ကမ္ဘာတဝှမ်းမှ ပြည်တွင်းစစ်မီး ပဋိပက္ခအား လေပင့်ပေးသူ(သို့) အစ္စရေး

သြဂုတ် ၃၀ ၊ ၂၀၁၅
M-Media

– ဆိုးရွားသော လူ့အခွင့်ချိုးဖောက်မှု မှတ်တမ်းများရှိသည့် အာဏာရှင်များကို အစ္စရေးက လက်နက်များ ရောင်းချနေသည်ဆိုသည့် သတင်းများကို နှစ်ပေါင်းများစွာ ထပ်တလဲလဲ  ကြားလာရသည်။ ထိုကိစ္စကို အစ္စရေးနိုင်ငံအတွင်း ဆွေးနွေးခြင်း သို့မဟုတ် မေးမြန်းခြင်း မရှိခဲ့။ သို့သော်လည်း ယခုတွင်မူ ပြောင်းလဲလာခဲ့လေပြီ။

လူငယ်ရှေ့နေတစ်ဦးဖြစ်သူ အီတေး မာ့က်က အစ္စရေး၏ လက်နက် တင်ပို့ရောင်းချမှု ၀န်းကျင်တွင် ရှိနေသည့် လျှို့ဝှက်တံတိုင်းကြီးကို ဖြိုချရန် ကြိုစားနေကာ ထိုရောင်းချမှု အဆုံးသတ်ရေး ဖိအားပေးနေသည်။ ထို့ပြင် အဆိုပါ လက်နက်ရောင်းချမှုများက လက်ရှိ တောင်ဆူဒန် စစ်ပွဲနှင့် အခြားသော ပဋိပက္ခများကို မည်သို့ မီးလောင်ရာ လေပင့်ပေးနေသည် ကိုလည်း သူက သိသည်။ လူပေါင်း ထောင်နှင့် ချီ၍ သေဆုံးသည်ဟု ပြောကြားမှုများရှိနေသည့် တောင်ဆူဒန်ပြဿနာကို အစ္စရေးက ပိုမို ရှည်ကြာစေသည်ဟု သူက အခိုင်အမာပြောလေသည်။

မစ္စတာမာ့က်က ၎င်း၏ ဆောင်ရွက်မှုမှာ လူ့အသက်များကို ကယ်တင်ပေးမည့် မစ်ရှစ်တစ်ခုဖြစ်သည်ဟု ယုံကြည်နေသည်။ တစ်ခါတစ်ရံတွင် ၎င်း၏ အချိန် များစွာကို ပေးလိုက်ရသော်လည်း ထိုကိစ္စအား သူက ကိုယ့်ထမင်း ကိုယ်စား လုပ်ပေးခြင်းဖြစ်သည်။

“တောင်ဆူဒန်က ပြည်သူတွေရဲ့ အကျိုးအတွက် စစ်ရာဇ၀တ်မှုတွေ၊ လူသားထုအပေါ် ကျူးလွန်တဲ့ ရာဇ၀တ်မှုတွေကို ရပ်တန့်ဖို့ ကျွန်တော် တတ်နိုင်တာအားလုံးကို လုပ်ချင်တာပါ” ဟု မက်က ဂျေရုစလင် အနောက်ပိုင်းရှိ ၎င်း၏ ရုံးခန်းတွင် The Independent သို့ ပြောကြားခဲ့သည်။

“ကျွန်တော်က ကမ္ဘာ့ပြည်သူတစ်ဦးပါ။ ကျွန်တော့်မှာ ကမ္ဘာလုံးဆိုင်ရာ တာဝန်ဝတ္တရား ရှိပါတယ်”

ပြည်တွင်းစစ်ဖြစ်ပွားခဲ့ပြီး ပြည်သူ ၂ သန်းနီးပါး အိုးအိမ်စွန့်ခွာ ထွက်ပြေးခဲ့ရပြီးနောက် ပြီးခဲ့သည့်နှစ် ဒီဇင်ဘာလတွင် ဥရောပ သမဂ္ဂက တောင်ဆူဒန် အပေါ် လက်နက်ရောင်းချမှုကို ပိတ်ပင်လိုက်သည်။ ထိုပိတ်ပင်မှု အစိတ်အပိုင်းအဖြစ် အမေရိကန်ကလည်း တောင်ဆူဒန် အစိုးရအား စစ်ရေးအကူအညီပေးနေမှုကို ရပ်တန့်ခဲ့သည်။

