ပန်းပျိုးမယ့် ဥယျာဉ်တခု(သို့) PCN အဖွဲ့ လှူဒါန်းတဲ့ သိန်း ၁၂၀၀ ကျော်တန် မူလတန်းကျောင်း

အောက်တိုဘာ ၂၈ ၊ ၂၀၁၅
M-Media
ရေးသူ- မာန်ထက်သျှံ

နိုင်ငံ တစ်နိုင်ငံ ဖွံ့ဖြိုးတိုးတက်ဖို့အတွက် လူ့စွမ်းအား အရင်းအမြစ်သည် အဓိကကျသည်။ တကယ်တော့ လူ့စွမ်းအား အရင်းအမြစ် ဆိုသည်မှာ ပညာရေး ပင်ဖြစ်သည်။ ပညာရေးဖြင့် ခေတ်မှီဖွံ့ဖြိုးတိုးတက်သော နိုင်ငံတော်သစ်ကို တည်ဆောက်ရာတွင် လူတိုင်း ပညာရေးနှင့် ထိတွေ့နေရန်လိုသည်။ ကျောင်းနေအရွယ် ကလေးတိုင်း စာသင်ခန်းထဲတွင် ပညာသင်နေကြသည့် ပုံရိပ်များကို မိဘတိုင်း မြင်ချင်ပါလိမ့်မည်။

ဤ အရေးကို မျှော်တွေးပြီး မိဘ၊ ဆရာ ၊ စေတနာရှင် လူမှုအဖွဲ့အစည်းတို့ ၏ အားဖြင့် မြန်မာပြည်အလယ်ပိုင်းက စာသင်ကျောင်းလေးတစ်ကျောင်း ဆောက်လုပ်လှူဒါန်းမှုကို စာရေးသူ လေ့လာခွင့်ရခဲ့သည်။

နေရာကတော့ မိတ္ထီလာခရိုင် ပျော်ဘွယ်မြို့နယ် ယင်းတော်ရွာမ မင်းရွာမှာရှိတဲ့ အခြေခံ မူလတန်း စာသင်ကျောင်းလေးပါ။ အကျယ်အဝန်းအားဖြင့် မြေ၁ဧကခွဲမှာ ပေ ၃၀ ပေ ၁၀၀ ကျောင်းဆောင်သစ် နှစ်ဆောင်ကို အစီအရီ ဆောက် လုပ်ထားတာပါ။ စေတနာထား ဝါယမစိုက်ထုတ် လှူဒါန်းသူမှာ ရန်ကုန်မြို့မှ စေတနာရှင် PCN အဖွဲ့ ငြိမ်းချမ်းမှုတည်ဆောက်ရေး ကွန်ယက်လို့ သိရပါတယ်။ မူလတန်း ကျောင်းဆောင်သစ် ကို တည်ဆောက်ခဲ့တာဟာ ကျပ်သိန်းပေါင်း ၁၂၀၀ ကျော် ကုန်ကျခဲ့ပါတယ်။

အဆိုပါ ရွာလေးတွင် မူလတန်းကျောင်းဆောင်သစ် ဆောက်လုပ်လှူဒါန်းရခြင်းဟာ ကျေးရွာရဲ့ ပညာရေး အခြေအနေကြောင့်လို့ PCN မှ တရားလွှတ်တော်ရှေ့နေ ဦးအုန်းမောင်က ဆိုပါတယ်။

” ရွာရဲ့ ပညာရေး အားပေးမှု အခြေအနေမှာ မိဘရော ကျောင်းသူကျောင်းသားတွေကရော သူတို့ရဲ့ ဝမ်းစာအတွက် ဦးစားပေးလုပ်ကိုင်ကြတယ်။စီးပွားရေးလုပ်ငန်း အဆင်မပြေကြတဲ့အခါမှာ ပညာရေး အခြေအနေ နိမ့်ကျတဲ့ အနေအထားကို တွေ့ရတယ်” ဟု မြို့နှင့် သိပ်မဝေးသော မြန်မာပြည်အလယ်ပိုင်းက သာမန်ရွာလေးတစ်ခုမှာ သာမန် လက်လုပ်လက်စား သားသမီးများရဲ့ ပညာရေး အခြေအနေ ချို့တဲ့ပုံကို ရှင်းပြပါတယ်။

့ထိုကျောင်းဆောင်သစ်နဲ့အတူ ကလေးများရဲ့ ပညာရေး အတွက် စီမံဆောင်ရွက်ဖြစ်ပုံကိုလည်း ၎င်းက “ယခု သင်ကြားပေးတဲ့ ဆရာဆရာမတွေဟာ ကြိုးစားပြီးတော့ သင်ပေးတဲ့အတွက် ပြီးခဲ့တဲ့ ပညာသင်နှစ်မှ တော်တော်လေး မြင့်မားလာတာ ကြိုးစားလာကြတာကို တွေ့ရတယ်” လို့ ပီတိစကားဆိုပါတယ်။

