နိုင်ငံတကာ သတင်းတို (မေ ၂၄၊ ၂၀၁၅)

မေ ၂၄၊ ၂၀၁၅
M-Media

ပြောင်းရွှေ့လာသူများအား မြှုပ်နှံထားသော နေရာများကို မလေးရှားတွင် တွေ့ရှိ
……………………………
မြန်မာနှင့် ဘင်္ဂလားဒေ့ရ်ှတို့မှ ပြောင်းရွှေ့လာသူများ၏ ရုပ်အလောင်းများဟု ယူဆရသည့် အစုလိုက်အပြုံလိုက် မြှုပ်နှံထားသည့်နေရာများကို မလေးရှားနိုင်ငံမြောက်ပိုင်း ပါရ်လစ်ပြည်နယ်တွင် တွေ့ရှိခဲ့သည်ဟု မလေးရှားသတင်းစာ Utusan Malaysia က ယနေ့တွင် ဖော်ပြလိုက်သည်။ သောကြာနေ့က တွေ့ရှိခဲ့သည့် နေရာတစ်ခုတွင်ပင် အလောင်းပေါင်း ၁၀၀ ခန့်ကို တွေ့ရှိခဲ့ရသည်ဟု The Star သတင်းစာတွင် ဖော်ပြထားသည်။ သို့သော်လည်း စုစုပေါင်း အလောင်းမည်မျှ တွေ့ရှိခဲ့သည်ကို ရှင်းရှင်းလင်းလင်း မသိရှိရေသေးပေ။

ရှီယာဗလီတိုက်ခိုက်ခံရမှုအတွက် ၀မ်းနည်းကြေကွဲမိဟု ဆော်ဒီဘုရင်ပြော
…………………………….
နိုင်ငံအရှေ့ပိုင်းရှိ ရှီအာဗလီဝတ်ကျောင်းတော်တစ်ခုကို သောကြာနေ့တွင် IS က ဗုံးခွဲတိုက်ခိုက်မှုကြောင့် လူ ၂၁ ဦးသေဆုံးခဲ့ရမှုကို မိမိအနေဖြင့် အလွန်ကြေကွဲဝမ်းနည်းရပြီး ထိုတိုက်ခိုက်မှုများနှင့် ဆက်စပ်သူများကို ဖမ်းဆီးကာ တရားဥပဒေရှေ့မှောက်သို့
ခေါ်ဆောင်လာမည်ဟု ဆော်ဒီဘုရင်ကြီး ဆလ်မန်က ယနေ့တွင် ပြောကြားလိုက်သည်။ ထိုတိုက်ခိုက်မှုအတွက် ဆော်ဒီအစိုးရမှာ လူအများအပြားကို ဖမ်းဆီးထားသည်။

ဆိုရှယ်စာမျက်နှာတွင် မှတ်ချက်ရေးသူ ပါလက်စတိုင်းတစ်ဦးကို အစ္စရေး ထောင်ချ
……………………………………..
ပြီးခဲ့သည့်နှစ် ဇွန်လက အသက် ၁၇ နှစ်အရွယ် ပါလက်စတိုင်းလူငယ်တစ်ဦးကို ပါလက်စတိုင်းပိုင်နက်ရှိ အစ္စရေးမှ တည်ဆောက်ထားသော ကျူးကျော်အိမ်ယာများတွင် နေထိုင်သူ အစ္စရေးများက ပြန်ပေးဆွဲကာ အရှင်လတ်လတ် မီးရှို့သတ်ဖြတ်ခဲ့သည်ကိစ္စနှင့်ပတ်သက်၍ ဆိုရှယ်စာမျက်နှာတွင် မှတ်ချက်များရေးသားခဲ့သူ အသက် ၄၄ နှစ်အရွယ် ပါလက်စတိုင်းသား
အိုမာရ်ကို အကြမ်းဖက်ရန် လှုံ့ဆော်သည်ဟုဆိုကာ အစ္စရေးက ထောင်ဒဏ် ၉ လ ချမှတ်ခဲ့သည်။

ရာမာဒီစစ်ဆင်ရေးတွင် အီရတ်စစ်တပ် မြို့တစ်မြို့သိမ်းနိုင်
……………………………..
ယမန်နေ့ကစ၍ IS တို့ သိမ်းပိုက်ထားရာ ရာမာဒီမြို့ကို ပြန်ရရန် ထိုးစစ်ဆင်နေသည့် အီရတ်တပ်ဖွဲ့များမှာ မြို့အရှေ့ဘက် ၁၀ ကီလိုမီတာအကွာရှိ ဟူဆိုင်ဘာ အလ် ရှာကွီယာမြို့အား ယနေ့တွင် သိမ်းပိုက်နိုင်ခဲ့ပြီဖြစ်ကာ ရာမာဒီမြို့ကို ဆက်လက်ချီတက်နေကြသည်။

နယူးကာဆယ်ကို မိုက်အက်ရ်ှလေမရောင်း
………………………………..
တန်းဆင်းရမည့်အန္တရာယ်နှင့် ရင်ဆိုင်နေရသော်လည်း မိမိအသင်းအား မည်သည့်ဈေးနှင့်မှ ရောင်းချသွားမည်မဟုတ်ဘဲ မိမိအနေဖြင့်လည်း အသင်း ဆုတံဆိပ်တစ်ခုခု မရမချင်း၊ သို့မဟုတ် ချန်ပီယံလိဂ်ဝင်ခွင့် မရမချင်း အသင်းမှ ထွက်ခွာသွားမည်မဟုတ်ဟု နယူးကာဆယ်ပိုင်ရှင် မိုက်အက်ရ်ှလေက ပြောကြားလိုက်သည်။ နယူးကာဆယ်မှာ ယနေ့ကစားသည့်ပွဲတွင် အနိုင်ရမှ ပရီးမီးယားလိဂ်တွင် တင်ကျန်ရန် မျှော်လင့်နိုင်မည်ဖြစ်သည်။

Ref: News Agencies