အသင်းငယ်နှစ်သင်း ဇယားကိုဦးဆောင်နေတဲ့ လာလီဂါပွဲစဉ် ၂

စက်တင်ဘာ ၁၊ ၂၀၁၅
M-Media

– ဒီတစ်ပတ် လာလီဂါ ပွဲစဉ် ၂ မှာ အဖွင့်ပွဲက မှန်းချက်နဲ့ နှမ်းထွက်မကိုက်ခဲ့တဲ့ ရီးယဲလ် အိမ်ကွင်းမှာ ပေါက်ကွဲပြခဲ့ပြီး ရီးယဲဘက်တစ်ကို ၅ ဂိုး ပြတ်ခဲ့ပါတယ်။ တိုက်စစ်မှူးတွေဖြစ်ကြတဲ့ ဘေးလ်နဲ့ ရော်ဒရီဂက်စ်တို့က ၂ ဂိုးစီသွင်းခဲ့ပြီး ဘန်ဇီမာက တစ်ဂိုး သွင်းခဲ့ပါတယ်။ ရော်နယ်ဒိုကတော့ ရာသီသစ်မှာ ဂိုးပေါက်ပျောက်နေဆဲပါပဲ။

ခံစစ်ကို ပိတ်ထားပြီး အံ့သြလောက်စရာစွမ်းရည်ကို ပြခဲ့တဲ့ ဂိုးသမားနဲ့ မာလာဂါကို ဘောလုံးပိုင်ဆိုင်မှုအသာရတဲ့ ဘာစီလိုနာတို့ ခက်ခက်ခဲခဲ ရင်ဆိုင်ခဲ့ရပြီး ဗာမေလန်ရဲ့ ၇၃ မိနစ် ဂိုးကြောင့် ရာသီသစ် ရာနှုန်းပြည့်နိုင်ပွဲ ရရှိခဲ့ပါတယ်။

တန်းတက် အီဘာနဲ့ ဆဲလ်တာဗီဂိုတို့ဟာလည်း ပြိုင်ဘက်တွေကို ဂိုးပြတ်တွေနဲ့ အသီးသီး နှိပ်ကွပ်ခဲ့ပြီး နှစ်ပွဲနိုင် ၆ မှတ်နဲ့ အမှတ်ပေးဇယားကို ဦးဆောင်နေပါတယ်။ ယူရိုပါချန်ပီယံ ဆီးဗီးလားဟာ အိမ်ကွင်းမှာ အက်သလက်တီကို ကို ဂိုးပြတ်ရှုံးခဲ့ပြီး၊ ဗလင်စီယာကလည်း ဒီတစ်ပတ်မှာ သရေထပ်ကျခဲ့ပါတယ်။

လာလီဂါပွဲစဉ် ၂ ရဲ့ ရလဒ်များကတော့ အောက်ပါအတိုင်းဖြစ်ပါတယ်။

ဗီလာရီးယဲလ် ၃-၁ အက်စပန်ညို
ရီးယဲလ်ဆိုစီဒက် ၀-၀ စပို့တင်းဂီဂျွန်
ဘာစီလိုနာ ၁-၀ မာလာဂါ
ဆဲလ်တာဗီဂို ၃-၀ ဗယ်လက်ကာနို
ရီးယဲလ် ၅-၀ ဘက်တစ်
အီဘာ ၂-၀ ဘီဘာအို
ဗလင်စီယာ ၁-၁ ဒီပို့တီဗို
ဆီးဗီးလား ၀-၃ အက်သလက်တီကို
ဂီတာဖေး ၁-၂ ဂရာနာဒါ
လက်စ် ပါးလ်မက်စ် ၀-၀ လီဗန်တေး