နိုဝင်ဘာရွေးကောက်ပွဲနိုင်လျှင် ကြံ့ခိုင်ရေးပါတီက ဖွဲ့စည်းပုံအခြေခံဥပဒေကို ပြင်ဆင်ပေးမည်

စက်တင်ဘာ ၂၉၊ ၂၀၁၅
M-Media

– မြန်မာနိုင်ငံ၏ အာဏာရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက ၎င်းတို့အနေဖြင့် လာမည့် ရွေးကောက်ပွဲတွင် အနိုင်ရပါလျှ စစ်အာဏာရှင်များက ရေးဆွဲထားသော ၂၀၀၈ ဖွဲ့စည်းပုံ အခြေခံဥပဒေအား ပြင်ဆင်ပေးသွားမည်ဟု ယမန်နေ့တွင် ကတိပြုပြောကြားလိုက်သည်။

အဆိုပါ အခြေခံဥပေဒမှ ဒီမိုကရေစီနည်းမကျဟု ကျယ်ကျယ်ပြန့်ပြန့် ရှုမြင်နေကြသော အငြင်းပွားဖွယ် အချက်များကို ပြုပြင်ခြင်းမှာ မြန်မာနိုင်ငံ၏ နိုင်ငံရေးတည်ငြိမ်မှုအတွက် အဓိက သော့ချက်တစ်ခု ဖြစ်နေပြီး နိုဝင်ဘာရွေးကောက်ပွဲတွင် မိမိတို့အနိုင်ရပါက လာမည့်အစိုးရသက်တမ်းအတွင်း အားလုံးပူးပေါင်းပါဝင်သော ပုံစံဖြင့် ဖွဲ့စည်းပုံကို ပြင်ဆင်သွားမည်ဟု ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ အထွေထွေ အတွင်းရေးမှူး ဦးတင်နိုင်သိန်းက ဆိုသည်။

“ဖက်ဒရယ်ပြည်ထောင်စု တည်ဆောက်ဖို့နဲ့ ရင့်ကျက်တဲ့ ဒီမိုကရေစီနိုင်ငံဖြစ်ဖို့ ကျွန်တော်တို့ဟာ ဖွဲ့စည်းပုံကို ပြင်ဖို့ လိုအပ်ပါတယ်။ လာမယ့် ၅ နှစ်အတွင်းမှာ တိုင်းရင်းသားတွေ၊ အစိုးရအဖွဲ့ဝင်တွေ၊ ပြည်သူတွေနဲ့အတူ အခြေခံဥပဒေ ပြင်ဆင်ဖို့ ကျွန်တော်တို့ ဆွေးနွေးသွားမှာပါ” ဟု နေပြည်တော်တွင် ပြုလုပ်ခဲ့သည့် ပါတီအဖွဲ့ဝင်များ တွေ့ဆုံပွဲတွင် ဦးတင်းနိုင်သိန်းက ပြောကြားခဲ့သည်။

သို့သော်လည်း ၎င်း၏ပါတီက မည်သည့်အပိုဒ်များကို ပြင်ဆင်ရန် ရည်ရွယ်ထားသည်နှင့် ပတ်သက်၍ အသေးစိတ် ပြောကြားခဲ့ခြင်း မရှိချေ။ သို့သော်လည်း ဖွဲ့စည်းပုံအခြေခံဥပေဒ ပြင်ဆင်ပြောင်းလဲခြင်းမှာ နိုင်ငံအတွင်း ဒီမိုကရေစီ ပြုပြင်ပြောင်းလဲမှု ဖြစ်စေရန် မိမိတို့၏ အာဏာရပါတီက ဆောင်ရွက်နေသည့် ကြိုးပမ်းမှုများ၏ အစိတ်အပိုင်းဖြစ်သည်ဟုလည်း ၎င်းက ထပ်လောင်းပြောကြားခဲ့သည်

Ref: RFA