အသင်းကြီးအများစု အောင်ပွဲခံနိုင်ခဲ့တဲ့ ချန်ပီယံလိဂ် အုပ်စုပွဲစဉ်များ

အောက်တိုဘာ ၂၂၊ ၂၀၁၅
M-Media

ချန်ပီယံလိဂ် အုပ်စုအဆင့် တတိယ ပွဲစဉ်တွေကိုတော့ နေ့ကနဲ့ ဒီနေ့မနက်တွေမှာ ကစားခဲ့ကြပါတယ်။

အုပ်စု A

ပီအက်စ်ဂျီ ၀-၀ ရီးယဲလ်
မာလ်မို ၁-၀ ရှက်တာဒိုးနက်

ပြင်သစ်မြေမှာ ပီအက်စ်ဂျီတို့ အသာရခဲ့ပေမယ့် ဂိုးသွင်းခွင့်တော့ သိပ်မရခဲ့ဘဲ ရီးယဲလ်ရဲ့ ကန်သွင်းခွင့် ၄ ကြိမ်လောက်ကို ဂိုးသမားနဲ့ နောက်ခံလူတွေက အမှားအယွင်းမရှိ ဖြတ်ထုတ်နိုင်ခဲ့တာကြောင့် အိမ်ရှင်တို့ မရှုံးခဲ့တာ ဖြစ်ပါတယ်။

မာလ်မိုတို့ပွဲမှာတော့ အနေအထားနဲ့ ရလဒ်က ပြောင်းပြန်ဖြစ်ခဲ့ပါတယ်။ ရှက်တာဒိုနက်က တစ်ဖက်သက်နီးပါးကိုဖိကစားခဲ့ပေမယ့် ဂိုးပေါက်တည့်တာက ၁ ကြိမ်သာရှိခဲ့ပြီး မာလ်မိုကတော့ ၆ ကြိမ်အထိ ရှိခဲ့ပါတယ်။ အိမ်ရှင်အတွက် တစ်လုံးတည်းသော အနိုင်ဂိုးကိုတော့ ဆွီဒင် ဂန္တ၀င်တိုက်စစ်မှူး ရိုဆင်ဘာ့ဂ်က သွင်းပေးခဲ့တာဖြစ်ပါတယ်။ မာလ်မိုဟာ ရိုဆင်ဘာ့ဂ် ဘောလုံးသမားဘ၀ စတင်ရာ အသင်းလည်း ဖြစ်ပါတယ်။

အုပ်စု B

စီအက်စ်ကေအေ ၁-၁ မန်ယူ
ဝုလ်ဖ်ဘာ့ဂ် ၂-၀ ပီအက်စ်ဗီ

လူငယ်ကစားသမား စံချိန်တင်ပြောင်းရွှေ့ကြေးနဲ့ အသင်းကိုရောက်လာတဲ့ မာရှယ်ရဲ့ ဒုတိယပိုင်း ချေပဂိုးကြောင့် မန်ယူတို့ ၁ မှတ်ရခဲ့တာပါ။ အိမ်ရှင်တို့ ပထမပိုင်း ၁၅ မိနစ်မှာရခဲ့တဲ့ ဂိုးကလည်း မာရှယ်ကြောင့် ပေးလိုက်ရတဲ့ ပင်နယ်တီကနေ ပြန်ထွက်လာတဲ့ဘောလုံးကို ဒွမ်ဘီယာက သွင်းယူပေးခဲ့တာ ဖြစ်ပါတယ်။

ဂိုးသွင်းခွင့် ဗရပွနဲ့ ၀ုလ်ဖ်ဘာ့ဂ်က ဒုတိယပိုင်း ၄၆ မိနစ်နဲ့ ၅၇ မနစ်တွေမှာ ၂ ဂိုးရခဲ့ပြီး ၆ မှတ်နဲ့ အုပ်စုကို ဦးဆောင်နေပါတယ်။ အသင်းလိုက်စုဖွဲ့မှုကောင်းခဲ့တဲ့ ပီအက်စ်ဗီ သရေလောက်ရနိုင်မယ့် အခွင့်အရေးတစ်ချို့ ရခဲ့ပေမယ့် အသုံးမချနိုင်ခဲ့ပါဘူး။

အုပ်စု C

အက်သလက်တီကို ၄-၀ အက်စ်တာနာ
ဂါလာတာစာရေး ၂-၁ ဘင်ဖီကာ

အုပ်စုအတွင်းမှာ အားအနည်းဆုံးဖြစ်တဲ့ အက်စ်တာနာကို အက်သလက်တီကို အမှားအယွင်းမရှိ ကစားနိုင်ခဲ့ပြီး ပထမပိုင်းနဲ့ ဒုတိယပိုင်းတွေမှာ ၂ ဂိုးစီ ရခဲ့တာဖြစ်ပါတယ်။

