အင်္ဂလန်နှစ်သင်း ရှုံးပွဲတွေ့ခဲ့ပြီး အသင်းငယ်တွေ ခြေစွာခဲ့တဲ့ ချန်ပီယံလိဂ် အုပ်စု ဒုတိယပွဲ

စက်တင်ဘာ ၃၀၊ ၂၀၁၅
M-Media

– ချန်ပီယံလိဂ် အုပ်စုလေးခုရဲ့ ဒုတိယပွဲစဉ်တွေကို ဒီနေ့မနက်မှာ ကစားခဲ့ပြီး အသင်းငယ်တွေ ခြေစွမ်းပြခဲ့ကာ အာဆင်နယ်၊ ချယ်ဆီးနဲ့ ရိုးမားတို့ အံ့ဖွယ် ရှုံးနိမ့်ခဲ့ရပါတယ်။

အုပ်စု E

ဘာစီလိုနာ ၂-၁ လေဗာကူဆင်
BATE ၃-၂ ရိုးမား

အဖွင့်ပွဲမှာ ရိုးမားနဲ့သကျေခဲ့တဲ့ ဘာစီလိုနာ အိမ်ကွင်းမှာ လေဗာကူဆင်ကို နောက်ဆုံး ၁၀ မိနစ်အတွင်း ရတဲ့ ဂိုး ၂ ဂိုးနဲ့ အနိုင်ရခဲ့တာဖြစ်ပါတယ်။ ဘာစီလိုနာကို ရှိန်မနေတဲ့ လေဗာကူဆင်ဟာ ပထမပိုင်းမှာ ကရီယာကို့စ် ပါပါဒိုပူးလို့စ်ရဲ့ သွင်းဂိုးနဲ့ ဦးဆောင်ခဲ့တာဖြစ်ပြီး အိမ်ရှင်အတွက် ဂိုးတွေကိုတော့ မိနစ် ၈၀ မှာ ဆာဂျီယို ရော်ဘက်တိုနဲ့ ၈၂ မိနစ်မှာ ဆွာရက်ဇ်တို့က သွင်းပေးခဲ့တာပါ။

ရိုးမားက အဝေးကွင်းမှာ ကောင်းရှုံးဖြစ်ခဲ့ပါတယ်။ ပထမပိုင်း မိနစ် ၃၀ အတွင်းမှာ BATE ကို ၃ ဂိုးပေးလိုက်ရတာက ရောမသားတို့အတွက် အထိနာခဲ့တာပါ။ ဒုတိယပိုင်းမှာတော့ တစ်ပိုင်းလုံးနီးပါး ရိုးမားတို့ ဖိကစားခဲ့ပြီး ဂိုးတွေ တစ်ဒိုင်းဒိုင်းသွင်းခဲ့ပေမယ့် ၂ ဂိုးသာရခဲ့တာကြောင့် ၂ ပွဲကစား ၁ မှတ်နဲ့ အုပ်စုအောက်ဆုံးကို ရောက်ခဲ့ရပါတယ်။

အုပ်စု F

ဘိုင်ယန်မြူးနစ် ၅-၀ ဒိုင်နမိုဇာရက်ဘ်
အာဆင်နယ် ၂-၃ အိုလံပီယာကော့စ်

အဖွင့်ပွဲမှာ အာဆင်နယ်ကို အနိုင်ကစားခဲ့တဲ့ ဒိုင်နမိုဇာဂရဘ်ကို ဘိုင်ယန်က အိမ်ကွင်းမှာ သာသာယာယာပဲ ၅ ဂိုးပြတ်နဲ့ နှိပ်ကွပ်ပြခဲ့ပါတယ်။ ပထမပိုင်းမှာတင် လေးဂိုးရခဲ့ပြီး၊ ဒီပွဲမှာ ဟက်ထရစ်သွင်းခဲ့တဲ့ လီဝမ်ဒေ့ါစကီးကတော့ ဘိုင်ယန်အတွက် နောက်ဆုံး ၃ ပွဲမှာ ၁၀ ဂိုးအထိ သွင်းယူပေးထားခဲ့ပါတယ်။

