စင်ကာပူ Doodle 4 Google ပြိုင်ပွဲတွင် အသက် ၈ နှစ်အရွယ် ကျောင်းသားလေး အနိုင်ရရှိ

ဇူလိုင် ၁၀၊ ၂၀၁၅
M-Media

– ၂၀၁၅ စင်ကာပူ Doodle 4 Google ပြိုင်ပွဲတွင် အသက် ၈ နှစ်အရွယ် မူလတန်းကျောင်းသားတစ်ဦးမှာ အနိုင်ရရှိခဲ့ပြီး ယမန်နေ့က Asia Square 1 ရှိ ဂူးဂဲလ်၏ ရုံးခန်းတွင် ဆုချီးမြှင့်ခဲ့သည်ဟု သိရသည်။

Doodle 4 Google ပြိုင်ပွဲမှာ Google ၏ မူလစာမျက်နှာတွင် လိုဂိုနှင့်ပေါင်းစပ်၍ ဖော်ပြမည့် အနုပညာလက်ရာ ပြိုင်ပွဲဖြစ်ပြီး အသက်ကန့်သတ်ချက်ဖြင့် ခွဲထားသည့် အုပ်စု ၅ ခုမှ နောက်ဆုံး ဇကာတင် ၅ ဦး၏ လက်ရာများတွင် အသက် ၈ နှစ်အရွယ် မိုဟ် ဂျော်န် ဟေဒန်၏ လက်ရာက အကောင်းဆုံးအဖြစ် ရွေးချယ်ခံခဲ့ရခြင်းဖြစ်သည်။

ထိုကဲ့သို့ ရွေးချယ်ခံရခြင်းကြောင့် ဆုဖလားအပြင် အမေရိကန်ပြည်ထောင်စု ကယ်လီဖိုးနီးယားပြည်နယ် မောင်တိန်ဗျူးရှိ ဂူးဂဲလ်အဆောက်အုံဖြစ်သော Googleplex သို့ မိခင်နှင့်အတူ သွားရောက်လည်ပတ်ခွင့်လည်း ရရှိမည်ဖြစ်သည်။ ၎င်း၏ အနုပညာလက်ရာကို စင်ကာပူ၏ အမျိုးသားနေ့တွင် Google ၏ မူလစာမျက်နှာ၌ ၂၄ နာရီ လွှင့်တင်ထားပေးမည်ဖြစ်သည်။

“ကျွန်တော် ပျော်ရွင်ပြီး စိတ်လည်း လှုပ်ရှားပါတယ်” ဟု ဟေဒန်က ဆုရရှိပြီးနောက် ပြောကြားခဲ့သည်။ အသက် ၄-၆၊ ၁၀-၁၂၊ ၁၃-၁၅ နှင့် ၁၆-၁၈ အုပ်စုများတွင် မူလတန်းကျောင်းသားဖြစ်သူ ဟေဒန် အနိုင်ရရှိခဲ့ခြင်းမှာ အံ့သြစရာလည်း ဖြစ်သည်။

ဟေဒန်၏ Doodle ဖန်တီးမှုမှာ လာမည့်နှစ် ၅၀ အတွင်း ဖြစ်လာမည့် စင်ကာပူနိုင်ငံ၏ ပုံရိပ်ကို ဖော်ပြထားခြင်းဖြစ်သည်။

“ကျွန်တော်တို့ရဲ့ အဆောက်အဦးတွေကို နေစွမ်းအင်နဲ့ ပါဝါပေးထားမယ်။ ဒါဆိုရင် ကျွန်တော်တို့မှာ အကန့်အသတ်မရှိတဲ့စွမ်းအင် ရှိမှာဖြစ်ပြီး၊ ညစ်ငြမ်းမှုလည်း ဖြစ်တော့မှာ မဟုတ်ပါဘူး” ဟု ၎င်းက ပြောကြားခဲ့သည်။

အသက် ၃၉ နှစ်အရွယ် မိခင်ဖြစ်သူ ဂျက်လင် အွန်ကလည်း သားဖြစ်သူမှာ Angry Birds ကာတွန်းရုပ်များ၊ Despicable Me ရုပ်ရှင်မှ Minions ကာတွန်းရုပ်များ ဆွဲရသည်ကို နှစ်သက်သည်ဟု ပြောကြားခဲ့သည်။

“သူ့အတွက် ကျွန်မ အရမ်း စိတ်လှုပ်ရှားပါတယ်။ ပြီးတော့ ပျော်လည်းပျော်ပါတယ်။ သူအသက် ၄ နှစ်လောက်ကတည်းက ကာတွန်းတွေ ဆွဲနေတာပါ” ဟု အွန်က ပြောကြားခဲ့သည်။

ယခု Doodle 4 Google ပြိုင်ပွဲမှာ စင်ကာပူတွင် ဒုတိယအကြိမ်မြောက် ကျင်းပခြင်းဖြစ်ပြီး ပထမအကြိမ်ကျင်းပပြီး ၁၀ နှစ်အကြာမှ ကျင်းပနိုင်ခဲ့ခြင်း ဖြစ်သည်။ ယခုပြိုင်ပွဲ၏ ခေါင်းစဉ်မှာ “Singapore: The Next 50 Years” ဖြစ်ပြီး ဧပြီ ၂၃ ရက်ကတည်းက စတင်ခဲ့ကာ နိုင်ငံတစ်ဝှမ်းမှ ကျောင်းသားအများအပြား ပါဝင်ယှဉ်ပြိုင်ခဲ့ကြသည်။

ဟေဒန်နှင့်အတူ အသက်အလိုက် အုပ်စုများတွင် အနိုင်ရရှိခဲ့သည့် ကျောင်းသားများ၏ လက်ရာများမှာ Sana Gallery တွင် ကျင်းပမည့် Google Shophouse တွင် ထည့်သွင်းပြသခြင်း ခံရမည်ဖြစ်သည်။ အဆိုပါ ပြခန်းကို သြဂုတ်လ ၁-၂ နှင့် အမျိုးသားနေ့ သီတင်းပတ်ဖြစ်သော သြဂုတ်လ ၇-၁၀ တို့တွင် ပြသသွားမည်ဖြစ်သည်။

Ref: Channelnewsasia