နိုင်ငံတကာသတင်းတို (ဇွန် ၅၊ ၂၀၁၅)

ဇွန် ၅၊ ၂၀၁၅
M-Media

အငြင်းပွားနေသည့်ကျွန်းစုတွင် ဗီယက်နမ်က အပန်းဖြေအစီအစဉ် စမည်
…………………………………….
တောင်တရုတ်ပင်လယ်အတွင်းရှိ တရုတ်နိုင်ငံနှင့် အငြင်းပွားနေသော စပရက်တလေကျွန်းစုရှိ ကျွန်းအချို့တွင် နိုင်ငံသားများအား အားလပ်ရပ် အပျော်ခရီးထွက်နိုင်ရန် ဗီယက်နမ်နိုင်ငံက စီစဉ်နေသည်။ တစ်ဦးလျှင် ကန်ဒေါ်လာ ၈၀၀ ကုန်ကျမည့် အဆိုပါခရီးစဉ်တွင် ခရီးသည် ၁၈၀ ဦး လိုက်ပါနိုင်မည်ဖြစ်ပြီ အဆိုပါ အငြင်းပွားနေသည့်ကျွန်း၌ ညဘက် ငါးမျှားခြင်း၊ မီးပြတိုက်သို့ လည်ပတ်ခြင်းနှင့် ပင်လယ်စာများစားသုံးခြင်း အစီအစဉ်များလည်း ပါဝင်မည်ဖြစ်ည်။ ဗီယက်နမ်၏ အဆိုပါလုပ်ရပ်က စပရက်တလေကျွန်းစုမှ ကျွန်းအချို့တွင် စိုးမိုးရေးလုပ်ငန်းများ လုပ်ဆောင်နေသည့် တရုတ်နိုင်ငံအား ဒေါသထွက်စေမည်ဖြစ်သည်။

တောင်ကိုရီးယားတွင် MERS ကြောင့် သေဆုံးသူ ၄ ဦးရှိလာ
………………………………
တောင်ကိုရီးယားတွင် ပြီးခဲ့သည့် သီတင်းပတ်များက ကူးစက်ပြန့်နှံ့ခဲ့သည့် MERS ရောဂါကြောင့် ယမန်နေ့က အသက် ၇၁ အရွယ် အဖွားအိုတစ်ဦး သေဆုံးခဲ့ပြီး သေဆုံးသူ စုစုပေါင်း ၄ ဦးအထိ ရှိလာပြီဖြစ်သည်။ ကူးစက်နေသူမှာ ၄၁ ဦးရှိနေပြီး သီးသန့်ခွဲထားသူနှင့် စောင့်ကြည့်ခံရသူမှာ ၂၀၀၀ နီးနီး ရှိနေပြီဖြစ်သည်။

ရုရှားအား ပိတ်ဆို့မှုဆက်လုပ်ရန် G7 နိုင်ငံများကို အိုဘာမား တိုက်တွန်းမည်
……………………..
လာမည့် တနင်္ဂနွေနေ့မှစတင်ကာ ဂျာမနီနိုင်ငံတွင် ၂ ရက်ကြာ ကျင်းပပြုလုပ်မည့် G7 ထိပ်သီး အစည်းအဝေးတွင် အမေရိကန်သမ္မတ အိုဘားမားက အဖွဲ့ဝင်နိုင်ငံများအနေဖြင့် ရုရှားအပေါ် ပိတ်ဆို့မှုများ ဆက်လုပ်ရန် တိုက်တွန်းသွားမည်ဟု အမေရိကန်အစိုးရ ပြောရေးဆိုခွင့်ရှိသူ အားန်နက်စ်က ယနေ့တွင် ပြောကြားလိုက်သည်။ ယူကရိန်း၏ ခရိုင်းမီးယားကျွန်းဆွယ်အား ရုရှားမှ
သိမ်းပိုက်မှုနှင့် ယူကရိန်းမတည်မငြိမ်မှုတွင် ပါဝင်ပတ်သက်မှုတို့ဖြင့် အမေရိကန်နှင့် အနောက်နိုင်ငံများက ရုရှားအား ပိတ်ဆို့မှုများ ပြုလုပ်ခဲ့ခြင်းဖြစ်သည်။

ဒီမာရီယာ လာမည့်နှစ်တွင်လည်း မန်ယူ၌ ဆက်ရှိမည်
…………………………..
ပြီးခဲ့သည့်နှစ် နွေရာသီက ရီးယဲလ်မှ မန်ယူသို့ ဗြိတိန်စံချိန်တင်ပြောင်းရွှေ့ကြေးဖြင့် ရောက်ရှိလာခဲ့သော်လည်း ခြေစွမ်းပြနိုင်ခြင်းမရှိသည့် မန်ယူကွင်းလယ်လူ ဒီမာရီယာက မိမိအနေဖြင့် လာမည့်ရာသီတွင် မန်ယူ၌ပင် ဆက်ရှိနေမည်ဟု ပြောကြားလိုက်သည်။ ဒီမာရီယာမှာ မတ်လ ၄ ရက်နေ့နောင်းပိုင်းမှစ၍ မန်ယူနှင့် ပွဲထွက်ခွင့်မရတော့ဘဲ ယခုနှစ်ရာသီတွင် မန်ယူမှ ထွက်ခွာတော့မည်ဟု သတင်းများထွက်ပေါ်ခဲ့ကာ ပီအက်စ်ဂျီနှင့် ဘိုင်ယန်မြူးနစ်တို့က ခေါ်ယူရန် စိတ်ဝင်စားနေသူဖြစ်သည်။

Ref: News Agencies