အစ္စရေးနိုင်ငံသား ဂျူးလူငယ် တစ်ဦး IS အဖွဲ့သို့ ဝင်ရောက် ပူးပေါင်းရန်ကြိုးစားခဲ့

စက်တင်ဘာ ၂ ၊ ၂၀၁၅
M-Media

(ဓာတ်ပုံ – ရိုက်တာ) ၂၀၁၄ ခုနှစ် ဇွန်လ ၂၉ ရက်နေ့ Raqqa မြို့တွင် IS အလံဝှေ့ရမ်းနေသည့် အဖွဲ့ဝင်တစ်ဦး။

IS အဖွဲ့သို့ ၀င်ရောက် ပူးပေါင်းရန်ကြိုးစားနေသည်ဟု သံသယရှိသူ အသက် ၂၁ နှစ်အရွယ် အစ္စရေး-ဂျူး လူငယ်တစ်ဦးကို တူရကီနိုင်ငံ၌ ရှာတွေ့ခဲ့ပြီး အစ္စရေးနိုင်ငံသို့ ပြန်လည်ပို့ဆောင်ခဲ့ကြောင်း ဂျေရုဆလင်ရှိ နိုင်ငံခြားရေး ၀န်ကြီးဋ္ဌာနက သတင်းထောက်များထံ အင်္ဂါနေ့က ပြောကြားလိုက်သည်။ Haaretz သတင်းစာဖော်ပြချက်အရ အစ္စရေးသံရုံး၏ မေတ္တာရပ်ခံချက်ဖြင့် ယင်းလူငယ်အား  Iskenderun မြို့တွင် ရဲများက ထိန်းသိမ်းလိုက်ပြီး ၎င်း၏မိသားစုဝင်များက လေကြောင်းခရီးဖြင့် တူရကီသို့သွားကာ သူ့အား ပြန်လည်စောင့်ကြပ်ခေါ်ယူလာခဲ့သည်ဟု သိရသည်။

ထိုသူမှာ ဥပဒေအရ မိဘအုပ်ထိန်းမှုအောက်တွင် ရှိနေဆဲဖြစ်ကြောင်း အစ္စရေးနိုင်ငံခြားရေး ၀န်ကြီးဋ္ဌာနက ဆိုသည်။ အာဏာပိုင်များကမူ အသေးစိပ် ဖော်ပြခြင်း မရှိချေ။

ဖေ့စ်ဘွတ်ပေါ် ထိုသူငယ်၏ ရေးသားချက်များကြောင့် ဆီးရီးယားသို့သွား၍ IS နှင့်ပူးပေါင်းမည့်အစီအစဉ်ကို မိသားစုအသိုင်းအ၀ိုင်းမှ ရိပ်စားသိရှိခဲ့သည်။ ကြာသပတေးနေ့တွင် ၀န်ကြီးဋ္ဌာနသည် မိဘများထံမှ ဖုန်းဆက်အကြောင်းကြားမှုကို လက်ခံရရှိခဲ့ကြောင်း၊ ထိုလူငယ်သည် Crete ၊ ၎င်းမှ တူရကီရှိ Izmir ၊ ထို့နောက် Adana၊ ၊ နောက်ဆုံးတွင် Iskenderun မြို့ထိ ခရီး အဆင့်ဆင့်နှင်ခဲ့ကြောင်း ဋ္ဌာန၏ပြောရေးဆိုခွင့်ရှိသူ Alon Lavi မှ ပြောကြားသည်ဟု Jerusalem Post သတင်းစာ၌ ဖော်ပြသည်။

မတ်လအတွင်း IS အဖွဲ့မှ အသက် ၁၉ နှစ်အရွယ် မုဟမ္မဒ် စအီးဒ် အစ္စမာအီလ် မုစလ္လမ် ဆိုသူကို ကလေးငယ်တစ်ဦးမှ သတ်ဖြတ်သည့် ဗီဒီယို ထုတ်လွှင့်ခဲ့သည်။ အရှေ့ဂျေရုဆလင် ဇာတိသား မုစလ္လမ်မှာ မော့ဆက်အဖွဲ့မှ IS သို့စေလွှတ်သော သူလျှိုတစ်ဦးဖြစ်သည်ဟု ယင်းဗီဒီယို၏အောက်ခြေတွင် စာတန်းထိုးပြခဲ့သည်။ ၎င်းမှာ IS ၏ လှည့်စားမှုသာဖြစ်၍ မုစလ္လမ်သည် အစ္စရေးထောက်လှမ်းရေးအတွက် အလုပ်လုပ်ပေးခြင်း မဟုတ်ကြောင်း သူ့မိဘများက ၀ါရှင်တန်ပို့စ်သို့ ငြင်းဆိုပြောပြသည်။

IS အဖွဲ့သို့ ချဉ်းကပ်ဝင်ရောက်ခဲ့ကြသည့် အစ္စရေး-ဂျူးများ မည်မျှရှိနေသည်ကို ရှင်းလင်းစွာ မသိရသေးပေ။  IS နှင့် ပူးပေါင်းခဲ့သည့်  လူ ၁၀၀၀ အနက် ဂျူးလူမျိုးများ အလုံးအရင်း သွားရောက် ပူးပေါင်းခဲ့သည့်ဟု ယုံကြည်ရကြောင်း ပြင်သစ် အာဏာပိုင်တစ်ဦးက ယမန်နှစ်တွင် ပြောကြားခဲ့ဖူးသည်။

Ref : Washington Post