သို့သော်လည်း အစ္စရေးက ဂါလီလ် ရိုင်ဖယ်နှင့် တာဗိုရ်ရိုင်ဖယ်များကို တောင်ဆူဒန် အစိုးရတပ်များအား ထောက်ပံ့နေပြီး၊ ပြည်တွင်း လုံခြုံရေး နည်းလမ်းများကိုလည်း လေ့ကျင့် သင်ကြားပေးနေသည်ဟု အစီရင်ခံစာများ၊ အကူအညီပေးရေးဝန်ထမ်းများကို အင်တာဗျူးမှုများ၊ လူသိရှင်ကြားပြော၍ မရသည့် သတင်းရင်းမြစ်များက သိရသည်ဟု မစ္စတာမာ့က်က ဆိုသည်။

ဥရောပ၏ လက်နက်ရောင်းချရေး ပိတ်ပင်မှု သက်ရောက်နေချိန် ဇွန်လက တဲလ်အဗီးမြို့ လက်နက် ပွဲတော်တစ်ခုတွင် တောင်ဆူဒန် အကြီးတန်း ကိုယ်စားလှယ်အဖွဲ့တစ်ဖွဲ့ကို အစ္စရေးက လက်ခံတွေ့ဆုံခဲ့သည်။ ကုလသမဂ္ဂ၏ တောင်ဆူဒန်ရေးရာအဖွဲ့က အပြင်ဘက်တွင် ဆန္ဒပြမှုများ ရှိခဲ့သည့် အဆိုပါ လက်နက်ပွဲတော်သို့ ရောက်ရှိလာသော ကိုယ်စားလှယ်အဖွဲ့ကို တောင်ဆူဒန် သယ်ယူ ပို့ဆောင်ရေးဝန်ကြီး အန်သိုနီ လီနို မာကာနာ ဦးဆောင်သည်ဟု ထင်ရကြောင်း ပြောကြားခဲ့သည်။

အဆိုပါကိုယ်စားလှယ်များကို အစ္စရေးက ကြိုဆိုနေသည့်အချိန်တွင် တောင်ဆူဒန်၌ အစိုးရတပ်များနှင့် ၎င်းတို့၏ မဟာမိတ်များက ထိုးစစ်ဆင်မှုများကို တစ်ရှိန်ထိုး ပြုလုပ်ခဲ့ပြီး ထိုစစ်ဆင်ရေးများတွင် ရွာတစ်ခုလုံးကို ပြာကျအောင် မီးရှို့ခြင်း၊ အစုလိုက်အပြုံလိုက် မုဒိမ်းကျင့်သတ်ဖြတ်ခြင်း၊ အတင်းအဓမ္မ ရွှေ့ပြောင်းခိုင်းခြင်းတို့ကို ပြုလုပ်ခဲ့သည်ဟု လူ့အခွင့်အရေးစောင့်ကြည့်အဖွဲ့ Human Rights Watch က ပြောကြားခဲ့သည်။

“အစ္စရေးဟာ တောင်ဆူဒန်က တိုက်ခိုက်မှုကို ရှည်ကြာစေပါတယ်” ဟု မာ့က်က ပြောကြားခဲ့သည်။

တောင်ဆူဒန်အား အစ္စရေးက လက်နက်တပ်ဆင်ပေးလားဆိုသည်နှင့် ပတ်သက်၍ မေးမြန်းမှုကို ပြန်လည်ဖြေကြားရန် အစ္စရေး ကာကွယ်ရေး ၀န်ကြီးဌာန ပြောရေးဆိုခွင့်ရှိသူ ယာကော့ဗ် ဟာဗာကွတ်က ငြင်းဆိုခဲ့သည်။ မစ္စတာမာ့က်၏ အခိုင်အမာပြောကြားမှုများအား တုန့်ပြန်ပြောဆိုရန်နှင့် အစ္စရေး-တောင်ဆူဒန်တို့၏ ဆက်ဆံရေးကို ရှင်းပြန်ရန် မေးမြန်းခဲ့ရာတွင် ဟာဗာကွတ်က

“ကျွန်တော်တို့ရဲ့ ပေါ်လစီက လက်နက်ရောင်းချမှုတွေနဲ့ပတ်သက်ပြီး ပြောလို့မရတဲ့ ပေါ်လစီပါ။ နိုင်ငံတစ်နိုင်ငံစီ ကျွန်တော်တို့ ရည်ညွှန်းလေ့မရှိပါဘူး” ဟု ပြန်လည်ဖြေကြားခဲ့သည်။

မိမိတို့မှာ စစ်ရေး အကျပ်အတည်းဖြစ်မှုကို ဖြေရှင်းနိုင်ပြီး၊ စစ်ပွဲအား အနိုင်ရမည့်အတွက်ကြောင့် သံတမန်ရေးအရ ဖြေရှင်းမှု မလိုဟု တောင်ဆူဒန် သမ္မတ ဆာလ်ဗာကီရ် မာယာဒစ်နှင့် အခြားသောခေါင်းဆောင်များဘက်မှ ထင်မြင်ယူဆမှုကို ဆက်လက် တည်တံ့ရေးအတွက် အစ္စရေး၏ လက်နက်များ ဆက်လက်ထောက်ပံ့မှုက အကူအညီဖြစ်စေသည်ဟု မာ့က်က ရှုမြင်နေသည်။

