တူနီးရှား ပြည်သူများ အကြမ်းဖက်မှုကို ရှုတ်ချ၊ တိုက်ခိုက်ခံရသူများနှင့် တစ်သားတည်းရှိကြောင်း ပြသ

ဇူလိုင် ၁ ၊ ၂၀၁၅
M-Media

– ပြီးခဲ့တဲ့ သောကြာနေ့က တူနီးရှားနိုင်ငံ ကမ်းခြေမြို့လေးဖြစ်တဲ့ ဆော့စီမြို့မှာ ဖြစ်ပွားခဲ့တဲ့ သေနတ်သမားတစ်ဦးရဲ့ အကြမ်းဖက်တိုက်ခိုက်မှုကို ရှုတ်ချတဲ့အနေနဲ့ တူနီးရှား ပြည်သူတွေက ချီတက် ဆန္ဒပြခဲ့ကြပါတယ်။

ဗြိတိန်နိုင်ငံသား ၁၅ ဦး အပါအ၀င် လူပေါင်း ၃၈ ဦး သေဆုံးခဲ့ပြီး ၃၆ ဦး ဒဏ်ရာရရှိခဲ့တဲ့ ဒီတိုက်ခိုက်မှုဟာ သူတို့ရဲ့ လက်ချက်ဖြစ်တယ်လို့ IS က ကြေညာခဲ့ပါတယ်။

ဆော့စီက တူနီးရှားပြည်သူတွေဟာ တိုက်ခိုက်မှုအတွင်းမှာ ပစ်မှတ်ထားခံခဲ့ရတဲ့ Imperial Marhaba မှာ စနေနေ့ညပိုင်းက စုရုံးခဲ့ပြီး မြို့တွင်းကို လှည့်လည် ချီတက်ခဲ့ကြပါတယ်။ အဲဒီလူအုပ်ကြီးဟာ တူနီးရှားအလံ၊ ဗြိတိန်အလံတွေ၊ အကြမ်းဖက်ဝါဒကို ရှုတ်ချတဲ့ ဆိုင်းဘုတ်တွေကိုလည်း ကိုင်ဆောင်ခဲ့ကြကာ ကျွေးကျော်သံတွေကိုလည်း ကျွေးကျော်ခဲ့ကြပါတယ်။

တူနီးရှားနိုင်ငံတော်သီချင်းကို သီဆိုခဲ့ကြတဲ့ တူနီးရှားပြည်သူတွေဟာ သေဆုံးသွားသူတွေရဲ့ မိသားစုတွေ၊ ဆွေးမျိုးတွေနဲ့ ထပ်တူ ထပ်မျှကြေကွဲရတယ်လို့လည်း ဆိုပါတယ်။

“မနေ့ကဖြစ်ပွားခဲ့တာတွေဟာ တူနီးရှားနိုင်ငံကို ကိုယ်စားမပြုပါဘူး။ ထိခိုက်ခံစားရသူတွေ၊ သူတို့ရဲ့ မိသားစုတွေကို ကျွန်မတို့ တောင်းပန်ပါတယ်။ သူတို့ဟာ ကျွန်မတို့ရဲ့ ဧည့်သည်တွေပါပဲ” လို့ ချီတက်ဆန္ဒပြမှုမှာ ပါဝင်တဲ့ အမျိုးသမီးတစ်ဦးက ပြောကြားခဲ့ပါတယ်။

တိုက်ခိုက်မှုတွေပြီးတဲ့နောက်ပိုင်း အဲဒီကမ်းခြေကနေ ကမ္ဘာလှည့်ခရီးသွား တော်တော်များများ ပြန်သွားကြပေမယ့် တစ်ချို့တွေကတော့ ဆက်လက်နေထိုင်ဖို့ ဆုံးဖြတ်ခဲ့ကြပြီး ဆော့စီပြည်သူတွေရဲ့ ချီတက်ဆန္ဒပြမှုမှာ ကိုယ်တိုင်ကိုယ်ကျ ပါဝင်ခဲ့ကြပါတယ်။

“တူနီးရှားကို အားပေးဖို့ ကျွန်မတို့ ဆက်နေသွားမှာပါ။ တူနီးရှားဟာ ကျွန်မတို့ရဲ့အားပေးမှုကို လိုအပ်ပါတယ်။ ဒီဟာကြောင့်ပဲ ဒီမှာဆက်နေဖို့ လိုအပ်တာပါ” လို့ အမည်ထုတ်ဖော်ပြောဆိုခြင်း မရှိတဲ့ ခရီးသွားအမျိုးသမီးတစ်ဦးက ပြောကြားခဲ့ပါတယ်။

