အာဖဂန်ရှိ အကျဉ်းထောင်ကို တာလီဘန်များက ၀င်ရောက်စီးနင်း

စက်တင်ဘာ ၁၄၊ ၂၀၁၅
M-Media

– အာဖန်နစ္စတန်နိုင်ငံ အလယ်ပိုင်း ဂါဇ်နီမြို့ရှိ အကျဉ်းထောင်တစ်ခုကို တာလီဘန်များက ၀င်ရောက် စီးနင်းတိုက်ခိုက်ခဲ့သောကြောင့် အကျဉ်းထောင်တာဝန်ရှိသူ ၃ ဦး သေဆုံးခဲ့ပြီး အကျဉ်းသား အမြောက်အများ လွတ်မြောက်ခဲ့သည်ဟု တာဝန်ရှိသူများက ပြောကြားခဲ့သည်။

ဒေသစံတော်ချိန် ယနေ့ နံနက်စောစော ၂ နာရီခွဲခန့်တွင် ဖြစ်ပွားခဲ့ခြင်းဖြစ်ပြီး တာလီဘန်များမှာ စစ်ဝတ်စုံများ ၀တ်ထားကာ အကျဉ်းထောင်၏ ဂိတ်ဝ၌ ကားဗုံးခွဲ၍ ၀င်ရောက် တိုက်ခိုက်ခဲ့ခြင်းဖြစ်သည်ဟု ပြယ်နယ် အုပ်ချုပ်ရေးမှူး မိုဟာမက်အလီ အဟ်မာဒီက ပြောကြားခဲ့သည်။ အဆိုပါတိုက်ခိုက်မှုအတွင်း အာရ်ပီဂျီ လောင်ချာများဖြင့်လည်း ပစ်ခတ်ခဲ့သည်။

အာဖဂန် ပြည်ထဲရေးဝန်ကြီးဌာနကမူ ထိုအကျဉ်းထောင်ရှိ အကျဉ်းသား ၄၃၆ ဦးအနက် ၃၅၅ ဦး လွတ်မြောက်သွားခဲ့ပြီး အများစုမှာ အမျိုးသားလုံခြုံရေး ရာဇ၀တ်မှုနှင့် အခြားသော ရာဇ၀တ်မှုများဖြင့် ထောင်ကျနေသူများဖြစ်သည်ဟု ပြောကြားခဲ့သည်။

တာလီဘန်အဖွဲ့၏ ပြောရေးဆိုခွင့်ရှိသူ ဇဘီဟွလ္လာဟ် မူဂျာဟစ်ဒ်ကမူ ထိုတိုက်ခိုက်မှုကို မိမိတို့က ဆောင်ရွက်ခြင်းဖြစ်သည်ဟုဆိုကာ လွတ်မြောက်သွားသည့် အကျဉ်းသားများကို ၎င်းတို့က ခေါ်ဆောင်သွားသည်ဟု ပြောကြားခဲ့သည်။

၂၀၁၁ ခုနှစ်ကလည်း ကန်ဒါဟာပြည်နယ်ရှိ အကျဉ်းထောင် ဖောက်ပြေးမှုတွင် တာလီဘန် တိုက်ခိုက်ရေးသမား ၅၀၀ နီးပါး လွတ်မြောက်သွားခဲ့ပြီး အစိုးရတာဝန်ရှိသူများက ထိုအဖြစ်အပျက်ကို လုံခြုံရေး ဘေးအန္တရာယ်ကျရောက်ခြင်းဟု ခေါ်ဆိုခဲ့သည်။

ခေါင်းဆောင် မွလ္လာဟ်အိုမာ သေဆုံးသွားပြီးနောက် ခေါင်းဆောင်သစ်တင်မြှောက်မှုတွင် တာလီဘန်အဖွဲ့အကြား အငြင်းပွားမှုများ ဖြစ်ပေါ်နေသော်လည်း ယခုနောက်ပိုင်းတွင် ၎င်းတို့မှာ တိုက်ခိုက်မှုများကို ပိုမိုတိုးမြှင့် လုပ်ဆောင်လာခဲ့သည်။

Ref: Aljazeera