ချန်ပီယံလိဂ်တွင် ရီးယဲလ်အတွက် ဘာကာအား ဂိုးသွင်းချင်သည်ဟု မိုရာတာပြော

ဇွန် ၂၊ ၂၀၁၅
M-Media

– ယခုတစ်ပတ် စနေနေ့ညတွင် ကစားမည့် ဘာစီလိုနာနှင့် ချန်ပီယံလိဂ်ဗိုလ်လုပွဲ၌ ဂျူဗင်တပ်စ်အသင်းအတွက်သာမက ရီးယဲလ်မက်ဒရစ်အစား လက်စားချေရန်အတွက်ပါ ဂိုးသွင်းရန် ကြိုးစားသွားမည်ဟု ဂျူဗင်တပ်စ်အသင်းတိုက်စစ်မှူး မိုရာတာက ပြောကြားလိုက်သည်။

ရီးယဲလ်မှ ယူရို သန်း ၂၀ ဖြင့် ဂျူဗီသို့ပြောင်းရွှေ့ခဲ့သည့် မိုရာတာမှာ ပြီးခဲ့သည့်နှစ်က ရီးယဲလ်နှင့်အတူ ချန်ပီယံလိဂ်ဖလားကို ကိုင်မြှောက်နိုင်ခဲ့သည်။ သို့သော်လည်း ယခုနှစ်တွင် ရီးယဲလ်အား ၎င်း၏ ဂိုးဖြင့် ဆီးမီးဖိုင်နယ်တွင် ဖြုတ်ချခဲ့သည်။

ယခုအချိန်အတွင် ၎င်းက အသင်းဟောင်း ရီးယဲလ်အတွက်ပါ ဘာကာကို ဂိုးသွင်းယူပေးချင်နေသည်။

“ဘာစီလိုနာကို ဂိုးသွင်းနိုင်အောင် ကျွန်တော်ကြိုးစားသွားမှာပါ။ ဘာ့ကြောင့်လည်းဆိုတော့ ဒါက မက်ဒရစ်ပရိတ်သတ်တွေ အတွက်လည်း အဓိပ္ပါယ်ရှိမှာ မို့လို့ပါပဲ။ ဂိုးသွင်းတာဟာ ဘာကာဆိုတဲ့ အသင်းကြောင့် ထူးခြားမှာ မဟုတ်ပါဘူး။ ချန်ပီယံလိဂ်ဖိုင်နယ်ဆိုတဲ့ပွဲကြောင့် ထူးခြားမှာပါ။ ဒါဟာ သမိုင်းရေးဖို့ အခွင့်အရေးကောင်းတစ်ခုပါ။ ပြီးတော့ ဘာကာနဲ့ပွဲမှာ ဂိုးသွင်းနိုင်တာဟာ ရီးယဲလ်နဲ့ပွဲမှာ ဂိုးသွင်းတာလောက် နာကျင်မှာမဟုတ်ပါဘူး” ဟု မိုရာတာက Cadena SER သို့ ပြောကြားခဲ့သည်။

ဘာစီလိုနာနှင့် ဂျူဗင်တပ်စ် ၂ သင်းစလုံးမှာ ပြည်တွင်းအမှတ်ပေးဖလားနှင့် ရှုံးထွက်ဖလားတို့ကို အသီးသီးရရှိထားပြီး ချန်ပီယံလိဂ်မှာ ၎င်းတို့၏ ဖလားသုံးလုံးအိပ်မက် အကောင်အထည်ပေါ်မည့် ဖလားလည်းဖြစ်သည်။

မိုရာတာကမူ မက်ဆီ၊ ဆွာရက်ဇ်နှင့် နေးမာတို့၏ တိုက်စစ်တွဲကလည်း မိမိတို့အား ကောင်းကောင်းဒုက္ခပေးနိုင်သည်ဟု ၀န်ခံပြောကြားခဲ့သည်။

Ref: Goal