စက်တင်ဘာ ၂၈ ရက်နေ့ ကမ္ဘာပျက်မည်ဟု ခရစ်ယာန်တစ်ချို့က ယုံကြည်နေ

စက်တင်ဘာ ၁၁၊ ၂၀၁၅
M-Media

– သွေးရောင်လွှမ်းနေသော လကို မြင်ရခြင်းမှာ ကမ္ဘာပျက်မည့်လက္ခဏာ ဖြစ်ခြင်းကြောင့် ယခုလကုန်ပိုင်းတွင် ကမ္ဘာကြီး ပျက်ဆီးလိမ့်မည်ဟု ခရစ်ယာန်ဘာသာဝင်အချို့က ယုံကြည်နေကြသည်။

သိပ္ပံပညာရှင်များကမူ စက်တင်ဘာ ၂၈ ရက်နေ့တွင် လမှာ နေကြောင့်ဖြစ်ပေါ်သည့် ကမ္ဘာ၏ အရိပ်အောက်သို့ ကျရောက်မည်ဖြစ်သောကြောင့် လကြတ်မည်ဖြစ်ကာ လအလင်းရောင်မှာ မှေးမှိန်ကာ အနီရောင်လွှမ်းသွားမည်ဟု ဟောကိန်းထုတ်ထားသည်။

အချို့သော ခရစ်ယာန် ဘာသာရေးခေါင်းဆောင်များက ယခုလတွင် ကြတ်မည့်လမှာ ၂၀၁၄ ခုနှစ် ဧပြီလမှစ၍ စတုတ္ထမြောက် လကြတ်ခြင်းဖြစ်ပြီး ကောင်းကင်မှ ဥက္ကာခဲကြီးမှာ ကမ္ဘာမြေကြီးကို ဖျက်ဆီးပစ်မည်ဖြစ်ကာ၊ ကမ္ဘာကြီးအဆုံးသတ်သွားမည့် ကြိုတင်နိမိတ်ဖြစ်သည်ဟု ဆိုသည်။

သို့သော်လည်း နာဆာမှ သိပ္ပံပညာရှင်များကမူ အာကာသ ကောင်းကင်ယံကို စောင့်ကြည့်မှုများ ပြုလုပ်နေပြီး ဥက္ကာခဲများနှင့်တကွ မည်သည့်အရာမှ လာမည့်ရာစုနှစ်များစွာအထိ ကမ္ဘာကြီးနှင့် တိုက်မိရန်မရှိဟု ဆိုသည်။

သွေးရောင်လွှမ်းသော လမင်းနှင့် ကမ္ဘာပျက်မည့်သီအိုရီမှာ ခရစ်ယာန် ဓမ္မဟောင်းကျမ်းမှ မြစ်ဖျားခံလာခြင်းဖြစ်ပြီး ယောလ အနာဂတ္တိကျမ်း အခန်းကြီး ၂-၃၀၊ ၃၁ တို့တွင် ယခုကဲ့သို့ ဖော်ပြထားသည်။

“မိုဃ်းကောင်ကင်၌၄င်း၊ မြေကြီးပေါ်၌၄င်း၊ အံ့ဘွယ်သောအရာတည်းဟူသော သွေး၊ မီးလျှံ၊ မီးခိုးတိုင်တို့ကို ငါပြမည်။ ထာဝရဘုရား၏ ကြောက်မက်ဘွယ်သော နေ့ကြီးမတိုင်မှီ၊ နေသည် မှောင်မိုက်အတိဖြစ်လိမ့်မည်။ လသည်လည်း သွေးဖြစ်လိမ့်မည်”

