သံတော်ဆင့်ဂျာနယ်၏ အယ်ဒီတာ ၂ ဦးကို သတင်းမီဒီယာဥပဒေချိုးဖောက်မှုဖြင့် ဒဏ်ငွေချမှတ်

ဇူလိုင် ၂၁၊ ၂၀၁၅
M-Media

– နိုင်ငံတော်သမ္မတကို စော်ကားခြင်းဖြင့် မီဒီယာဥပဒေကို ချိုးဖောက်ကြောင်း တွေ့ရှိရ၍ သံတော်ဆင့်ဂျာနယ်၏ အယ်ဒီတာ ၂ ဦးကို ဒဏ်ငွေ ၁၀ သိန်းစီပေးဆောင်ရန် ယနေ့တွင် နေပြည်တော်ရှိ တရားရုံးက အမိန့်ချမှတ်လိုက်သည်ဟု သိရသည်။

သမ္မတဦးသိန်းစိန်အား စိတ်မနှံ့သူဟု ပြောကြားခဲ့သည့် နိုင်ငံရေးသမားတစ်ဦးနှင့် အင်တာဗျူးကို ထည့်သွင်းခဲ့သောကြောင့် သံတော်ဆင့်ဂျာနယ်မှ ၀န်ထန်း ၁၁ ဦးကို ပြန်ကြားရေးဝန်ကြီးဌာနမှ ပြီးခဲ့သည့်နှစ် နိုဝင်ဘာတွင် တရားစွဲဆိုခဲ့သည်။

ထိုကဲ့သို့ တရားစွဲဆိုမှုမှာ နိုဝင်ဘာတွင် ပြုလုပ်မည့် ရွေးကောက်ပွဲမတိုင်ခင် မီဒီယာအား ခြိမ်းခြောက်သည့်လုပ်ရပ်များမှ တစ်ခုဖြစ်သည်ဟု မီဒီယာလွတ်လပ်ခွင့် လှုပ်ရှားသူများက ရှုမြင်ကြသည်။

ပြစ်ဒဏ်ချမှတ်ခြင်း ခံခဲ့ရသူများမျာ အယ်ဒီတာချုပ် ကျော်စွာဝင်းနှင့် လက်ထောက်အယ်ဒီတာချုပ် အံ့မင်းခေါင်တို့ ဖြစ်ကြပြီး တစ်ဦးတစ်ယောက်၏ ဂုဏ်သိက္ခာကို ထိခိုက်စေသော ဆောင်းပါးများ ပုံနှိပ်ခြင်းဖြင့် မီဒီယာဥပဒေကို ချိုးဖောက်မှုအတွက် ထိုကဲ့သို့ ပြစ်ဒဏ်ချမှတ်ခဲ့ခြင်းဖြစ်သည်။ အခြား ၉ ဦးကိုမူ တရားသေလွှတ်ပေးခဲ့သည်။

“ကျွန်တော်တို့ဟာ သမ္မတရဲ့ပုံရိပ်ကို ညှိုးနွမ်းစေမှုနဲ့ အပြစ်ရှိပြီး၊ ကျင့်ဝတ်ဖောက်ဖျက်မှုနဲ့ တရားစွဲခံရတယ်လို့ တရားသူကြီးက ပြောပါတယ်။ မီဒီယာလွတ်လပ်ခွင့်ကို ကန့်သတ်မှု တိုးလာတဲ့အတွက်ကြောင့် ကျွန်တော်တို့တတွေ သတိရှိပါမယ်။ ဒါပေမယ့် ဒီလိုဖိနှိပ်မှုမျိုးကို ကျွန်တော်တို့ မကြောက်ပါဘူး” ဟု အံ့မင်းခေါင်မှ တယ်လီဖုန်းမှတစ်ဆင့် ပြောကြားခဲ့သည်။

လန်ဒန်အခြေစိုက် လူ့အခွင့်အရေးအဖွဲ့ဖြစ်သော Amnesty International ကမူ မြန်မာနိုင်ငံတွင် မီဒီယာလွတ်လပ်ခွင့်အပေါ် အစိုးရ၏ ကန့်သတ်မှုမှာ ပြီးခဲ့သည့်နှစ်မှစ၍ မြင့်တက်လာသည်ဟု ဇွန်လတွင် ပြောကြားခဲ့သည်။

Ref: Abcnews