၂၀၁၅ မှာ နှစ်ပေါင်း ၄၀၀၀ ကျော်အတွင်း အပူချိန် အမြင့်ဆုံးနှစ် ဖြစ်လာ

အောက်တိုဘာ ၂၃၊ ၂၀၁၅
M-Media

– ယခု ၂၀၁၅ ခုနှစ်မှာ ကြေးခေတ်မှစ၍ ယခုအချိန်အထိ နှစ်ပေါင်း ၄၀၀၀ ကျော်အတွင်း အပူပြင်းဆုံး နှစ်ဖြစ်သည်ဟု ရာသီဥတုဆိုင်ရာ ပညာရှင်များက ပြောကြားလိုက်သည်။

ကမ္ဘာ့မြောက်ခြမ်းရှိ နွေရာသီလများဖြစ်သော ဇွန်၊ ဇူလိုင်နှင့် သြဂုတ်လတို့မှာ ၁၈၈၀ အပူချိန်မှတ်တမ်းများ စတင်ယူစဉ်ကတည်းက ကမ္ဘာတစ်ဝှမ်း အမြင့်ဆုံး ပျမ်းမျှအပူချိန်ရှိသည့် လများအဖြစ် မှတ်တမ်းဝင်ခဲ့သည်ဟု အမေရိကန် အမျိုးသား သမုဒ္ဒရာနှင့် လေထုစီမံခန့်ခွဲရေးအဖွဲ့က ဆိုသည်။

ပြီးခဲ့သည့် ၉ လအတွင်း ၇ လမှာ ယခင်ကထက် နှိုင်းယှဉ်လျှင် အပူချိန်ပိုမြင့်သည့်လများ ဖြစ်ခဲ့ပြီး စက်တင်ဘာလ၏ မြေပြင်နှင့် သမုဒ္ဒရာအပူချိန်များမှာ စံချိန်တင်အပူချိန်မျိုး ဖြစ်ခဲ့သည်။

“မကြုံစဖူး ဒီအပူချိန်ဟာ ပစိဖိတ်အတွင်းမှာဖြစ်ပေါ်တဲ့ ပြင်းထန်တဲ့ အလယ်နီညိုကြောင့် ဖြစ်ပါတယ်။ အပူချိန်ဟာ ၅ လဆက်ဆိုက် စံချိန်တင်ခဲ့ပြီး နွေဦးရာသီရောက်ရင်လည်း အလ်နီညိုက ဒီအတိုင်းရှိမှာ ဖြစ်တာကြောင့် အပူချိန်မြင့်တာကလည်း ဆက်ဖြစ်နေမှာပါ” ဟု CNN ၏ ရာသီဥတုဆိုင်ရာ အကြီးတန်းပညာရှင် ဒေ့ဗ် ဟန်နန်က ပြောကြားခဲ့သည်။

ရာသီဥတု လေ့လာရေး ပညာရှင်များကမူ ယခုနှစ် ကမ္ဘာကြီး၏ အပူချိန်မှာ ကြေးခေတ်နောက်ပိုင်း အမြင့်ဆုံး အပူချိန်ဖြစ်သည်ဟု ပြောကြားခဲ့သည်။ အဆိုပါ စံချိန်တင်အပူချိန်များကို မြောက်အာဖရိကမှ အရှေ့အလယ်ပိုင်းနှင့် အရှေ့တောင်အာရှဒေသရှိ အစိတ်အပိုင်းအချို့၊ တောင်အမေရိက ဒေသတစ်ဝက်၊ မြောက်အမေရိက အလယ်ပိုင်းနှင့် အရှေ့ပိုင်းတို့တွင် တွေ့ရှိခဲ့သည်ဟု ဆိုသည်။

သို့သော်လည်း တောင်အမေရိက တောင်ဘက်ပိုင်း၊ ကနေဒါအနောက်ဖက်၊ အလာစကာနှင့် အာရှ အလယ်ပိုင်းတို့တွင် အပူချိန်မှာ ပျမ်းမျှထက် ပိုမိုလျော့နည်းနေသည်ကို တွေ့ခဲ့ရသည်။

“ပြင်းထန်တဲ့ အလ်နီညိုဟာ ဆက်ပြီးရှိနေဖို့ ၉၈ ရာခိုင်နှုန်း သေချာနေပါတယ်။ ဒါ့ကြောင့် ဒီနှစ်ဟာ တစ်ကမ္ဘာလုံး အပူချိန် စံချိန်တင်မြင့်မားတဲ့နှစ်အဖြစ် အဆုံးသတ်လိမ့်မယ်လို့ ယေဘူယျအားဖြင့် ပြောလို့ရပါတယ်” ဟု ဟန်နန်က ပြောကြားခဲ့သည်။

Ref: CNN