နောင်ကာလများမှာလည်း ယခု မူလတန်းကျောင်းကလေးကို အလယ်တန်းအဆင့် အထက်တန်းအဆင့်အထိ လုပ်သွားပြီး ကျေးရွာမှာ ပညာတတ်လူငယ်များ ပိုမိုအားကောင်းလာစေရန် စွမ်းရည်မြှင့် သင်တန်းများပို့ချဖို့ ရည်မှန်းထားတယ်လို့ သိရပါတယ်။ နိုင်ငံတော်က ခွင့်ပြုလျှင် သတ်မှတ်ထားတဲ့ ဆရာ အရေအတွက် စာသင်သား အချိုးများအတိုင်း စနစ်တကျ လိုအပ်တာတွေကို ထောက်ပံ့ ပေးသွား လည်း သိရပါတယ်။ ယခုဆိုလျှင် ထို ကျောင်းဆောင်သစ် မူလတန်းကျောင်းလေးမှာ ပုံမှန်လည်ပတ်နေပြီး များမကြာမီတွင် ပညာရေး ဝန်ကြီးဌာနနှင့် သက်ဆိုင်ကို လွဲအပ် အပ်နှံသွားမယ်လို့လည်း ဆိုပါတယ်။

လွန်ခဲ့သော ၂နှစ်ခန့်က မိတ္ထီလာမြို့တွင် အစ္စလာမ်ဘာသာဝင်များ အကြမ်းဖက်ခံရပြီး တိမ်းရှောင်လာသူများ၏ သားသမီးများ ကျောင်းပြန်တက်စေလိုတဲ့ ရည်ရွယ်ချက် အနီးနားဒေသရှိ ဒေသခံ ကျောင်းသားကျောင်းသူများရဲ့ အနာဂတ် ပညာရေး အတွက်ဟုဆိုကာ မင်းရွာလေးတွင် PCN အဖွဲ့မှ ယခုကဲ့သို့ ကျောင်းတည်ဆောက်ဖို့ ဖြစ်လာတယ်လို့ သိရပါတယ်။

PCN အဖွဲ့ဟာ မြန်မာနိုင်ငံအတွင်း လူမျိုး ဘာသာမရွေး ငြိမ်းချမ်းစွာ အတူယှဉ်တွဲနေထိုင်ရေး တရားဥပဒေစိုးမိုးရေး လုပ်ငန်းစဉ်နှင့် လူမှု အကျိုးစီးပွားဖွံ့ဖြိုးတိုးတက်ရေးအတွက် ဆောင်ရွက်ခဲ့သလို မြန်မာနိုင်ငံသားများရဲ့ စွမ်းရည်တည်ဆောက်မှု Capacity Building ပညာရေးကဏ္ဍများကို လွန်ခဲ့သော ၂နှစ်ကျော်ကာလများမှနေ၍ တစိုက်မတ်မတ် ဆောင်ရွက်ပေးခဲ့သော အဖွဲ့အစည်း တစ်ရပ်လည်းဖြစ်သည်။

မည်သို့ပင်ဆိုစေကာမူ မင်းရွာအတွက် မူလတန်းကျောင်းလေးသည် ရွာ၏ ကျက်သရေဆောင်ဖြစ်သည်။ အနာဂတ်လူငယ် တက်သစ်စများ၏ ကွန်းခိုရာ ပညာရည်နို့ချိုကို သောက်သုံးရာ နေရာအဖြစ် မှတ်ကျောက်ပြုရမည်ဖြစ်သည်။

ကျောင်းတော် တဝိုက်တွင်လည်း ကျွန်တော်တို့ ငယ်ငယ်က ရွတ်ဆိုခဲ့သော ကဗျာ စာသံလေးများမှာ ဘဝဂ်ညံဆဲ ဖြစ်သည်။

” ပန်းကလေးများ ဝင့်လို့ချီ
———————
နေခြည်မှာ ရွှေရည်လောင်း ငါတို့ စာသင်ကျောင်း ” လို့မည်တဲ့ မူလတန်းမြန်မာစာဖတ်စာမှ ကျောင်းသူကျောင်းသားများ ရွတ်ဆိုသံမှာ သာယာကြည်နူးဖွယ် ကြားနေရဆဲဖြစ်သည်။

မိဘ ၊ ဆရာ ၊ စေတနာရှင်ပြည်သူများ၏ စုပေါင်း ထည့်ဝင်လှူဒါန်းမှုများဖြင့် ယခုဆိုလျှင် ယင်းတော်ရွာမ မင်းရွာမှာ ကျောင်းဆောင်သစ်ကြီးမှာ အခိုင်အမာပေါ်ထွက် လာခဲ့ချေပြီ။ ဖြူစိမ်း ဝတ်စုံလေးများနဲ့ ကျောင်းတက်လာသော ကလေးငယ်များ၏  မြင်ကွင်းမှာလည်း မျက်စိ ပဒဿရစရာ ၊ ကြည်နူး ဝမ်းမြောက်ဖွယ်ကောင်းလေစွ။

မိဘများ၏ အပြုံးပီတိ ၊ ဆရာ သမားများ၏ အားစိုက်ထုတ်မှု ၊ ရပ်ရွာ လူထု၏ အားပေးကူညီမှု ၊ စေတနာရှင် PCN အဖွဲ့ ၏ ပရဟိတ စေတနာ ၊ ကျောင်းသူကျောင်းသားများရဲ့ ပညာနို့ရည် သောက်သုံးမှုများဖြင့် မင်းရွာ အခြေခံပညာ မူလတန်းကျောင်းဟာ အရောင်အသွေးစုံ ပန်းကလေးများပမာ ဥယျာဉ် အလယ် ဝေဆာနေချေပြီ။ ဆိုရပါလျှင်

ဖူးပွင့်လာတော့မည့် ပန်းကလေးများ လန်းစေချင်သလို လန်းလာသော ပန်းကလေးများလည်း ကြိုင်ရနံ့ သင်းစေတော့မည်သာ။       ။