သြဇီက ဒုက္ခသည်လှေအား ငွေပေး၍လှည့်ပြန်ခိုင်းမှု စစ်ဆေးပေးရန် လူ့အခွင့်အရေးအဖွဲ့ တောင်းဆို

အောက်တိုဘာ ၂၉၊ ၂၀၁၅
M-Media

– ဒုက္ခသည်များအား တင်ဆောင်လာသည့် သင်္ဘောများ နိုင်ငံအတွင်းမှ ပြန်လှည့်ရန်အတွက် လူကုန်ကူးသူများကို သြစတေးလျက ငွေပေး၍ ခိုင်းစေခဲ့သည်ဆိုသော သတင်းများအတွက် သြစတေးလျအာဏာပိုင်များအား လူသိရှင်ကြား စုံစမ်းစစ်ဆေးမှုများ ပြုလုပ်ရန်
ထိပ်တန်းလူ့အခွင့်အရေးအဖွဲ့ဖြစ်သော Amnesty International က ဆော်သြတိုက်တွန်းလိုက်သည်။

ယမန်နေ့က ထုတ်ပြန်သော အစီရင်ခံစာအသစ်တွင် ထိုကဲ့သို့ တိုက်တွန်းခဲ့ခြင်းဖြစ်ပြီး ယခုနှစ်မေလနှင့် ဇူလိုင်လတို့တွင် ပြုလုပ်ခဲ့သော သြစတေးလျအစိုးရ၏ ထိုလုပ်ရပ်က ဒုက္ခသည်များ၏ အသက်ကို အန္တရာယ်ရှိစေခဲ့သည်ဟု ထည့်သွင်းဖော်ပြခဲ့သည်။

နိုင်ငံ၏ ကမ်းခြေများသို ဒုက္ခသည်များ ၀င်ရောက်လာမှုကို တားဆီးရန်အတွက် ပြင်းထန်သည့် ပေါ်လစီကို သြစတေးလျက ချမှတ်ထားပြီး ဒုက္ခသည်များ တင်ဆောင်လာသည့် လှေများကို အင်ဒိုနီးရှားသို့ ပြန်ပို့ခြင်း၊ တောင်ပစိဖိတ် ကျွန်းနိုင်ငံများဖြစ်သော ပါပူအာနယူးဂီနီနှင့် နာအူရူနိုင်ငံများတွင် စခန်းများဖွင့်ကာ ထိန်းသိမ်းထားခြင်းတို့ကို ပြုလုပ်နေသည်။

သို့သော်လည်း ပြီးခဲ့သည့်ဇွန်လက လူကုန်ကူးမှုသံသယဖြင့် ဖမ်းဆီးခံခဲ့ရသော သင်္ဘောကပ္ပတိန်နှင့် သင်္ဘောသားနှစ်ဦးက ဒုက္ခသည် ၆၅ ဦး တင်ဆောင်လာသည့် ၎င်းတို့လှေကို အင်ဒိုနီးရှားသို့ ပြည်လည်မောင်းနှင်ရန်အတွက် သြစတေးလျ အာဏာပိုင်များက ငွေပေးခဲ့သည်ဟု အင်ဒိုနီးရှားရဲတပ်ဖွဲ့ထံ ဖြောင့်ချက်ပေးခဲ့သည်။

သြစတေးလျအစိုးရကမူ ထိုသတင်းကို ငြင်းဆိုခဲ့သော်လည်း လွှတ်တော်အတွင်း စုံစမ်စစ်ဆေးမှုများ၊ အင်ဒိုနီးရှားနှင့် ကုလတို့မှ စိုးရိမ်မှုများ ဖြစ်လာခဲ့သည်။

Amnesty ကမူ ထိုသင်္ဘောပေါ်တွင် ပါဝင်သွားသည့် ဒုက္ခသည်များအားလုံးအား အင်တာဗျူးခဲ့ပြီး၊ သင်္ဘောသား ၆ ဦးတို့အား မေးမြန်းခဲ့ရာ ၎င်းတို့က သြစတေးလျအာဏာပိုင်းများမှာ သီရိလင်္ကာ၊ မြန်မာနှင့် ဘင်္ဂလားဒေ့ရ်ှတို့မှ ဒုက္ခသည်များပါဝင်သော ၎င်းတို့၏လှေကို အင်ဒိုနီးရှားသို့ ပြန်လည်မောင်းနှင်သွားရန်အတွက် ကန်ဒေါ်လာ ၃၂၀၀၀ ပေးခဲ့သည်ဟု ထွက်ဆိုခဲ့သည်။

ထိုအဖြစ်အပျက်အတွင်း သြစတေးလျရေတပ်နှင့် နယ်ခြားစောင့်တပ်ဖွဲ့မှ သင်္ဘောနှစ်စီး ရောက်လာက ၎င်းတို့အား လောင်စာဆီအနည်းငယ်၊ ဂျီပီအက်စ် လမ်းပြကိရိယာတစ်ခုနှင့် မြေပုံတစ်ခုပေးခဲ့ပြီး ထိုလုပ်ရပ်က လူ့အသက်များကို အန္တရာယ်ဖြစ်စေခဲ့သည်ဟုလည်း Amnesty အဖွဲ့က ထည့်သွင်းပြောကြားခဲ့သည်။

ထို့ပြင် ဇူလိုင် ၂၅ ရက်နေ့ကလည်း ထိုကဲ့သို့ အဖြစ်အပျက်မျိုး ထပ်ဖြစ်ခဲ့သည်ဟုဆိုပြီး ထိုအဖြစ်အပျက်များအတွက် အစိုးရတာဝန်ရှိသူများက ကျူးလွန်သည့် ရာဇ၀တ်မှုနှင့် ပတ်သက်၍ စုံစမ်းစစ်ဆေးရေးအတွက် တော်ဝင်ကော်မရှင်တစ်ခု ဖွဲ့စည်းရန်လည်း တိုက်တွန်းခဲ့သည်။

Ref: Aljazeera