နိုင်ငံခြားရင်းနှီးမြှုပ်နှံသူများကို ပေးထားသည့် စီးပွားရေးမက်လုံးအချို့ကို မြန်မာ လျော့ချမည်

အောက်တိုဘာ ၃၊ ၂၀၁၅
M-Media

– နိုင်ငံအတွင်း ပိုမိုတာဝန်ယူနိုင်သော နိုင်ငံခြားရင်းနှီးမြှုပ်နှံသူများ ၀င်ရောက်လာနိုင်ရေးအတွက် အတိုင်းထက်လွန်နေသော စီးပွားရေးမက်လုံများကို မြန်မာအစိုးရက လျော့ချရန် အစီအစဉ် ရှိနေပြီး လာမည့်ဒီဇင်ဘာလတွင် ထိုဥပဒေကြမ်းအား အတည်ပြုနိုင်ဖွယ် ရှိနေသည်ဟု သိရသည်။

သမ္မတဦးသိန်းစိန်၏ ထိပ်တန်း စီးပွားရေးအကြံပေးဖြစ်သူ ဦးအောင်ထွန်းသက်မှာ ကြာသာပတေးနေ့က စင်ကာပူ၌ ပြုလုပ်ခဲ့သော အင်တာဗျူးတွင် ထိုကဲ့သို့ ပြောကြားခဲ့ခြင်းဖြစ်သည်။ နိုင်ငံခြားရင်းနှီးမြှုပ်နှံမှု အက်ဥပဒေဖြစ်လာမည့် မက်လုံးများ လျော့ချမှုအစီအစဉ်တွင် နိုင်ငံခြားရင်းနှီးမြှုပ်နှံသူများ တင်သွင်းသည့် ယာဉ်များအပေါ် သတ်မှတ်ထားသည့် အခွန်ကင်းလွန်ခွင့် ရုပ်သိမ်းခြင်း၊ အခွန်လွတ် ကုန်ကြမ်းပစ္စည်း ပမာဏကို အစိုးရမဟုတ်သော အဖွဲ့အစည်းတစ်ခုက စီစစ်ရန် လိုအပ်ခြင်းတို့ ပါဝင်မည်ဖြစ်သည်။

“ရင်းနှီးမြှုပ်နှံမှုတွေကို ဆွဲဆောင်ဖို့ ကျွန်တော်တို့ရဲ့ ဆန္ဒမှာ ဒီမက်လုံးအချို့ဟာ မလိုအပ်ဘူးလို့ ကျွန်တော်တို့ ပြန်တွေးမိပါတယ်။ တာဝန်မယူနိုင်တဲ့ ရင်းနှီးမြှုပ်နှံသူတွေထက် မြန်မာနိုင်ငံကို တာဝန်ခံနိုင်တဲ့ ရင်းနှီးမြှုပ်နှံသူတွေ ၀င်ရောက်လိုတဲ့ ရည်ရွယ်ချက်ကြောင့် ဒီလို အခွင့်အရေးတွေကို အမြတ်ထုတ်တာမျိုး မရှိဖို့ ကျွန်တော်တို့ အသေအချာ ဆောင်ရွက်ချင်ပါတယ်” ဟု ဦးအောင်ထွန်းသက်က
ထည့်သွင်းပြောကြားခဲ့သည်။

၂၀၁၀ ခုနှစ်ရွေးကောက်ပွဲအပြီး ဒီမိုကရက်တစ် ပြုပြင်ပြောင်းလဲရေးလုပ်ငန်းများ လုပ်ဆောင်ခဲ့ပြီးနောက်ပိုင်း မြန်မာနိုင်ငံအပေါ် ပိတ်ဆို့ထားမှုများကို အမေရိကန်အပါအ၀င် အနောက်နိုင်ငံများက ဖြေလျော့လိုက်ပြီး နိုင်ငံခြား ရင်းနှီးမြှုပ်နှံမှုများမှာလည်း တစ်ဟုန်ထိုး မြင့်တက်လာခဲ့သည်။ ၂၀၀၉ နှင့် ၂၀၁၄ ခုနှစ်အကြားတွင် မြန်မာနိုင်ငံအတွင်းသို့ တိုက်ရိုက်ဝင်ရောက်သည့် နိုင်ငံခြားရင်းနှီးမြှုပ်နှံမှုမှာ ကန်ဒေါ်လာ ၄.၁ ဘီလီယံရှိသည်ဟု ထုန်ပြတ်မှုများအရ သိရသည်။

Ref: Bangkokpost