အာဆင်နယ်ကလည်း အိမ်ကွင်းမှာ ချန်ပီယံလိဂ် ရာနှုန်းပြည့်ရှုံးပွဲနဲ့ ရင်ဆိုင်ခဲ့ရပါတယ်။ ဘောလုံးပိုင်ဆိုင်မှုအသာ ဂိုးသွင်းခွင့်အသာရခဲ့ပေမယ့် ဒီအရှုံးကတော့ အာဆယ်နယ်အတွက် စိတ်ပျက်စရာဖြစ်ခဲ့ပြီး နောက်တစ်ဆင့်တက်ရေးအတွက် စိုးရိမ်စရာတွေ ဖြစ်လာပါပြီ။ အိုလံပီယာကော့စ်က အင်္ဂလန်မြေမှာ ပထဆုံး အနိုင်ရပါပဲ။

အုပ်စု G

တဲလ်အဗီး ၀-၂ ဒိုနမိုကိဗ်
ပေါ်တို ၂-၁ ချယ်ဆီး

အုပ်စုအတွင်းမှာ အင်အားအနည်းဆုံးဖြစ်တဲ့ တဲလ်အဗီးကို အဝေးကွင်းမှာ ရင်ဆိုင်ခဲ့ရတဲ့ ဒိုင်နမိုကိဗ် သိပ်ပြီး ပြဿနာမရှိခဲ့ပါဘူး။ ပထမပိုင်းနဲ့ ဒုတိယပိုင်းအစတွေမှာ ဂိုးတွေသွင်းယူနိုင်ခဲ့ပြီး အုပ်စုကို ဦးဆောင်နေပါတယ်။

အသင်းဟောင်းပေါ်တိုကို ပြန်လည်ရင်ဆိုင်ရတဲ့ပွဲမှာ မော်ရင်ဟို မျက်နှာပန်း မလှခဲ့ပါဘူး။ အိမ်ကွင်းမှာ ပေါ်တိုက ပိုကောင်းခဲ့ပြီး အနိုင်နဲ့လည်း ထိုက်တန်ခဲ့ပါတယ်။ ပေါ်တိုရဲ့ ရီးယဲလ်ဂိုးသမားဟောင်း ကာစီးလက်စ်ကတော့ ချန်ပီယံလိဂ် ၁၅၂ ပွဲနဲ့ ပွဲအများဆုံးကစားနိုင်တဲ့ စံချိန်ကို တင်နိုင်ခဲ့ပါတယ်။

အုပ်စု H

လိုင်ယွန် ၀-၁ ဗလင်စီယာ
ဇင်းနစ် ၂-၁ ဂျန့်

အဖွင့်ပွဲမှာ ဇင်းနစ်ကိုရှုံးခဲ့တဲ့ ဗလင်စီယာဟာ လိုင်ယွန်နဲ့ ဒီပွဲမှာတော့ အမှားမခံတော့ပါဘူး။ ၄၂ မိနစ်မှာ ဖဂ်ဟူလီက အနိုင်ဂိုးသွင်းပေးခဲ့ပေမယ့် အဲဒီမတိုင်ခင် အပိုင်ဂိုးသွင့်ခွင့် ၂ ကြိမ်လောက် ရခဲ့ပါသေးတယ်။ အိမ်ရှင်တို့ကလည်း ဂိုးသွင်းခွင့် ၃ ခါလောက်ရခဲ့ပေမယ့် အသုံးမချနိုင်ခဲ့ပါဘူး။

ဇင်းနစ်ကလည်း အိမ်ကွင်းမှာ ရာသီသစ် ၁၂ ပွဲဆက်တိုက် ရှုံးပွဲမရှိသေးတဲ့ ရုရှားကလပ် ဂျန့်အသင်းကို အသာသိပ်မရခဲ့ပေမယ့် တိုက်စစ်မှူးတွေ ဂိုးသွင်းတတ်တာကြောင့် ၂ ဂိုး ၁ ဂိုးနဲ့ အနိုင်ရပြီး ရာနှုန်းပြည့်နိုင်ပွဲနဲ့ အုပ်စုကို ဦးဆောင်နေပါတယ်။