ချီတက်ဆန္ဒပြသူတွေဟာ ဖယောင်းတိုင်တွေကိုင်ပြီး ဆုတောင်းမှုတွေလည်း ပြုလုပ်ခဲ့ကြပါတယ်။

“ဆော့စီဟာ ဘယ်တော့မှ သေမသွားဘူးဟေ့” လို့လည်း သူတို့က ကျွေးကျော်ခဲ့ကြပါတယ်။

ဒီတိုက်ခိုက်မှုပြီးတဲ့နောက်မှာ တူနီးရှားသမ္မတ ဟာဘီဘ် အက်ဆစ်က လုံခြုံရေးအစီအမံတွေကို ချက်ခြင်းလုပ်ဆောင်ခဲ့ပြီး ကမ္ဘာ့လှည့်ခရီးသွားတွေ အများစုရှိရာနေရာတွေမှာ စစ်တပ် အရန်တပ်ရင်းတွေကို တပ်ဖြန့်ချသွားမယ်လို့ ဆိုပါတယ်။

ဆော့စီဒေသခံတွေဟာ သူတို့တိုင်းပြည်ကိုလာလည်တဲ့ နိုင်ငံခြားသားတွေ ပစ်မှတ်ထား တိုက်ခိုက်ခံရတာနဲ့ ပတ်သက်ပြီး မကျေမချမ်း ဖြစ်နေကြပါတယ်။

“အခုအချိန်ဟာ ကျွန်တော်တို့အားလုံး စုစည်းဖို့ အချိန်ပါပဲ။ ငြင်းခုံနေရမယ့် အချိန် မဟုတ်ဘူး” လို့ ဒီဆန္ဒပြမှုကို တက်ရောက်ခဲ့တဲ့ ကျောင်းသားတစ်ဦးက ပြောခဲ့ပါတယ်။

ဒီတိုက်ခိုက်မှုနဲ့ အကြမ်းဖက်ဝါဒကို ရှုတ်ချတဲ့ ချီတက်ဆန္ဒပြမှုကို မြို့တော် တူနစ်မှာလည်း ပြုလုပ်ခဲ့ပါတယ်။

“ထိခိုက်ခံစားရသူတွေဟာ ကျွန်မရဲ့ ညီအကို၊ မောင်နှမတွေလို ခံစားရပါတယ်” လို့ ဒီချီတက်မှုမှာ ပါဝင်ခဲ့တဲ့ ကာရီမာ ဘန်ဟဂ်ျက ပြောကြားခဲ့ပါတယ်။

အကြမ်းဖက်တိုက်ခိုက်သူဟာ အသက် ၂၃ နှစ်အရွယ် ဆိုင်ဖက်ဒင်း ရက်ဇ်ဂွီဆိုသူ ဖြစ်ပြီး ဆော်ဒီနိုင်ငံသားဖြစ်တယ်လို့ အာဏာပိုင်တွေက ကြေညာပါတယ်။ သူဟာ ရိုင်ဖယ်ကို ထီးမှာဖွက်ပြီး ရေကူးမယ့်ပုံစံနဲ့ ကမ်းခြေကိုဆင်းလာကာ ပစ်ခတ်ခဲ့တာဖြစ်ပြီး နောက်ပိုင်းမှာ ဟိုတယ်ထဲ ၀င်ရောက် ပစ်ခတ်ခဲ့တာဖြစ်ပါတယ်။

သူ့ကိုတားဆီးလိုက်သူကတော့ လမ်းဘေးတစ်နေရာမှာ ဘုရားဝတ်ပြုနေတဲ့ ရဲတပ်ဖွဲ့ဝင်တစ်ဦးဖြစ်ပြီး သေနတ်နဲ့ ပစ်ခတ်ကာ အသေ ဖမ်းဆီးရမိခဲ့တာဖြစ်ပါတယ်။

အာဖရိကတိုက်မှ နိုင်ငံတနိုင်ငံဖြစ်တဲ့ တူနီးရှားဟာ လူဦးရေ ၁၀ သန်းကျော်ရှိပြီး ၉၈% ဟာ မွတ်စလင်များ ဖြစ်ကြပါတယ်။

Ref: gazettereview, BBC