ဘာကာအား အကောင်းဆုံးထက်ပိုသည့် ပုံစံဖြင့် ရင်ဆိုင်ရမည်ဟု တီဗက်ဇ်ဆို

မေ ၂၉၊ ၂၀၁၅
M-Media

– ဘာစီလိုနာအသင်း၏ တိုက်စစ်မှာ ကမ္ဘာပေါ်တွင် ပြိုင်ဘက်ကင်းတိုက်စစ်ဖြစ်ပြီး မိမိတို့အသင်းအနေဖြင့် ပြီးပြည့်စုံသည်ထက်ပိုသည့် ပုံစံမျိုးဖြင့် ရင်ဆိုင်ရမည်ဟု ဂျူဗင်တပ်စ်တိုက်စစ်မှူး ကားလို့စ်တီဗက်ဇ်က ပြောကြားလိုက်သည်။

စီးရီးအေနှင့် ကိုပါအီတာလီယာချန်ပီယံ ဂျူဗင်တပ်စ်မှာ ဇွန်လ ၆ ရက်နေ့တွင် ကစားမည့် ချန်ပီယံလိဂ် နောက်ဆုံးဗိုလ်လုပွဲတွင် ဘာစီလိုနာအသင်းနှင့် တွေ့ဆုံယှဉ်ပြိုင်ရမည်ဖြစ်ကာ ၎င်းတို့၏ ဖလား ၃ လုံး မျှော်လင့်ချက်ကို အကောင်အထည်ဖော်ရမည်ဖြစ်သည်။

လက်ရှိအချိန်တွင် ဗိုလ်စွဲရန်အတွက် ဘာစီလိုနာကသာ ရေပန်းစားနေသည်။ ဘာကာ၏ မက်ဆီ၊ နေးမာ၊ ဆွာရက်ဇ် ၃ ယောက်တွဲတိုက်စစ်မှာ ယခုရာသီတွင် ပြိုင်ပွဲအားလုံး၌ အသင်းအတွက် ဂိုးပေါင်း ၁၀၀ ကျော် သွင်းယူထားပြီး တီဗက်ဇ်ကမူ ၎င်းတို့က ဂျူဗီ၏ နောက်တန်းအတွက် ကြောက်မယ်ဖွယ်ကောင်းသည့် ခြိမ်းခြောက်မှု ဖြစ်လာလိမ့်မည်ဟု ၀န်ခံခဲ့သည်။

“သူတို့ဟာ ကမ္ဘာပေါ်မှာ အကောင်းဆုံးအသင်းလို့ ကျွန်တော်ထင်ပါတယ်။ သူတို့မှာ အကောင်းဆုံး တိုက်စစ်မှူး ၃ ယောက် ရှိပါတယ်။ ဒါ့ကြောင့် ပြီးပြည့်စုံတာထက်ကိုပိုတဲ့ စွမ်းဆောင်ရည်နဲ့ ရင်ဆိုင်ဖို့ တော်တော်လေး ကြိုးစားရပါလိမ့်မယ်” ဟု တီဗက်ဇ်ကပြောကြားခဲ့သည်။

တီဗက်ဇ်မှာ အာဂျင်တိုင်းအသင်းဖော် မက်ဆီနှင့် ပြန်တွေ့ရမည်ဖြစ်ပြီး တီဗက်ဇ်ကမူ မက်ဆီထက်သာအောင် ခြေစွမ်းပြနိုင်ခြင်းထက် ချန်ပီယံလိဂ်ဖာလားကိုသာ ရရှိချင်သည်ဟု ထည့်သွင်းပြောကြားခဲ့သည်။

တီဗက်ဇ်မှာ ဂျူဗင်တပ်စ်အသင်းတွင် အကောင်းဆုံး ပုံစံကို ရရှိနေပြီး အသင်းအတွက် ပြိုင်ပွဲအားလုံးတွင် ၂၉ ဂိုး သွင်းယူပေးထားကာ စီးရီးအေနှင့် ကိုပါအီတာလီယာဖလားတို့ကိုလည်း ကိုင်မြှောက်နိုင်ခဲ့သည်။

Ref: Goal