လေထုညစ်ညမ်းမှုကြောင့် သေဆုံးသူမှာ ကမ္ဘာတစ်ဝှမ်း ၃ သန်းကျော်ရှိ

စက်တင်ဘာ ၁၈၊ ၂၀၁၅
M-Media

– လေထုညစ်ညမ်းမှုကြောင့် ကမ္ဘာတစ်ဝှမ်း၌ တစ်နှစ်လျှင် လူပေါင်း ၃ သန်းကျော် သေဆုံးနေပြီး အိုဇုန်းနှင့် အမှုန်အမွှားများကဲ့သို့ လေထုညစ်ညမ်းစေသည့် အရာများကို လျော့ချရေး မဆောင်ရွက်ပါက ၂၀၅၀ ခုနှစ်တွင် သေဆုံးသူ အရေအတွက်မှာ ၂ ဆ တိုးလာမည်ဟု သိပ္ပံပညာရှင်များက ပြောကြားလိုက်သည်။

လေ့လာမှုမှ တွေ့ရှိချက်များကို ဗုဒ္ဓဟူးနေ့က ထုတ်ဝေခဲ့သည့် Nature ဂျာနယ်တွင် ဖော်ပြထားပြီး အာရှနိုင်ငံများတွင် လေထုညစ်ညမ်းရသည့် အကြီးမားဆုံး အကြောင်းအရင်းမှာ နေအိမ်များအား အပူပေးရန်နှင့် ဟင်းချက်ရန်အတွက် အသုံးပြုသည့် မီးသွေးများ လောင်ကျွမ်းခြင်းကြောင့် ဖြစ်သည်ဟု ဖော်ပြထားသည်။ အမေရိကန်နှင့် ဥရောပတွင်မူ လယ်ယာလုပ်ငန်းများမှ
ညစ်ညမ်းသော အမှုန်များ ထုတ်လုပ်ခြင်းမှာ အဓိက အကြောင်းအရင်းဖြစ်သည်။

“ဒီအရေအတွက်က အံ့သြတုန်လှုပ်စရာပါပဲ။ တစ်ချို့နိုင်ငံတွေမှာ လေထုညစ်ညမ်းမှုဟာ သေဆုံးမှုရဲ့ ထိပ်တန်း အကြောင်းအရင်း ဖြစ်နေပါတယ်။ နိုင်ငံတော်တော်များများမှာတော့ ဒါက အဓိက ပြဿနာပါပဲ” ဟု ဂျာမနီ Max Planck ဓာတုဗေဒတက္ကသိုလ်မှ လေ့လာမှုကို ဦးဆောင်ခဲ့သူ ဂျို့စ် လီလီဗဲလ်ဒ်က ပြောကြားခဲ့သည်။

သေဆုံးသူများမှ ၇၅ ရာခိုင်နှုန်းမှာ လေထဲတွင် မျောလွင့်နေသော အမှုန်များကို ရေရှည် ရှူသွင်းမှုကြောင့် နှလုံးရောဂါနှင့် လေဖြတ်ရောဂါများဖြစ်ပွားကာ သေဆုံးကြခြင်းဖြစ်ပြီး၊ ကျန်သူများမှာ အဆုတ်ကင်ဆာနှင့် အသက်ရှူလမ်းကြောင်းဆိုင်ရာ ရောဂါများဖြင့် သေဆုံးကြခြင်းဖြစ်သည်။

လေ့လာမှုအရ နိုင်ငံတကာအသိုင်းအ၀ိုင်းမှာ လေထုညစ်ညမ်းမှုအတွက် တင်းကြပ်သည့် စည်းမျဉ်းစည်းကမ်းများ ပြဌာန်းခြင်းမရှိလျှင် အဆိုပါ သေဆုံးမှုမှာ လာမည့် ၃၅ နှစ်အတွင် ၆.၆ သန်းအထိ ရောက်ရှိသွားမည်ဟု သိရသည်။

“လေထုညစ်ညမ်းမှုကြောင့် သေဆုံးမှု မြင့်တက်လာတာကို ရှောင်ရှားဖို့ဆိုရင် ထိန်းချုပ်မှုလုပ်ငန်းစဉ်တွေကို နှံ့နှံ့စပ်စပ်လုပ်ဖို့ လိုပါလိမ့်မယ်။ အထူးသဖြင့် တောင်အာရှနဲ့ အရှေ့အာရှတွေမှာပေါ့” ဟု လီလီဗဲလ်ဒ်က ပြောကြားခဲ့သည်။

အဆိုပါသုတေသနကို လေထုအရည်အသွေး တိုင်းတာခြင်း၊ လူဦးရေနှင့် ကျန်းမာရေး ကိန်းဂဏန်း အချက်အလက်များ ကောက်ယူခြင်းတို့ဖြင့် ပေါင်းစပ် ပြုလုပ်ခဲ့ခြင်းဖြစ်သည်။

Ref: PressTV