မြန်မာ မွတ်စလင်မ်များနှင့် ၂၀၁၅ ဟဂ်ျကျင့်စဉ် ခရီးမှတ်တမ်း(၁)

စက်တင်ဘာ ၂၂ ၊ ၂၀၁၅
M-Media
အဘာဘီးလ် ပေးပို့သည်။
.
စက်တင်ဘာလ ၂၂ ရက် တွင် ဟဂ်ျကျင့်စဉ် ပထမရက်အဖြစ် ဟာဂျီလောင်းများ မီနာစခန်းတွင် စခန်းချ တည်းခိုနေကြပြီ ဖြစ်ပါတယ်။
.
မီနာတွင် စခန်းချစဉ်တွင် အာရေဗျသဲကန္တာရ ရဲ့ ပူပြင်းသော အပူရှိန်ကို အံတုရင်း အချိန်နှင့် စုပေါင်းဝတ်ပြုခြင်း ကိုယ်စီ ကုရ်အာန်ကျမ်း ရွတ်ဖတ်သရဇ္ဇယ်ခြင်း ကိုးကွယ်ရာအရှင်ကို တမ်းတသတိရခြင်း ဆုမွန်တောင်းခံခြင်းနှင့် တမန်တော်မြတ် မုဟမ္မဒ်သခင်ကို မေတ္တာပို့ခြင်းတို့ကို ကျင့်ကြံလျက်ရှိကြပါတယ်။
.
ကမ္ဘာနေရာ အနှံ့မှ မွတ်စလင်မ်များ ဟဂ်ျကျင့်စဉ် အတွက် လာရောက်ကြရာ မြန်မာပြည်မှ မြန်မာ မွတ်စလင်မ်များလည်း ထောင်ချီပါဝင်ကြပါတယ်။
.
မင်းတုန်းမင်းကြီး မက္ကာမြို့တွင် ဆောက်လုပ် လှူဒါန်းခဲ့သော ဒေါင်းဇရပ် ကောင်းမှုတော်ကို အကြောင်းခံ၍ ဆော်ဒီအစိုးရ ကူညီမှုဖြင့် ရသော မြန်မာအစိုးရ ကိုယ်တာ ဟာဂျီလောင်း ၂၈၀ တို့ဟာ စခန်းအမှတ် (၁၀) တွင် တည်းခိုလျက် ဟဂ်ျ ကျင့်စဉ်ကို ကျင့်ကြံရင်း မြန်မာပြည်ကြီး ငြိမ်းချမ်းရေး တိုးတက်ရေးတို့ အတွက်ပါ ဆုမွန်တောင်းပေးလျက်ရှိကြပါတယ်။