ရမည်းသင်းတွင် ၂ ရက်အတွင်း မီးရှို့မှု ၃ ခု ဖြစ်ပွား၊ ဒေသခံများ စိုးရိမ်ထိတ်လန့်နေ

ဇွန် ၁၂ ၊ ၂၀၁၅
M-Media
သီဟ
.
ရမည်းသင်းမြို့နယ် ဗ.မ.က ရပ်ကွက်နှင့် ကျော်ဇင်ရပ်ကွက်တို့တွင် ၂ ရက်အတွင်း မီးရှို့မှု ၃ ခု ဖြစ်ပွားခဲ့ကြောင်း သိရပါတယ်။
.
၂၀၁၅ ခုနှစ် ဇွန် ၁၁ ရက်နေ့ မနက်လင်းအားကြီး ၁ နာရီခန့်မှာ ရမည်းသင်း ဗ.မ.က ရပ်ကွက် အနောက်ပိုင်း စည်ပင်သာယာ လမ်းဘေးရှိ မစိမ်း အကြော်ဆိုင်အား အမည်သိ ဆိုင်ကယ်သမားက ဓါတ်ဆီဖြန်း မီးရှို့ပြီး ထွက်ပြေး သွားကြောင်း ဒေသခံတစ်ဦးက M-Media ကို ပြောပါတယ်။
.
ဆက်တိုက်ဆိုသလို ဧကရာဇ် ဗလီနှင့် လမ်းသာခြားနေတဲ့ မုန်ဟင်းခါးဆိုင်ကို မီးရှို့မှု ထပ်မံဖြစ်ပွား ခဲ့ပါတယ်။ မြို့နယ် မီးသတ်ရောက်ရှိလာပြီး ဆိုင် ၂ ခုစလုံးကို မီးငြိမ်းသတ်ခဲ့ပြီး ရပ်ကွက်နေပြည်သူများမှလည်း ဝိုင်းဝန်းငြိမ်းသတ် ခဲ့ရတယ်လို့ သိရပါတယ်။ အဆိုပါ ဗ.မ.က ရပ်ကွက်မှာ အစ္စလာမ်ဘာသာဝင် အများစု နေထိုင်ကြတာဖြစ်ပါတယ်။ ဧကရာဇ် ဗလီကတော့ တစုံတရာ ထိခိုက်မှုမရှိခဲ့ကြောင်း သိရပါတယ်။
.

မီးရှို့၍ ဆိုင်ကယ်ဖြင့် ထွက်ပြေးခဲ့သူကို ဖမ်းဆိးရမိခြင်း မရှိခဲ့ပါဘူး။

.
အလားတူ ယမန်နေ့ ဇွန်လ ၁၁ ရက်နေ့ ညပိုင်းတွင် ဗ.မ.က ရပ်ကွက်နှင့် ကပ်လျက် ဗုဒ္ဓ ဘာသာဝင် အများစု နေထိုင်ရာ ကျော်ဇင် ရပ်ကွက်မှာလည်း မီးရှို့မှုဖြစ်ပွားခဲ့ပါတယ်။  မီးရှို့သူ ၂ ဦးကို ဖမ်းဆိးရမိထားကြောင်း သိရပြီး  ၂ ဦးစလုံးမှာ ဗုဒ္ဓဘာသာဝင်များ ဖြစ်ကြောင်း သိရှိရပါတယ်။
.
လွန်ခဲ့တဲ့ တလ အရင်က ဗ.မ.က ရပ်ကွက် မစိမ်း အကြော်ဆိုင် ဘေးက အိမ်ကို မီးရှို့မှုဖြစ်ပွားခဲ့ ပါသေးတယ်။
.
အဆိုပါ အဖြစ်အပျက်များနှင့် ပတ်သက်ပြီး ရမည်းသင်းမြို့ခံတဦးက “ရမည်းသင်း ဗ.မ.က ရပ်ကွက်ဆိုတာ ရှေးမြန်မာဘုရင်များ လက်ထက်တွင် စစ်မှုထမ်းခဲ့ကြသည့် အစ္စလာမ် ဘာသာဝင် အမှုထမ်းများကို နေရာချထားခဲ့ရာ အရပ်ဖြစ်ပြီး ရှေးအစဉ်အဆက် ဗုဒ္ဓ ဘာသာဝင်များနှင့် ငြိမ်းချမ်းစွာ အတူ နေထိုင်ခဲ့တဲ့ နေရာဖြစ်ကြောင်း၊  ၂၀၁၂ ခုနှစ်နောက်ပိုင်း ၉၆၉ အဖွဲ့ (ယခု မ.ဘ.သ) ပေါ်လာပြိးနောက်ပိုင်း အစ္စလာမ် ဘာသာဝင်များအား ဆန့်ကျင် ခွဲခြားသည့် တရားခွေများ၊ သီချင်းများကို အလှူခံများ၊ မင်္ဂလာဆောင်များ၊ ဘုန်းကြိးကျောင်းများတွင်  အမြဲမပြတ်ဆိုသလို ဖွင့်လာကြကြောင်း၊ ယခုကဲ့သို့ နိုင်ငံသား အချင်းချင်းကြား အမုန်းပွား၊ စိတ်ဝမ်းကွဲ ပြသနာဖြစ်စေမည့် အဆိုပါ လုပ်ဆောင်မှုများကို သက်ဆိုင်ရာ သံဃာ အဖွဲ့အစည်းများနှင့် အာဏာပိုင်များမှ တားမြစ်ပိတ်ပင်စေလိုကြောင်း၊ ယခု မီးရှို့မှု သတင်းကြောင့် ဒေသခံများမှာ စိုးရိမ်ထိတ်လန့်နေရကြောင်း M-Media ကို ပြောကြားခဲ့ပါတယ်။