ချန်ပီယံလိဂ် နောက်ဆုံး ၁၀ ပွဲမှာ နိုင်ပွဲမရသေးတဲ့ မှတ်တမ်းကို ဂါလာတာစာရေးတို့ ချိုးဖျက်နိုင်ခဲ့ပါတယ်။ ဒါပေမယ့် ပွဲအစ ၂ မိနစ်မှာပဲ ဦးဆောင်ဂိုးပေးလိုက်ရပြီးမှ ၁၉ မိနစ်မှာ အိုင်နန်က ပင်နယ်တီနဲ့ ၃၃ မိနစ်မှာ ပိုဒေါစကီးတို့က ချေပဂိုးနဲ့ အနိုင်ဂိုးတွေ သွင်းပေးခဲ့တာပါ။ ဘင်ဖီကာရဲ့ အဖွင့်ဂိုးဟာ ဒီရာသီ ချန်ပီယံလိဂ်မှာ အမြန်ဆုံးဂိုး ဖြစ်ခဲ့ပါတယ်။

အုပ်စု D

ဂျူဗင်တပ်စ် ၀-၀ မိုချန်ဂလာဘက်ခ်ျ
မန်စီးတီး ၂-၁ ဆီးဗီးလား

ဂျူဗင်တပ်စ်တို့ပွဲကတော့ ကွင်းလယ်မှာပဲ အချိန်ကုန်ခဲ့ပြီး ပထမပိုင်းမှာဆို ၂ သင်းစလုံး ဂိုးသွင်းခွင့်တစ်ကြိမ်တောင် မရခဲ့ကြပါဘူး။ မိုချန်ဂလာဘက်ခ်ျက ပထမဆုံး တစ်မှတ် ရရှိလိုက်တာ ဖြစ်ပါတယ်။

ချန်ပီယံလိဂ်နဲ့ ကံသိပ်မစပ်တဲ့ မန်စီးတီး ဒီပွဲမှာလည်း အသည်းအသန်ကစားခဲ့ရပြီး မိနစ် ၃၀ မှာ ဦးဆောင်ဂိုးတောင် ပေးလိုက်ရပါသေးတယ်။ ဒါပေမယ့် ၃၆ မိနစ်မှာ ၀ီလ်ဖရိုင်းဘိုနီရဲ့ ကန်သွင်းမှု ဆီးဗီးလား ကစာသမား ရာမီနဲ့ထိပြီး ဂိုးဝင်ခဲ့တာ၊ ဒုတိယပိုင်းနာကျင်အချိန်ပိုမှာ ဒီဘရူနီက တည်တည်ငြိမ်ငြိမ် အဆုံးသတ်နိုင်ခဲ့တာတွေကြောင့် ၃ ပွဲကစား ၆ မှတ် ဒုတိယနေရာနဲ့ နောက်တစ်ဆင့်တက်ရေး အလားအလာ ကောင်းလာခဲ့ပါတယ်။

အုပ်စု E

BATE ၀-၂ ဘာစီလိုနာ
လေဗာကူဆင် ၄-၄ ရိုးမား

မကြာသေးမီကမှ ဘီလာရုစ်ချန်ပီယံဖြစ်ခဲ့တဲ့ BATE ကို ဘာစီလိုနာတို့ အနိုင်ယူဖို့ အခက်အခဲမရှိခဲ့ပါဘူး။ အနိုင်ဂိုးတွေကိုတော့ အိုဗန် ရာကီတစ်က ပထမပိုင်း ၄၈ မိနစ်နဲ့ ဒုတိယပိုင်း ၆၄ မိနစ်တွေမှာ သွင်းယူပေးခဲ့တာ ဖြစ်ပါတယ်။

၁၉ မိနစ်အတွင်းမှာပဲ ၂ ဂိုးပြတ်နဲ့ ဦးဆောင်နိုင်ခဲ့တဲ့ အိမ်ရှင် လေဗာကူဆင် ၇၃ မိနစ်မှာတော့ ၄ ဂိုး ၂ ဂိုးနဲ့ အနောက်က လိုက်ကစားရတဲ့ဘ၀ ရောက်သွားခဲ့ပါတယ်။ ဒါပေမယ့် နောက်ဆုံး ၇ မိနစ်အတွင်းမှာ ၂ ဂိုးပြန်သွင်းနိုင်ခဲ့တာကြောင့် အဖိုးတန် သရေတစ်မှတ် ရခဲ့ပါတယ်။ ရိုးမားက ၃ ပွဲကစား ၂ မှတ်သာ ရရှိထားတာပြီး နောက်တစ်ဆင့်တက်ဖို့အတွက် အသည်းအသန် ရုန်းကန်ရပါတော့မယ်။

