ရူနီ ဂိုးမိုးခေါင်မှုအတွက် ဗန်ဂါးလ် မစိုးရိမ်

စက်တင်ဘာ ၁၉၊ ၂၀၁၅
M-Media

– တိုက်စစ်မှူး ၀ိန်းရူနီ၏ ပရီးမီးယားလိဂ် ဂိုးမိုးခေါင်မှုအတွက် မိမိအနေဖြင့် စိုးရိမ်မှုမရှိဘဲ၊ ကစားသမားဘ၀မှ အနားမယူခင် မန်ယူ၏ ဂိုးသွင်းစံချိန်ကို ချိုးစေချင်သည်ဟု နည်းပြဗန်ဂါးလ်က ပြောကြားလိုက်သည်။

အင်္ဂလန်အသင်းအတွက် ဂိုးအများဆုံးသွင်းသူ ဖြစ်လာသည့် ရူနီမှာ မန်ယူ၏ နောက်ဆုံး ပရီးမီးယားလိဂ် ၁၀ ပွဲတွင် ဂိုးသွင်းယူနိုင်ခြင်း မရှိသေးပေ။ သို့သော်လည်း ချန်ပီယံလိဂ် ခြေစစ်ပွဲဖြစ်သည့် ဘယ်လ်ဂျီယံကလပ် ဘရုဂျက်အား ၄ ဂိုးပြတ်ဖြင့် အနိုင်ရရှိခဲ့သည့်ပွဲတွင် ရူနီမှာ ဟက်ထရစ် သွင်းယူနိုင်ခဲ့သည်။

ထို့ပြင် အသင်း၏ ဂန္တ၀င်ကစားသမား ဆာ ဘော်ဘီချာလ်တန် တင်ထားသော ၂၄၉ ဂိုးစံချိန်ကိုလည်း မှီရန် နီးစပ်နေပြီး ဗန်ဂါးလ်ကမူ ရူနီ၏ သမိုင်းက စကားပြောသွားလိမ့်မည်ဟု ဆိုသည်။

“ပရီးမီးယားလိဂ်ဖြစ်ဖြစ်၊ ချန်ပီယံလိဂ်ဖြစ်ဖြစ် ဂရုမစိုက်ပါဘူး။ ဘယ်သူ ဂိုးသွင်းသွင်း ကိစ္စမရှိပါဘူး။ ဒါပေမယ့် ကျွန်တော်တို့ ဂိုးများများ သွင်းရပါမယ်” ဟု ဗန်ဂါးလ်က ပြောကြားခဲ့သည်။

ရူနီနှင့်ပတ်သက်၍လည်း “ရူနီမှာ ဂျူအန်မာတာ၊ မမ်ဖစ်ဒီပိုင်း၊ အန်သိုနီမာရှယ်နဲ့ မာရိုနီ ဖယ်လိုင်နီတို့လို ဂိုးသွင်းစတိုင်မျိုးစုံ ရှိပါတယ်။ သူသွင်းတဲ့ဂိုးတွေအားလုံးကို ခင်ဗျား ရေကြည့်လို့ရပါတယ်။ ကျွန်တော်သိသလောက်တော့ ရူနီဟာ ဂိုးတွေအများကြီး သွင်းခဲ့ဖူးပြီး ကလပ်က ဂိုးအများဆုံးစံချိန်နား ကပ်နေပါပြီ။ သူ အဲဒီစံချိန်ကို ချိုးလိမ့်မယ်လို့ ကျွန်တော် မျှော်လင့်ပါတယ်” ဟု ထည့်သွင်းပြောကြားခဲ့သည်။

မန်ယူမှာ တနင်္ဂနွေနေ့တွင် ဆောက်သက်တမ်အသင်းနှင့် အဝေးကွင်းတွင် သွားရောက်ကစားရမည်ဖြစ်ပြီး ဒဏ်ရာအသေးစားမှ ပြန်လည်သက်သာလာသည့် ရူနီမှာ ပါဝင်လာမည်ဖြစ်သည်။ သို့သော်လည်း အားထားရသည့် လူငယ်နောက်ခံလူ လုခ်ရှောမှာ ချန်ပီယံလိဂ် ပီအက်စ်ဗီနှင့်ပွဲတွင် ခြေထောက်အရိုး နှစ်ချောင်းစလုံး ကျိုးသွားသောကြောင့် အနည်းဆုံး ၆ လ ခန့် အနားယူရမည်ဖြစ်သည်။

Ref: Goal