လက်ယာအုပ်စု၏ အစွန်းရောက်မှုများကို ဂျာမနီထောက်လှမ်းရေးအကြီးအကဲ သတိပေး

စက်တင်ဘာ ၂၈၊ ၂၀၁၅
M-Media

– ပြောင်းရွှေ့အခြေချသူများ စံချိန်တင်ရောက်ရှိလာသည့်အချိန်တွင် နိုင်ငံတစ်ဝှမ်း နိုင်ငံခြားသားဆန့်ကျင်သည့် ချီတက်ဆန္ဒပြမှုများနှင့် တိုက်ခိုက်မှုများ ဖြစ်ပွားခဲ့ပြီးနောက် လက်ယာစွန်းရောက်အုပ်စုများ၏ အစွန်းရောက်မှုနှင့်ပတ်သက်၍ ဂျာမနီ ပြည်တွင်း
ထောက်လှမ်းရေးအကြီးအကဲက သတိပေး ပြောကြားလိုက်သည်။

ဂျာမနီမှာ ယခုနှစ်တွင် ဒုက္ခသည် ၁ သန်းအထိ လက်ခံမည်ဖြစ်ပြီး၊ နိုင်ငံအတွင်းရှိ လက်ယာစွန်းရောက် အုပ်စုများကလည်း ပြောင်းရွှေ့ခြေချသူ ဆန့်ကျင်ရေး လှုပ်ရှားမှုများကို တိုးမြှင့်ပြုလုပ်လာခဲ့ကြကာ ဒုက္ခသည်များ၊ ၎င်းတို့၏ နေထိုင်ရာ နေရာများကို တိုက်ခိုက်မှုများပင် ရှိလာခဲ့သည်။

ပြီးခဲ့သည့် စနေ၊ တနင်္ဂနွေကလည်း ဂျာမနီရှိ မြို့အများအပြားတွင် အဆိုပါလက်ယာစွန်းရောက်များမှာ ဆန္ဒပြမှုများ ပြုလုပ်ခဲ့ကြပြီး ရဲတပ်ဖွဲ့ဝင်များနှင့် ရုန်းရင်းဆန်ခတ်မှုများ ဖြစ်ပွားခဲ့သည်။

“ဒုက္ခသည်ပြဿနာနဲ့ ဆက်စပ်ပြီး ကျွန်တော်တို့ တွေ့နေရတာက လက်ယာအစွန်းရောက်တွေနဲ့ သူတို့ကို ဆန့်ကျင်ကြတဲ့ လက်ဝဲအစွန်းရောက်တွေ လမ်းပေါ်ထွက် ဆန္ဒပြတာပါပဲ” ဟု ပြည်တွင်းထောက်လှမ်းရေး အကြီးအကဲ မက်ဆန်က Deutschlandfunk ရေဒီယိုသို့ ယမန်နေ့တွင် ပြောကြားခဲ့သည်။

နိုင်ငံအရှေ့ပိုင်း ဆာဇိုနီပြည်နယ်ရှိ နိုင်နီရူမြို့တွင် စနေနေ့က ရဲတပ်ဖွဲ့နှင့် စစ်သားများမှာ ဒုက္ခသည် ၁၀၀ ခန့်ကို စောင့်ရှောက်ကာ လက်ခံရေးစင်တာသို့ ခေါ်လာခဲ့ပြီး၊ ထိုလက်ခံရေးစင်တာတွင် လက်ယာစွန်းရောက် ဆန္ဒပြသူများမှာ သောကြာနေ့ကတည်းက ဆန္ဒပြခဲ့ကာ ဒုက္ခသည်များ၏ ဘတ်စ်ကားများကိုလည်း တိုက်ခိုက်ခဲ့ကြသည်။

အခြားပြည်နယ်တစ်ခုဖြစ်သည့် Mecklenburg-Western Pomerania မှ မြို့အများအပြားတွင် ဆန္ဒပြသူ ၁၀၀၀ ကျော်မှာ သောကြာနေ့က ဆန္ဒပြခဲ့ကြပြီး၊ ကမ်းရိုးတန်းမြို့ဖြစ်သည့် စထရာလ်ဆန်းတွင်မူ ၎င်းတို့အား ဆန့်ကျင်သူများနှင့် ရုန်းရင်းဆန်ခတ်မှုများ ဖြစ်ပွားခဲ့ကာ ၃ ဦး ဒဏ်ရာရခဲ့သည်။

Ref: Aljazeera