော နည်းပြဘ၀ဖြင့် လီဗာပူးလ်သို့ ပြန်လာမည်ဟု ကွင်းလယ်လူ စတီဗင်ဂျရတ်က ပြောကြားလိုက်သည်။

လာမည့်ရာသီတွင် မေဂျာလိဂ်ကလပ် အလ်အေ ဂလက်ဆီအသင်းသို့ ပြောင်းရွှေ့တော့မည့် ဂျရတ်မှာ ယမန်နေ့က ခရစ္စတယ်ပဲလေ့စ်နှင့်ပွဲတွင် ၎င်း၏ အန်ဖီးလ်နောက်ဆုံးပွဲအဖြစ် ပါဝင်ကစားခဲ့သည်။ ကစာသမားဘ၀ အဆုံးသတ်ပြီးနောက် နည်းပြဘ၀ ကူးပြောင်းရန်လည်း ဂျရတ်က အစီအစဉ်ရှိနေသည်။

နည်းပြအဖြစ် ဆောင်ရွက်ပါက ငယ်စဉ်ကတည်းက ကစားခဲ့သော လီဗာပူးလ်အသင်းအား ကိုင်တွယ်သွားရန် စိတ်ဝင်စားမှုကို ဂျရတ်က မဖုံးကွယ်ခဲ့ပေ။

“မန်နေဂျာတစ်ယောက်ဖြစ်လာဖို့ ကျွန်တော့်ဟာ နည်းနည်းတော့ ရူးသွပ်ရပါမယ်။ ဒါပေမယ့် သေချာတာကတော့ အသင်းနဲ့ ဆက်လက်အဆက်အသွယ် ရှိချင်ပြီး အနာဂတ်အတွက် အရာရာတိုင်းကို ဖွင့်ထားချင်ပါတယ်။ ဖာဂူဆန်လို ဒါမှမဟုတ် ၀င်းဂါးလိုဖြစ်လာရင်လည်း ကိစ္စမရှိပါဘူး။ ဘာ့ကြောင့်လည်းဆိုတော့ သူတို့နှစ်ယောက်စလုံးဟာ အောင်မြင်တဲ့ နည်းပြတွေ
ဖြစ်လို့ပါပဲ။ ကျွန်တော်ကတော့ သူတို့ နှစ်ယောက်ရဲ့ အဆင့်ကြားထဲက တစ်နေရာရာမှာ ရှိမယ်လို့ ထင်ပါတယ်” ဟု ဂျရတ်က သတင်းထောက်များအား ပြောကြားခဲ့သည်။

ထို့ပြင် မိမိအနေဖြင့် နာမည်ကျော်နည်းပြများ၏ နည်းစနစ်များ၊ ပြောကြားမှုများနှင့် လမ်းညွှန်းမှုများကို မှတ်စုများရေးထားကြောင်း၊ အနာဂတ်တွင် အသုံးဝင်မည်ဟု မျှော်လင့်ကြောင်း ၎င်းက ထပ်လာင်းပြောကြားခဲ့သည်။

လီဗာပူးလ်အသင်း၏နည်းပြ အသေအချာဖြစ်လာနိုင်မလား ဆိုသည်နှင့်ပတ်သက်၍ ဂျရတ်က ငြင်းဆိုခဲ့ပြီး အန်ဖီးလ်တွင် ကျရှုံးမှုမှာ ဆိုးရွားသွားနိုင်သည်ဟု ပြောကြားခဲ့သည်။

“ကျွန်တော်ဟာ လုံလောက်အောင်ကောင်းမွန်တယ်လို့ ခံစားရပြီး၊ ကူညီနိုင်တယ်ဆိုရင် ကျွန်တော့်ကိုကမ်းလှမ်းမှုကို တကယ် လေးလေးနက်နက် စဉ်းစားသွားမှာပါ။ ဒါပေမယ့် ကျွန်တော် မကောင်းသေးဘူး၊ ကျွန်တော့်နာမည် ပျက်ဆီးစေမယ့် အန္တရာယ်မျိုးရှိတယ်ဆိုရင်တော့ အနားတောင်ကပ်မှာမဟုတ်ပါဘူး” ဟု ဆိုကာ အောင်မြင်အောင် မစွမ်းဆောင်နိုင်ခဲ့၍
အချိန်တိုတိုအတွင်း ပစ်ပယ်ခံလိုက်ရသည့် နည်းပြ ရွိုင်ဟဒ်ဆန်ကို ဂျရတ်က ဥပမာပေးခဲ့သည်။

Ref: Goal