အုပ်စု F

အာဆင်နယ် ၂-၀ ဘိုင်ယန်မြူးနစ်
ဒိုင်နမိုဇာဂရဘ် ၀-၁ အိုလံပီယာကော့စ်

ပထမ ၂ ပွဲမှာ ရှုံးထားတဲ့ အာဆင်နယ် ဒီပွဲနိုင်လိုက်တာကြောင့် နောက်တစ်ဆင့်တက်ရေး မျှော်လင့်ချက် ရှင်သန်လာခဲ့ပါတယ်။ ဘိုင်ယန်က ဘောလုံးပိုင်ဆိုင်မှုသာခဲ့ပြီး နှစ်ဖက်ဂိုးသမားတွေကလည်း အပြိုင် လက်စွမ်းပြခဲ့ကြပါတယ်။ အိမ်ရှင်အတွက် အနိုင်ဂိုးတွေကိုတော့ ၇၇ မိနစ်မှ ဂျရူးနဲ့ ဒုတိယပိုင်း နာကျင်အချိန်ပိုမှာ အိုဇေးလ်တို့က သွင်းယူပေးခဲ့တာဖြစ်ပါတယ်။

ဒုတိယပွဲမှာ အာဆင်နယ်ကိုနိုင်ခဲ့တဲ့ အိုလံပီယာကော့စ် ဒီပွဲမှာလည်း အိုဒီယီရဲ့ ၇၉ မိနစ်ဂိုးနဲ့ အနိုင်ရပြီး အုပ်စုကနေကျွတ်ဖို့ မျှော်လင့်လာနိုင်ခဲ့ပါတယ်။ ကစားပုံပိုကောင်းတဲ့ အိမ်ရှင်အသင်းရဲ့ အပိုင် ဂိုးသွင်းခွင့် ၂ လုံးလောက် ဂိုးဖြစ်မလာခဲ့တာလည်း အိုလံပီယာကော့စ်အတွက် ကံကောင်းစခဲ့ပါတယ်။

အုပ်စု G

ဒိုင်နမိုကိဗ် ၀-၀ ချယ်ဆီး
ပေါ်တို ၂-၀ မက်ကာဘီ တလ်အဗီး

ပထမပိုင်းမှာ ဟဇာ့ဒ်ရဲ့ ကန်သွင်းချက် တိုင်ထိထွက်ခဲ့တာ၊ ဒုတိယပိုင်းမှာ ၀ီလီယံရဲ့ ဖရီးကစ် ဘားထိထွက်ခဲ့တာကြောင့် ချယ်ဆီးတို့ အနိုင် ၃ မှတ်ရရှိမယ့် အခွင့်အရေး ဆုံးရှုံးခဲ့တာဖြစ်ပါတယ်။

ရှုံးပွဲမရှိသေးတဲ့ ပေါ်တို တစ်ဖက်သက်ဖိကစားနိုင်ခဲ့ပြီး ဗင်းဆင့် အဘူဘာကာနဲ့ ယာစီနီ ဘရာဟီမီတို့ရဲ့ သွင်းဂိုးတွေနဲ့ ၃ မှတ်ရခဲ့ပြီး အုပ်စုကို ဦးဆောင်ထားနိုင်ခဲ့ပါတယ်

အုပ်စု F

ဇင်းနစ် ၃-၁ လိုင်ယွန်
ဗလင်စီယာ ၂-၁ ဂျန့်

ပြင်သစ်ထိပ်သီး လိုင်ယွန်ကို ၃ ဂိုး ၁ ဂိုးနဲ့ ကစားနိုင်ခဲ့တဲ့ ရုရှားကလပ် ဇင်းနစ်ဟာ ရာနှုန်းပြည့်နိုင်ပွဲနဲ့အတူ အသင်းသမိုင်းတစ်လျှောက် အကောင်းဆုံး ချန်ပီယံလိဂ် အစကောင်းမှုကို ရရှိနေပါတယ်။ ၃ မိနစ်မှာ အဖွင့်ဂိုးသွင်းပေးတဲ့ ဒက်ဇ်ယူဘာဟာ ၅ ပွဲဆက်တိုက် ဂိုးသွင်းနိုင်တာဖြစ်ပြီး ဒုတိယဂိုးကို အဝေးကန်ချက်နဲ့ လှလှပပ သွင်းယူနိုင်ခဲ့တဲ့ ဟုလ်က်ရဲ့ဂိုးကလည်း ကမ္ဘာ့ဆင့်မီဂိုးတစ်ဂိုး ဖြစ်ခဲ့ပါတယ်။

ဗင်လင်စီယာကတော့ ပထမပိုင်းမှာ အခွင့်အရေးကောင်းတွေ ရခဲ့ပေမယ့် ၁၅ မိနစ်မှာ ဆိုဖီယိန်း ဖဂ်ဟူလီရဲ့ ဂိုး ၁ ဂိုးသာရခဲ့ပြီး မိနစ် ၄၀ မှာပဲ ချေပဂိုး ပြန်ပေးလိုက်ရပါတယ်။ ၇၂ မိစန်မှာ စတီဖန် မီထရိုဗစ်ရဲ့ ကိုယ့်ဂိုးကိုယ်သွင်းမှုကြောင့် ဗလင်စီယာတို့ ၃ မှတ်ရခဲ့တာပါ။