ထို့ပြင် ဓမ္မသစ်ကျမ်း၏ တမန်တော်ဝတ္ထု  အခန်းကြီး ၂-၂၀ တွင် “ထာဝရဘုရား၏ ထူးမြတ်သော နေ့ကြီးမတိုင်မှီ၊ နေသည် မှောင်မိုက်အတိဖြစ်လိမ့်မည်။ လသည်လည်း သွေးဖြစ်လိမ့်မည်။” ဟု ဖော်ပြထားပြီး၊ ဗျာဒိမ်ကျမ်း အခန်းကြီး ၆-၁၂ တွင်လည်း “ဆဌမတံဆိပ်ကိုဖွင့်သောအခါ ငါကြည့်လျှင်၊ ကြီးစွာသော မြေလှုပ်ခြင်းဖြစ်၏။ နေသည် အမွေးဖြင့်ရက်သော အဝတ်ကြမ်းကဲ့သို့ မည်း၏။ လအလုံးသည် အသွေးကဲ့သို့ဖြစ်၏” ဟု ဖော်ပြထားသည်။

လကြတ်မှု ၄ ခါဖြစ်ပြီး ၎င်းတို့ကြားတွင် လပြည့်နေ့ ၆ ခု ရှိခဲ့ပါက ကမ္ဘာမြေကြီးအား ဥက္ကာခဲကြီးက ၀င်ရောက်တိုက်မိလိမ့်မည်ဟု အမေရိကန် သင်းအုပ်ဆရာများဖြစ်သော မာ့က်ဘလစ်ဇ်နှင့် ဂျွန် ဟေ့ဂီးတို့က အခိုင်အမာ ပြောကြားထားမှုမှာ လူကြိုက်များသည်။ ထို့ပြင် ဂျူးလူမျိုးသမိုင်းတွင် ယခင်က လကြတ်မှု ၄ ခု ဖြစ်ခဲ့ရာတွင်လည်း ဆိုးရွားသည့် အဖြစ်အပျက်များ ဖြစ်ခဲ့သည့် မှတ်တမ်းများရှိသည်ဟု ၎င်းတို့က ဆိုသည်။

သင်းအုပ်ဆရာ ဟာဂီ၏ Four Blood Moons စာအုပ်မှာ ပြီးခဲ့သည့်နှစ် မတ်လက အမေရိကန်တွင် န၀မမြောက် ရောင်းအားအကောင်းဆုံးစာအုပ် ဖြစ်ခဲ့သည်။

ကျမ်းစာ၏ သွန်သင်မှုနောက်ကို လိုက်သော ယနေ့ခေတ် သမ္မာကျမ်း ပညာရှင်များကမူ စက်တင်ဘာ ၂၂ ရက်နေ့နှင့် ၂၈ ရက်နေ့ ကြားကာလတွင် ကမ္ဘာကြီး ပျက်သုဉ်းသွားလိမ့်မည်ဟု စိုးရိမ်နေကြသည်။

ကမ္ဘာပျက်မည်ဆိုသော ရင်းမြစ်များမှာ ခိုင်မာမှုအားနည်းသော်လည်း အဆိုပါ ကောလဟာလက ဆိုရှယ်မီဒီယာများတွင် အလျင်အမြန် ပြန့်နှံနေသောကြောင့် နာဆာမှ ကြေငြာချက်တစ်စောင်ကို ထုတ်ပြန်ခဲ့သည်။

“ဥက္ကာပျံတွေ၊ ကြယ်တံခွန်တွေဟာ ကမ္ဘာကြီးနဲ့ အခုအချိန်မှာ တိုက်မိဖို့မရှိဘူးလို့ နာဆာက သိရှိထားပါတယ်။ ဒါ့ကြောင့် ကြီးကြီးကျယ်ကျယ် တိုက်ခိုက်မှုဖြစ်ပွားနိုင်တဲ့ ဖြစ်နိုင်ချေက အရမ်းကို နည်းပါတယ်။ တကယ်တော့ ကျွန်တော်တို့ အကောင်းဆုံး ပြောနိုင်တာကတော့ နောက်ထပ် နှစ်ပေါင်းရာချီတဲ့အချိန်မှသာ ကြီးမားတဲ့ အရာဝတ္ထုတွေက ကမ္ဘာမြေကြီးကို တိုက်ကောင်း တိုက်နိုင်မှာပါ” ဟု နာဆာ၏ အဆိုပါကြေညာချက်တွင် ဖော်ပြထားသည်။

Ref: Independent