မာ့က်မှာ အစ္စရေး လစ်ဘရယ်နိုင်ငံရေးသမားဖြစ်သော တမာရ် ဇန်ဒ်ဘာ့ဂ်နှင့် မဟာမိတ်ဖွဲ့ထားပြီး ကာကွယ်ရေး ၀န်ကြီးဌာန အနေဖြင့် တောင်ဆူဒန်အား စစ်ရေးအကူအညီပေးမှုကို ဖြတ်တောက်ပစ်ရန် တောင်းဆိုခဲ့သည်။ ဇန်ဒ်ဘာ့ဂ်က ဆန္ဒပြမှု အသေးစားများကို ကူညီစီစဉ်ပေးခဲ့သည်။

အီရစ်ထရီယာ၊ အဇာဘိုင်ဂျန်၊ ဘာကီနာဖာဆို၊ အီကွေတိုရီယဲလ်ဂီနီ၊ အန်ဂိုလာ၊ ကင်မရွန်း၊ ဂါဘွန်၊ ချဒ်နှင့် အခြားသောနိုင်ငံများသို့ အစ္စရေးက လက်နက်များရောင်းချခြင်း၊ စစ်ဘက်ဆိုင်ရာကျွမ်းကျင်သူများအား ထောက်ပံ့ပေးအပ်မှုများကိုလည်း မိမိက စောင့်ကြည့်နေသည်ဟု မာ့က်က ပြောကြားခဲ့သည်။

ကာကွယ်ရေးဝန်ကြီးဌာနက ပြောရေးဆိုခွင့်ရှိသူ ဟာဗာကွတ်ကတော့ ထိုနိုင်ငံများကို အစ္စရေးက လက်နက်များ တပ်ဆင်ပေးလား ဆိုသည်နှင့် လူ့အခွင့်အရေးချိုးဖောက်မှုများကို အားပေးကူညီနေသည်ဟု ဝေဖန်မှုများအတွက် The Independent ၏ မေးမြန်းမှုကို မှတ်ချက်ပေးရန် ငြင်းဆိုခဲ့သည်။

“သူတို့ လူသိရှင်ကြား မဆွေးနွေးချင်ပါဘူး။ သူတို့ကို အခြိမ်းခြောက်ဆုံးအရာက သူတို့လုပ်နေတာတွေကို ပြည်သူလူထုက ၀င်စွက်လာမှာကိုပါပဲ” ဟု မာ့က်က ပြောကြားခဲ့သည်။

အစ္စရေးအာဏာပိုင်များမှာ ယခင်က လက်နက်ပို့ဆောင်မှုများကို ခွင့်ပြုခြင်းဖြင့် စစ်ရာဇ၀တ်မှုနှင့် လူသားထုအပေါ် ကျူးလွန်သည့် ရာဇ၀တ်မှုများ အတွက် အပြစ်ရှိသည်ဟု သူက ယုံကြည်နေသည်။ သူ၏ အမြင်တွင် ယခင်ကျူးလွန်ခဲ့သည်ဟု ယိုးစွပ်ကြသော ရာဇ၀တ်မှုများကို ၎င်းတို့အား တာဝန်ယူခိုင်းခြင်းက အနာဂတ်တွင် ကျူးလွန်မှုများ မဖြစ်ပွားရေး သေချာစေရန် အဓိကကျသည်ဟု ခံယူထားသည်။

၁၉၉၄ ဧပြီမှ ဇူလိုင်လအတွင်း ဖြစ်ပွားခဲ့သော လူမျိုးတုန်းသတ်ဖြတ်မှုတွင် ရ၀မ်ဒါနှင့် ၁၉၉၁ ခုနှစ်မှ ၁၉၉၅ ခုနှစ်အထိ ဘော့စနီးယား လူမျိုးတုန်း သတ်ဖြတ်မှုတွင် ဆာ့ဘ်တို့အား အစ္စရေးက လက်နက်ထောက်ပံ့ပေးမှုများနှင့် ဆက်စပ်သည့် စာရွက်စာတမ်းများအားလုံးကို ရရှိရန် မာ့က်နှင့် အစ္စရေး ပညာတတ်တစ်ဦးဖြစ်သူ ယာအီရ် အိုရွန်တို့မှာ လက်ရှိတွင် တရားရုံးတိုက်ပွဲ ဆင်နွှဲနေသည်။ ထိုသို့ လက်နက်ထောက်ပံ့မှုမှာ သေချာသည်ဟုလည်း မာ့က်ကဆိုသည်။

