အမေရိကန်ရုပ်သံတစ်ခုမှ တိုက်ရိုက်ထုတ်လွှင့်နေစဉ် ပစ်ခတ်ခံရမှုကြောင့် ၀န်ထမ်း ၂ ဦးသေဆုံး

သြဂုတ် ၂၇၊ ၂၀၁၅
M-Media

သေဆုံးသွားသူနှစ်ဦး

– အမေရိကန်ပြည်ထောင်စု ဗာဂျီးနီးယားပြည်နယ်ရှိ WDBJ7 ရုပ်သံသတင်းဌာနမှ အင်တာဗျူးအစီအစဉ်တစ်ခု တိုက်ရိုက်ထုတ်လွှင့်နေစဉ် အမျိုးသားတစ်ဦးက သေနတ်ဖြင့် ၀င်ရောက်ပစ်ခတ်ခဲ့သောကြောင့် လူနှစ်ဦး သေဆုံးခဲ့သည်ဟု သိရသည်။

အဆိုပါသတင်းဌာနမှာ CBS သတင်းဌာန၏ လက်ခွဲတစ်ခုလည်းဖြစ်ပြီး သေဆုံးသွားသူများမှာ အသက် ၂၇ နှစ်အရွယ် ကင်မရာမန်း အဒမ်ဝါ့ဒ်နှင့် အသက် ၂၄ နှစ်အရွယ် သတင်းတင်ဆက်သူ အမျိုးသမီး အလီဆန် ပါကားတို့ဖြစ်ကြသည်။

၎င်းတို့နှစ်ဦးမှာ ဖရန်ကလင်းကောင်တီတွင် ခရီးသွားလာရေးနှင့် ပတ်သက်၍ အင်တာဗျူးကို ယမန်နေ့ မနက်ပိုင်းက တိုက်ရိုက် ရိုက်ကူးထုတ်လွှင့်နေစဉ် သေနတ်ဖြင့် ပစ်သတ်ခံခဲ့ရခြင်းဖြစ်ပြီး ပစ်သတ်သူမှာ အဆိုပါ သတင်းဌာမှ လွန်ခဲ့သည့် ၂ နှစ်အရင်က အလုပ်ထုတ်ပစ်ခဲ့သူ ဗက်စ်တာ လီ ဖလာနီဂန်ဆိုသူဖြစ်ကာ ဘရီစီ ၀ီလီယံဟုလည်း သိကြသည်။

အနည်းဆုံး သေနတ်ဖြင့် ၈ ချက်ခန့် ပစ်ခဲ့ခြင်းဖြစ်ပြီး အလီဆန်ပါကား အင်တာဗျူးနေသည့် အမျိုးသမီးမှာလည်း ဒဏ်ရာအနည်းငယ် ရရှိခဲ့သည်။

သေနတ်သမား ဖလာနီဂန်မှာ ပစ်ခတ်မှုဖြစ်ပွားပြီးနောက် ကားဖြင့်ထွက်ပြေးစဉ် ယာဉ်တိုက်မှုဖြစ်ပွားခဲ့ပြီး ရဲတပ်ဖွဲ့မှ ဖမ်းဆီးရမိခဲ့ကာ ၎င်းကိုယ်တိုင် ပစ်ခတ်မှုမှ ရရှိခဲ့သည့် သေနတ်ဒဏ်ရာဖြင့် ဗာဂျီးနီးယားမြောက်ပိုင်း ဆေးရုံ၌ သေဆုံးခဲ့သည်ဟု ဖရန့်ကလင်းကောင်တီ အကြီးအကဲ ဘီလ်အိုဗာတန်က ပြောကြားခဲ့သည်။ သို့သော်လည်း တိုက်ခိုက်မှုနောက်ကွယ်မှ အကြောင်းအရင်းကို သိရှိရခြင်းမရှိသေးဘဲ စုံစမ်းစစ်ဆေးမှုများမှာ ကြာဦးမည်ဟု ၎င်းက ဆိုသည်။

အာဖရိကန်-အမေရိကန်တစ်ဦးဖြစ်သည့် ဖလာနီဂန် ရိုက်ကူးထားသည်ဟု ယုံကြည်ရသော ပစ်ခတ်မှုဖြစ်ပွားသည့် ဗီဒီယိုကိုလည်း ၎င်း၏ အမည်များဖြင့် အသုံးပြုသော Twitter နှင့် Facebook စာမျက်နှာများတွင် လွှင့်တင်ခဲ့ပြီး သေဆုံးသွားသူများထဲမှ တစ်ဦးမှာ ၎င်းအား လူမျိုးရေးခွဲခြားမှု ပြုလုပ်ခဲ့သည်ဟု ရေးသားခဲ့သည်။ ထို့နောက် ထိုဗီဒီယိုကို နောက်ပိုင်းတွင် ပြန်လည်ဖယ်ရှားခဲ့သည်။

ဖလာနီဂန်မှာ ဖလော်ရီဒါရှိ ရုပ်သံဌာနတစ်ခုကိုလည်း ၎င်းအလုပ်လုပ်ခဲ့စဉ်က လူမည်းဖြစ်သည့်အတွက် လူမျိုးရေးခွဲခြားမှု လုပ်ခဲ့သည်ဟုဆိုကာ တရားစွဲဆိုထားသည်။

ABC သတင်းဌာနကမူ ၎င်းတို့မှာ ဘရီစီဝီလီယံဆိုသူထံမှ ၂၃ မျက်နှာရှိသော ဖက်စ်တစ်ခုကို အင်္ဂါနေ့ညနှင့် ဗုဒ္ဓဟူးနေ့မနက်ပိုင်း ကြားအချိန်တွင် ရရှိခဲ့သည်ဟု ပြောကြားခဲ့ပြီး အသေးစိတ်ကိုမူ ပြောကြားခဲ့ခြင်းမရှိပေ။

Ref: Aljazeera