အာဆင်နယ်မှာ လာမည့်နှစ်ချန်ပီယံဘွဲ့ စိန်ခေါ်ရန် အဆင်သင့်ဖြစ်နေသည်ဟု ရမ်ဆေးပြော

မေ ၂၇၊ ၂၀၁၅
M-Media

– FA ဖလား ချန်ပီယံဘွဲ့ကို ထိန်းသိမ်းနိုင်ခြင်းမှာ အာဆင်နယ်အသင်းအတွက် တိုးတက်မှုဖြစ်ပြီး မိမိတို့အသင်းအနေဖြင့် လာမည့်နှစ် ပရီးမီးယားလိဂ်ဖလားရရန် အဆင်သင့်ဖြစ်နေသည်ဟု ကွင်းလယ်လူ ရမ်ဆေးက ပြောကြားလိုက်သည်။

ရမ်ဆေးမှာ ပြီးခဲ့သည့်နှစ်က FA ဖလား ဗိုလ်လုပွဲတွင် အသင်းအတွက် အချိန်ပိုအနိုင်ဂိုး သွင်းပေးခဲ့သူဖြစ်ပြီး အသင်း၏ ၉ နှစ်ကြာ ဖလားလက်မဲ့ဖြစ်မှုကို အဆုံးသတ်စေခဲ့သည်။

အာဆင်နယ်မှာ လာမည့် တနင်္ဂနွေနေ့တွင် အက်စတွန်ဗီလာနှင့် FA ဖလားကို ဗိုလ်လုရမည်ဖြစ်ပြီး ဗိုလ်စွဲပါက အသင်းမှာ မှန်ကန်သော လမ်းကြောင်းသို့ ဦးတည်နေသည်ကို ပြသခြင်းဖြစ်သည်ဟု ရမ်ဆေးက ယုံကြည်နေသည်။

“ဒီနိုင်ပွဲဟာ တော်တော်လေး စကားပြောမယ်လို့ ကျွန်တော်ထင်ပါတယ်။ ကျွန်တော်တို့ တိုးတက်မှုကို ပြသပါလိမ့်မယ်။ ဘာတစ်ခုမှမရဘဲနဲ့ အချိန်တွေကို ဖြတ်သန်းရခြင်းဟာ အသင်းမှာရှိတဲ့လူတိုင်းအတွက် ဖိအားကို ခံစားရစေပါတယ်။ ပြီးတော့ ဒါကို ကျွန်တော်တို့ ချန်ထားခဲ့ချင်ပါတယ်။ ပြီးခဲ့တဲ့နှစ်က ကျွန်တော်တို့ လုပ်နိုင်ခဲ့ပြီး လာမယ့်ပွဲကတော့ ခက်ခဲတဲ့ပွဲ ဖြစ်မှာပါ” ဟု ရမ်ဆေးက ပြောကြားခဲ့သည်။

ထို့ပြင် ယခုဗိုလ်လုပွဲတွင် ဂိုးသွင်းနိုင်ပါက ထူခြားမည်ဖြစ်သော်လည်း လာမည့်နှစ်တွင် ချယ်ဆီးအား ဖြုတ်ချရန်သာ မျက်စပစ်နေသည်ဟု ၎င်းက ထည့်သွင်းပြောကြားခဲ့သည်။

ဝင်းဂါး၏ အဆင်နယ်မှာ ပြီးခဲ့သည့် ခရစ္စမတ်ကာလအထိ ကစားပုံမမှန်ခဲ့ဘဲ ၂၀၁၅ ခုနှစ် နှစ်စမှ စတင်ကာ ခြေစွမ်းကောင်းများ ပြန်လည်ပြသနိုင်ခဲ့သည်။ ရမ်ဆေးကမူ မိမိတို့၏ ထိုခြေစွမ်းက ပရီးမီးယားလိဂ်ဖလားအား စစ်မှန်သော စိန်ခေါ်မှုအတွက် အဆင်သင့်ဖြစ်နေကြောင်း ပြသမှုဖြစ်သည်ဟု ဆိုသည်။

Ref: Goal