ဆီးရီးယားရှိ ဒေသအချို့တွင် အန္တရာယ်ကင်းဇုန်အဖြစ် တူရကီကြေညာ

ဇူလိုင် ၂၅၊ ၂၀၁၅
M-Media

– ဆီးရီးယားနိုင်ငံမြောက်ပိုင်းရှိ ဒေသများတွင် IS အဖွဲ့နှင့်ပတ်သက်သည့် တိုက်ခိုက်ရေးသမားများ မရှိတော့ဘဲ လုံခြုံသည့်နေရာများ ဖြစ်သွားပြီဟု တူရကီက ကြေညာလိုက်သည်။

ယနေ့တွင် တူရကီနိုင်ငံခြားရေးဝန်ကြီးဖြစ်သော မဗ်လက်တ် ကာဗူဆိုဂလူက ပြောကြားခဲ့ခြင်းဖြစ်ပြီး ဆီးရီးယားရှိ IS ၏ နေရာများနှင့် အီရတ်မြောက်ပိုင်းရှိ ကာ့ဒ်တိုက်ခိုက်ရေးသမားများကို တူရီက ဗုံးကြဲပြီး နာရီအနည်းငယ်အကြာတွင် အဆိုပါသတင်း ထွက်ပေါ်လာခြင်းလည်းဖြစ်သည်။

“ဆီးရီးယားနိုင်ငံမြောက်ပိုင်း ဒေသတွေဟာ IS ရဲ့ ခြိမ်းခြောက်မှုကနေ ကင်းလွတ်သွားတဲ့အခါ အန္တရာယ်ကင်းတဲ့ဇုန်တွေ အလိုလိုဖြစ်လာမှာပါ။ ကျွန်တော်တို့ဟာ ဆီးရီးယားမှာ အန္တရာယ်ကင်းတဲ့ဇုန်တွေနဲ့ လေယာဉ်မပျံသန်းရတဲ့ဇုန်တွေကို အမြဲတမ်း ကာကွယ်ခဲ့ပါတယ်။ အိုးအိမ်စွန့်ခွာ ထွက်ပြေးရတဲ့သူတွေဟာ အဲဒီ အန္တရာယ်ကင်းဇုန်တွေမှာ သွားနေနိုင်ပါတယ်” ဟု
သတင်းစာရှင်းလင်းပွဲတွင် ကာဗူဆိုဂလူက ပြောကြားခဲ့သည်။

တူရကီမှာ ဆီးရီးယားနိုင်ငံအတွင်း ကာ့ဒ်တပ်ဖွဲ့များ ထိန်းချုပ်ထားသော ကိုဘိန်းမြို့ ဆင်ခြေဖုံးဒေသများမှ အနောက်လိုလားသည့် သူပုန်များ ထိန်းချုပ်ထားသော ဒေသများအထိ ၃၃ ကီလိုမီတာကျယ်ဝန်းသော အန္တရာယ်ကင်းဇုန်ကို သတ်မှတ်ရန် စဉ်းစားနေသည်ဟု
တူရကီမီဒီယာများက စောစောပိုင်းတွင် ကျယ်ကျယ်ပြန့်ပြန့် ဖော်ပြခဲ့သည်။

ထိုကဲ့သို့ဆောင်ရွက်ခြင်း၏ ရည်ရွယ်ချက်မှာ IS အား ဆန့်ကျင်တိုက်ခိုက်နေသော သူပုန်များနှင့် ပူးပေါင်းဆောင်ရွက်မှု တိုးမြှင့်ရန်၊ နယ်စပ်ဒေသများအား ကာ့ဒ်တိုက်ခိုက်ရေးသမားများ သိမ်းပိုက်ခြင်းမှ တားဆီးရန်လည်းဖြစ်သည်။

Ref: Aljazeera