Ballon d’Or နောက်ဆုံး ၃ ဦးတွင် ပါဝင်ခွင့်ရလျှင်ပင် ဂုဏ်ယူမည်ဟု နေးမာပြော

ဇူလိုင် ၂၇၊ ၂၀၁၅
M-Media

– ယခုနှစ် ကမ္ဘာ့အကောင်းဆုံး ဘောလုံးသမားဆု Ballon d’Or ၏ နောက်ဆုံး ၃ ဦး စာရင်းတွင် ပါဝင်လျှင်ပင် မိမိအနေဖြင့် ပျော်ရွှင်မိမည်ဖြစ်ပြီး မက်ဆီနှင့် ရော်နယ်ဒိုတို့နှင့်အတူ ပါဝင်ခွင့်ရလျှင်လည်း ဂုဏ်ယူမည်ဟု ဘာစီလိုနာတိုက်စစ်မှူး နေးမာက ပြောကြားလိုက်သည်။

ဘာစီလိုနာအသင်း၏ ဖလားသုံးလုံးအောင်ပွဲတွင် အဓိကနေရာမှာ ပါဝင်ခဲ့ပြီးနောက် ဘရာဇီးလ်အသင်း၏ အားထားရသည့် တိုက်စစ်မှူးဖြစ်သူ နေးမာမှာ ၂၀၁၆ ခုနှစ်တွင် ပေးအပ်မည့် ကမ္ဘာ့အကောင်းဆုံး ဘောလုံးသမားဆုအတွက် အဓိကစိန်ခေါ်သူ ဖြစ်လာခဲ့သည်။

သို့သော်လည်း နေးမာကမူ ၎င်းမှာ ၂၀၀၇ ခုနှစ်တွင် ကာကာပြီးနောက် မက်ဆီနှင့် ရော်နယ်ဒိုတို့ကို ကျော်ဖြတ်ကာ ပထမဆုံး ကမ္ဘာ့အကောင်းဆုံး ဘောလုံးသမားဆု ဆွတ်ခူးနိုင်မည့် အခွင့်အရေးကို ပယ်ချခဲ့သည်။

“နောက်ဆုံးဇကာတင် ၃ ဦးစာရင်းမှာ ပါဝင်ခွင့်ရရင်ပဲ ကျွန်တော့်အတွက် ကြီးကျယ်တဲ့ အောင်မြင်မှု ဖြစ်မှာပါ။ မက်ဆီနဲ့ ရော်နယ်ဒိုတို့ရဲ့ ဘေးမှာ ကျွန်တော်ရှိဖို့ဆိုတာ အိပ်မက်ဖြစ်ပြီး၊ ကြီးမားတဲ့ ဂုဏ်သိက္ခာလည်း ဖြစ်ပါတယ်” ဟု နေးမာက TV Globo သို့ ပြောကြားခဲ့သည်။

နေးမာမှာ ဘာစီလိုနာတွင် မက်ဆီနှင့် တွဲကစားနေသော်လည်း ၂၀၁၃ ခုနှစ်က ဘာစီလိုနာသို့ စရောက်ပြီးနောက်ပိုင်း အသင်း၌ နေသားတကျဖြစ်ရန် အကူညီပေးခဲ့သည့် မက်ဆီအား ကျေးဇူးတင်သည်ဟု ဆိုသည်။

“ကျွန်တော်တို့ဟာ ယှဉ်ပြိုင်ရမယ်၊ မက်ဆီက ကျွန်တော့်ကို ဘောလုံးပေးမှာမဟုတ်ဘူးလို့ သူတို့က ပြောကြပါတယ်။ ဒါပေမယ့် သူ (မက်ဆီ) က ကျွန်တော့်ကို မယုံနိုင်စရာနည်းလမ်းနဲ့ ကြိုဆိုခဲ့ပါတယ်။ ကျွန်တော့်ရဲ့ကစားသမားဘ၀မှာ သူဟာ ပိုပြီး အကူအညီပေးခဲ့သူတစ်ယောက် မဟုတ်လားဗျာ။ ကျွန်တော့်အတွက်တော့ လီယိုဟာ သူငယ်ချင်းလည်းဖြစ်သလို၊ အတုယူစရာ သူရဲကောင်းလည်း ဖြစ်ပါတယ်” ဟု နေးမာက ထပ်လောင်းပြောကြားခဲ့သည်။

Ref : Goal