ပြင်သစ်နှင့် ဆော်ဒီတို့ စီးပွားရေးနှင့် နိုင်ငံရေး သဘောတူညီချက်များစွာ ရရှိ

အောက်တိုဘာ ၁၄၊ ၂၀၁၅
M-Media

– ပြင်သစ်ဝန်ကြီးချုပ် မန်နျူယဲလ် ဗောလ်စ် ဆော်ဒီအာရေဗျသို့ သွားရောက်လည်ပတ်စဉ်အတွင်း ယမန်နေ့က ၂ နိုင်ငံ ကန်ဒေါ်လာ ၁၁.၄ ဘီလီယံတန်ဖိုးရှိ ကုန်သွယ်ရေးနှင့် အခြားသော သဘောတူညီချက်များစွာ ရရှိခဲ့သည်ဟု နှစ်နိုင်ငံ ပူးတွဲထုတ်ပြန်သော ကြေငြာချက်တွင် ဖော်ပြထားသည်။

ထိုကဲ့သို့ သဘောတူညီခဲ့ခြင်းမှာ နှစ်နိုင်ငံ မိတ်ဖက်ဖြစ်မှုနှင့် ယုံကြည်မှုကို တိုးမြှင့်စေရန်ဖြစ်သည်ဟု ဆိုပြီး ဆော်ဒီစစ်တပ်အတွက် ကင်းလှည့်ရေယာဉ်များ ပေးပို့ရန် ဆွေးနွေးမှုများကိုလည်း ယခုနှစ်ကုန်ပိုင်းတွင် အပြီးသတ်သွားမည်ဟု ပြောကြားခဲ့သည်။ ဆော်ဒီ ပြည်သူ့ရင်းနှီးမြှုပ်နှံမှု ရန်ပုံငွေအဖွဲ့က ပြည့်ဖြိုးမြဲစွမ်းအင် ထုတ်လုပ်မှုနှင့် အလတ်တန်းစား စီးပွားရေးလုပ်ငန်းများ လုပ်ကိုင်နိုင်ရန် ပြင်သစ် ရင်းနှီးမြှုပ်နှံသူများသို့ ကန်ဒေါ်လာ ၂ ဘီလီယံ ပေးအပ်ရန်ကိစ္စလည်း ၎င်းတို့၏ ဆွေးနွေးမှုတွင် ပါဝင်ခဲ့သည်။

နွားရူးရောဂါကြောင့် ပြင်သစ်မှ အမဲသားတင်သွင်းမှု ပိတ်ပင်ထားခြင်းကို ဆော်ဒီက ပြန်လည်ဖွင့်ပေးခဲ့ပြီး အမဲသားလုပ်ငန်း ၃၇ ခုမှ အသားများ ပြန်လည်တင်သွင်းရန် ခွင့်ပြုခဲ့သည်။ အခြားသော သဘောတူညီချက်များတွင် တယ်လီဖုန်းဆက်သွယ်ရေး၊ ထောက်လှမ်းရေးဂြိုဟ်တုများ လွှတ်တင်ခြင်း၊ မြို့ပြပို့ဆောင်ရေးနှင့် စွမ်းအင်ကဏ္ဍများလည်း ပါဝင်ခဲ့သည်။

ပြင်သစ်နှင့် ဆော်ဒီတို့၏ စီးပွားရေးနှင့် နိုင်ငံရေး ဆက်ဆံမှုများမှာ ပြင်သစ်သမ္မတ ဟော်လန်ဒေး၏ လက်ထက်တွင် ပိုမိုတိုးတက်လာခဲ့သည်။

Ref: Channelnewsasia