အစ္စရေးကာကွယ်ရေး ၀န်ကြီးဌာနမူ စာရွက်စာတမ်းများ ထုတ်ပေးခြင်းမှာ နိုင်ငံခြားရေး ဆက်ဆံမှုများနှင့် နိုင်ငံလုံခြုံရေးတို့ ထိခိုက်စေမည်ဟုဆိုကာ မာ့က်၏ ဆောင်ရွက်မှုကို တုန့်ပြန်ခဲ့သည်။ အောက်ခြေတရားရုံးက ၀န်ကြီးဌာန၏ ပြောဆိုမှုကို ထောက်ခံခဲ့ပြီး မာ့က်နှင့် အိုရွန်တို့ကမူ ထိုဆုံးဖြတ်ချက်နှင့်ပတ်သက်၍ တရားရုံးချုပ်သို့ အယူခံဝင်ထားလေသည်။

အသက် ၃၄ နှစ်အရွယ်ရှိပြီဖြစ်သည့် မာ့က်မှာ ငယ်ရွယ်စဉ်ကပင် ကမ္ဘာကြီးအတွက် စတင် အလုပ်လုပ်ပေးခဲ့သည်။ bar mitzvah (ဂျူးအမျိုးသားများ အသက် ၁၃ နှစ်ရောက်သည့်အချိန်တွင် ပြုလုပ်ရသည့် ဘာသာရေးပွဲ) အတွက် ပါတီလုပ်ရန်အစား မာ့က်မှာ တရုတ်နိုင်ငံသို့ အလည်အပတ်ခေါ်သွားရန် မိဘများအား စည်းရုံးခဲ့သည်။ ၂၀၀၄ ခုနှစ် တောင်အမေရိကသို့ သွားရောက်သည့် အခါတွင်လည်း ကမ္ဘာပေါ်တွင် အစ္စရေးစစ်တပ်၏ အခန်းကဏ္ဍကို သူက သိသိသာသာ စတင်တွေးလာခဲ့သည်။

သူ၏ ထိုခရီးစဉ်အတွင်း အစ္စရေးထုတ် ခြေညှပ်ဖိနပ်ဝတ်ထားသော အိုင်းရစ် အမျိုးသမီးခရီးသွားတစ်ယောက်နှင့် တွေ့ဆုံခဲ့သည်။ “အဘယ့်ကြောင့် အစ္စရေးထုတ် ဖိနပ်စီးထားသလဲ”ဟု မေးမြန်းရာတွင် အဆိုပါအမျိုးသမီးက တပ်ဖွဲ့များကို အစ္စရေးက လေ့ကျင့်ပေးနေသော ကိုလံဘီယာရှိ တောထဲသို့ သွားမည်ဖြစ်ကြောင်း၊ အစ္စရေးထုတ်ဖိနပ်ကို စီးသွားပါက ကာကွယ်မှု ရမည်ဖြစ်ကြောင်း ပြောကြားခဲ့လေသည်။

“တကယ်လို့ ကျွန်တော်က အစ္စရေးတစ်ယောက်ဖြစ်ရင် ကျွန်တော် ကာကွယ်ခံရမယ်။ အဲဒီလိုမဟုတ်ဘူးဆိုရင်တော့ သူတို့ ကျွန်တော့်ကို ပစ်သတ်လိမ့်မယ်ဆိုတဲ့ အတွေး ၀င်ခဲ့ပါတယ်။ “ဘာ့ကြောင့် ငါတို့က သူတို့ဘက်မှာ ရပ်တည်နေရတာလဲ” လို့ ကျွန်တော်တွေးခဲ့ပါတယ်” ဟု မာ့က်က ပြောကြားခဲ့သည်။

“ကျွန်တော် သုတေသနစလုပ်ခဲ့ပြီး အချို့ ကိစ္စတွေမှာ အစ္စရေးဟာ အစိုးရကိုရော၊ သူပုန်တွေကိုရော သင်တန်းတွေပေး၊ လက်နေက်တွေထောက်ပံ့နေတာကို တွေ့ခဲ့ရပါတယ်။ ပြီးတော့ ကျွန်တော်တို့ တိုင်းပြည်ဟာ အာဏာရှင်တော်တော်များများကို ကူညီထောက်ပံ့နေပြီး ကမ္ဘာတစ်ဝှမ်းက ဆိုးရွားတဲ့ ပဋိပက္ခတွေမှာ ပါဝင်တယ်ဆိုတာလည်း တွေ့ခဲ့ရပါတယ်”

ref: Independent
မိုးဝေတင်ဆက်သည်။