မလေးရှားမှာ အလုံးစုံ ပြုပြင်ပြောင်းလဲရေး လိုအပ်နေသည်ဟု အန်ဝါရ် အီဗရာဟင်ပြော

ဇူလိုင် ၁၄၊ ၂၀၁၅
M-Media

– နိုင်ငံတွင် ၀န်ကြီးချုပ်အသစ်တစ်ယောက် လိုအပ်နေသည်သာမကဘဲ အုပ်ချုပ်ရေးနှင့် စီမံခန်ခွဲရေးတွင် အလုံးစုံသော ပြောင်းလဲမှု လိုအပ်နေသည်ဟု မလေးရှားအတိုက်အခံနှင့် ဒုတိယ၀န်ကြီးချုပ်ဟောင်း အန်ဝါရ် အီဗရာဟင်က ပြောကြားလိုက်သည်။

လိင်တူဆက်ဆံမှုဖြင့် ထောင်ဒဏ် ၅ နှစ် ကျခံနေရသည့် အီဗရာဟင်မှာ ၀န်ကြီးချုပ် နာဂျစ်ဘ်ရာဇတ်၏ ချစားမှုစွပ်စွဲချက် ထွက်ပေါ်လာပြီးနောက်  ယနေ့တွင် ထုတ်ပြန်သော ကြေညာချက်၌ ယခုကဲ့သို့ ပြောကြားခဲ့ခြင်းဖြစ်ပြီး တိုင်းပြည်အတွက် စိုးရိမ်မိသည်ဟုဆိုသည်။

“ကျွန်တော်တို့နိုင်ငံရဲ့သမိုင်းမှာ ပထမဆုံးအဖြစ် တာဝန်ထမ်းဆောင်ဆဲ ၀န်ကြီးချုပ်ဟာ တိုင်းပြည်ရန်ပုံငွေ မလျော်မကန်ပြုမှုအတွက် စုံစမ်းစစ်ဆေး ခံနေရပါတယ်။ ဒီသံတိုင်နောက်နေ ကျွန်တော် စိုးရိမ်မကင်းဖြစ်မိပြီး၊ ကျွန်တော့်တိုင်းပြည်အတွက်လည်း သောကရောက်ပါတယ်” ဟု မစ္စတာအန်ဝါရ်က ကြေညာချက်တွင် ထည့်သွင်းရေးသားထားသည်။

အန်ဝါရ်မှာ ၎င်း၏ ပါတီ Keadilan Rakyat မှတစ်ဆင့် အဆိုပါ ကြေညာချက်ကို ထုတ်ပြန်ခြင်းဖြစ်ပြီး အကြွေးနွံနစ်နေသော အစိုးရကျောထောက်နောက်ခံပြု ဖွံ့ဖြိုးရေးကုမ္ပဏီ 1MDB မှ ၀န်ကြီးချုပ် ရာဇတ်၏ ဘဏ်အကောင့်သို့ ကန်ဒေါ်လာ သန်း ၇၀၀ လွှဲပြောင်းပေးခဲ့သည်ဟူသော စွပ်စွဲချက်များကို ရည်ညွှန်းထားသည်။

ဝန်ကြီးချုပ်ကမူ အဆိုပါစွပ်စွဲချက်များကို ငြင်းဆိုခဲ့ပြီး မိမိအနေဖြင့် တိုင်းပြည်ငွေကြေးကို ကိုယ်ကျိုးအတွက် သုံးစွဲခဲ့ခြင်းမရှိဟု ဆိုသည်။ သို့သော်လည်း တရားသူကြီးချုပ်၊ မလေးရှား ချစားမှုတိုက်ဖျက်ရေး ကော်မရှင် အကြီးအကဲ၊ ဗဟိုဘဏ်ဥက္ကဌနှင့် ရဲတပ်ဖွဲ့မဟာမင်းကြီးတို့
ပါဝင်သည့် အထူးလုပ်ငန်းအဖွဲ့မှာ ထိုကိစ္စအတွက် စုံစမ်းစစ်ဆေးမှုကို ခံနေရသည်။

အန်ဝါရ်ကမူ အာဏာရ ညွန့်ပေါင်းအဖွဲ့မှာ လက်ရှိ နိုင်ငံ့ရေးရာများကို အပြည့်အ၀ တာဝန်ယူရန် လိုအပ်သည်ဟု ဆိုသည်။

“သူတို့ရဲ့ချစားမှု၊ အာဏာအလွဲသုံးစားလုပ်မှု၊ အသိဥာဏ်မဲ့မှုနဲ့ အုပ်ချုပ်ရေး ဆိုးဆိုးရွားရွား ညံ့ဖျင်းမှုတွေက မလေးရှားကို ဒီအခြေအနေမျိုးရောက်အောင် ခေါ်ဆောင်လာခဲ့တာပါပဲ။ ဂရိရဲ့ စီးပွားရေး လုံးဝ ပြိုလဲသွားတာဟာ ကျွန်တော်တို့
ချစ်လှစွာသောတိုင်းပြည်ကြီးလည်း ဒီလိုဖြစ်သွားနိုင်တယ်ဆိုတဲ့ သတိပေးချက် ဖြစ်ပါတယ်”

ထို့ပြင် တရားစီရင်ရေးနှင့် ရဲတပ်ဖွဲ့ကဲ့သို့ နိုင်ငံ၏ အဓိက အသင်းအဖွဲ့များ ပြုပြင်ပြောင်းလဲခြင်း၊ ရွေးကောက်တင်မြှောက်သည့်စနစ် ပြုပြင်ပြောင်းလဲခြင်းတို့အပါအ၀င် နိုင်ငံအတွင်း ပြောင်းလဲရေးလုပ်ငန်းများကို ချက်ခြင်းဆောင်ရွက်ရန်နှင့် ဒီမိုကရေစီကို လမ်လွဲစေပြီး
ပြည်သူလူထု၏အသံများကို ထွက်မရအောင်လုပ်ထားသော ဖိနှိပ်ချုပ်ချယ်သည့် ဥပဒေများ အားလုံးကိုလည်း ပြုပြင်ရန် အန်ဝါရ်က တိုက်တွန်းခဲ့သည်။

Ref: Channelnewsasia