အသက်ကြီးအမျိုးသားများ ပုံမှန်လေ့ကျင့်ခန်းလုပ်လျှင် သေဆုံးမှုအန္တရာယ်ကို လျော့ချနိုင်

မေ ၁၈၊ ၂၀၁၅
M-Media

– အသက်အရွယ်အိုမင်းသော အမျိုးသားများအနေဖြင့် နာရီဝက်ခန့် လေ့ကျင့်ခန်းလုပ်မှုကို တစ်ပတ်လျှင် ၆ ကြိမ်ပြုလုပ်ပါက သေဆုံးမှုအန္တရာယ် ၄၀ ရာခိုင်နှုန်း လျော့ကျနိုင်သည်ဟုလေ့လာမှုများအရ သိရသည်။

နော်ဝေနိုင်ငံ အော်စလိုရှိ အားကစားသိပ္ပံကျောင်းမှ ပြုလုပ်သော အဆိုပါလေ့လာမှုတွင် အမျိုးသား ၆၀၀၀ ခန့် ပါဝင်ခဲ့ပြီး လေ့ကျင့်ခန်းများမှာ ပေါ့ပါးသော လေ့ကျင့်ခန်းများ ဖြစ်သော်လည်း လေ့ကျင့်ခန်းလုပ်သူများမှာ မလုပ်သူများထက် အသက် ၅ နှစ်ခန့် ပို၍ နေရသည်ကို တွေ့ခဲ့ရသည်။

သို့သော်လည်း ပြင်းထန်သော လေ့ကျင့်ခန်းများဖြစ်ပါက သေဆုံးမှုအန္တရာယ်မှာ ၃၇ ရာခိုင်နှုန်းသာ လျော့ကျမည်ဖြစ်ကာ ထိုကဲ့သို့ ပုံမှန်လေ့ကျင့်ခန်းလုပ်ခြင်းမှာ ဆေးလိပ်ဖြတ်ခြင်းကြောင့် ရရှိသည့် ကျန်းမာရေးအကျိုးကျေးဇူးနှင့် တူညီသော အကျိုးကျေးဇူးကို ရရှိသည်ဟု Britich Medical ဂျာနယ်တွင် ဖော်ပြခဲ့သည်။

လေ့လာသူများကမူ အသက်အရွယ်ကြီးရင့်သူများအတွက် ပြည်သူ့ကျန်းမာရေး ဗျူဟာများနှင့် လှုပ်ရှားမှုများတွင် ရုပ်ပိုင်းဆိုင်ရာ လှုပ်ရှားမှုကို အဓိကထား ဆောင်ရွက်သင့်သည်ဟု ဆိုပြီး၊ ဆရာဝန်များအနေဖြင့် လေ့ကျင့်ခန်းလုပ်ခြင်းဖြင့် တားဆီးနိုင်မည့် ကျန်းမာရေးပြဿနာ အမြောက်အများကို အာရုံစိုက်ရမည်ဟုလည်း ပြောကြားခဲ့သည်။

လေ့လာမှုတွင် အလွန်အမင်း ပြင်းပြန်းထန်ထန် လေ့ကျင့်ခန်းလုပ်သော အဖွဲ့မှာ သေဆုံးမှုအန္တရာယ် ၄၉ ရာခိုင်နှုန်း လျော့ကျစေသည်ကို တွေ့ခဲ့ရသည်။

“ပျမ်းမျှ အသက် ၇၃ နှစ်ရှိတဲ့ အမျိုးသားတွေတောင်မှ လေ့ကျင့်ခန်းလုပ်မယ်၊ တက်တက်ကြွကြွနေမယ်ဆိုရင် ဘာမှမလုပ်တဲ့သူတွေထက် မျှော်မှန်းသက်တမ်းဟာ ၅ နှစ်လောက် ပိုပါတယ်” ဟု သုတေသနပညာရှင်များက ပြောကြားခဲ့သည်။

Ref: Telegraph