နိုင်ငံတကာသတင်းတို (စက်တင်ဘာ ၅၊ ၂၀၁၅)

စက်တင်ဘာ ၅၊ ၂၀၁၅
M-Media

ဒုက္ခသည်ပြဿနာမှာ အမေရိကန်နှင့် နေတိုးအဖွဲ့တို့ကြောင့်ဟု သြစတြီးယား ထိပ်တန်း နိုင်ငံရေးသမားပြော
……………………………………
ဒုက္ခသည်ပြဿနာမှာ အမေရိကန်နှင့် နေတိုးအဖွဲ့တို့၏ လုပ်ရပ်များကြောင့်ဖြစ်သည်ဟု သြစတြီးယား လက်ယာယိမ်း FPO ပါတီခေါင်းဆောင် ဟိန့်ဇ် ခရစ်ရှန် စထရာချီက Facebook စာမျက်နှာမှတစ်ဆင့် ပြောကြားလိုက်သည်။ အီရတ်နှင့် လစ်ဗျားတို့ကို အမေရိကန်နှင့် နေတိုးအဖွဲ့တို့က ကျူးကျော်တိုက်ခိုက်ခြင်းနှင့် ဆီးရီးယားသမ္မတ အာဆတ်၏ အတိုက်အခံများအား အကြံအဥာဏ်နှင့်
စစ်ရေးထောက်ပံ့မှုများကြောင့် ပျက်ဆီးဆုံးရှုံးမှုများ၊ ပဋိပက္ခများနှင့် ထိခိုက်ခံစားရမှုများ ဖြစ်ပေါ်လာခဲ့ပြီး အစွန်းရောက် IS အဖွဲ့လည်း ပေါ်ပေါက်လာခဲ့သည်ဟု ၎င်းက ထည့်သွင်းပြောကြားခဲ့သည်။

ကာတာလိုနီယာ စပိန်မှ ခွဲထွက်ရေး ထပ်မံကြိုးပမ်းမည်
…………………………….
ဒေသတွင်း ပါလီမန်ရွေးကောက်ပွဲတွင် လွတ်လပ်ရေးလိုလားသူအုပ်စုက အများစုအနိုင်ရပါက ကာတာလိုနီယာဒေသအား စပိန်မှခွဲထွက်ရေး လုပ်ဆောင်သွားမည်ဟု ကတာလိုနီယာသမ္မတ အာတာရ် မက်စ်က ပြောကြားလိုက်သည်။ ရွေးကောက်ပွဲကို ယခုလ ၂၇ ရက်နေ့တွင် ကျင်းပပြုလုပ်သွားမည်ဖြစ်သည်။

ဆော်ဒီတောင်ပိုင်း တိုက်ခိုက်မှုအတွင်း ဘာရိန်းစစ်သားများ သေဆုံး
………………………………………….
ဆော်ဒီအာရေဗျတောင်ပိုင်း ယီမင်နယ်စပ်တွင် တိုက်ခိုက်မှုကြောင့် မိမိတို့စစ်သား၅ ဦး သေဆုံးခဲ့သည်ဟု ဘာရိန်းက ယနေ့တွင် ပြောကြားလိုက်သည်။ ဘာရိန်းတပ်ဖွဲ့များမှာ ထိုဒေသတွင် ဆော်ဒီတပ်များနှင့်ပူးပေါင်းကာ ကာကွယ်ရေးလုပ်ငန်းများကို လုပ်ဆောင်နေခြင်းဖြစ်သည်။ ဘာရိန်းမှာ ယီမင်တွင် ဆော်ဒီဦးဆောင်ကာ ပြုလုပ်သည့် လေကြောင်းတိုက်ခိုက်မှုတွင်လည်း ပါဝင်သည်။
ဆော်ဒီတောင်ပိုင်းတွင် ယီမင်ဘက်မှ ၀င်ရောက်တိုက်ခိုက်မှုကြောင့် သေဆုံးသူမှာ ၆၀ ၀န်းကျင်ခန့် သေဆုံးခဲ့ပြီး အများစုမှာ စစ်သားများဖြစ်သည်။

Ref: News Agencies