ယာဂန်ကလော့ပ် နိုင်ပွဲစရ၊ မန်ယူ ဂိုးပေါက်ဆက်ပျောက်နေပြီး ထိပ်ဆုံး အပြောင်းအလဲမရှိသေးတဲ့ ပရီးမီးယားလိဂ် ပွဲစဉ် ၁၁

နိုဝင်ဘာ ၂၊ ၂၀၁၅
M-Media

– ဒီတစ်ပတ် ပရီးမီးယားလိဂ်မှာတော့ လီဗာပူးလ်နည်းပြ ယာဂန်ကလော့ပ်က ပထမဆုံး နိုင်ပွဲ စရခဲ့ပေမယ့် သူနိုင်ခဲ့တဲ့ ချယ်ဆီးကတော့ တန်းဆင်းဇုန်နဲ့ ၄ မှတ်သာ ကွာပါတော့တယ်။

စတမ်းဖို့ဒ်ဘရစ်ခ်ျမှာ ကစားခဲ့တဲ့ ဒီပွဲမှာ ပွဲအစ ၄ မိနစ်မှာပဲ ရာမီးရက်စ်က ခေါင်းတိုက်ပြီး ဦးဆောင်ဂိုး သွင်းနိုင်ခဲ့ပေမယ့် ချယ်ဆီးကစားသမားတွေရဲ့ ယုံကြည်ချက် ပျောက်ဆုံးမှုကိုတော့ နောက်ပိုင်းမိနစ်တွေမှာ အထင်းသား တွေ့မြင်ခဲ့ရပါတယ်။ နည်းပြသစ်လက်အောက်မှာ တစ်ဖြည်းဖြည်း တက်ရိပ်ပြလာတဲ့ လီဗာပူးလ်က ပထမပိုင်း နာကျင်အချိန်ပိုမှာ ချေပဂိုးရပြီးတဲ့နောက် ဒုတိယပိုင်းမှာ အကောင်းဆုံး ခြေစွမ်းကို ပြသခဲ့ပြီး ထိုက်ထိုက်တန်တန် အနိုင်ရခဲ့တာလည်း ဖြစ်ပါတယ်။ လီဗာပူးလ်အတွက် ဂိုးတွေကိုတော့ ကော်တင်ဟိုက ၂ ဂိုးနဲ့ ဘန်တီကီက ၁ ဂိုး သွင်းပေးခဲ့ပါတယ်။

အဓိက ကစားသမားတွေ ဒဏ်ရာရနေပေမယ့် အာဆင်နယ်ကတော့ ပုံစံကောင်းကို ဆက်ထိန်းထားနိုင်ခဲ့ပါတယ်။ ပြီးခဲ့နှစ်က နှစ်ကျော့စလုံးရှုံးခဲ့တဲ့ ဆွမ်းဆီးကို ဂျရူး၊ ကွန်စီယဲလ်နီနဲ့ ကမ်းဘဲလ်တို့ရဲ့ ဒုတိယပိုင်း ဂိုးတွေနဲ့ ၃ ဂိုးပြတ် အနိုင်ရခဲ့တာဖြစ်ပြီး ၀င်းဂါးကတော့ မိမိတို့အသင်းဟာ အဆင့်တစ်ဆင့်ကို တက်လာနိုင်ခဲ့ပြီလို့ ပွဲအပြီးမှာ ပြောခဲ့ပါတယ်။

မန်ယူက ဂိုးပေါက်ပျောက်မှု သံသရာ ဆက်ရှည်နေဆဲပါပဲ။ ဘောလုံးပိုင်ဆိုင်မှု အသာရခဲ့ပေမယ့် ဂိုးသွင်းခွင့် မဖန်တီးနိုင်ခဲ့တာကြောင့် အဝေးကွင်းမှာ သရေရလဒ်နဲ့သာ ကျေနပ်ခဲ့ရတာ ဖြစ်ပါတယ်။ နည်းပြ ဗန်ဂါးလ်ကတော့ ဂိုးပေါက်ပျောက်မှုအတွက် အလွန်အမင်း စိုးရိမ်မိတယ်လို့ ပွဲအပြီးမှာ ထပ်မံပြောကြားခဲ့ပြီး ရလဒ်အတွက် စောဒက မတက်ချင်ဘူးလို့ ဆိုပါတယ်။

မန်စီးတီးကလည်း လိုအပ်တဲ့ ၃ မှတ် ရယူနိုင်ခဲ့ပေမယ့် တိုက်စစ်ပျောက်မှုနဲ့ အိမ်ကွင်းမှာ ရင်တထိတ်ထိတ် ဖြစ်ခဲ့ရပါသေးတယ်။ ၆၇ မိနစ်မှာ အော်တာမန်ဒီက ဦးဆောင်ဂိုး သွင်းပေးခဲ့ပေမယ့် ၈၃ မိနစ်မှာ ဂိုးသမား ဂျိုးဟတ်ရဲ့ အမှားကြောင့် ချေပဂိုး ပြန်ပေးလိုက်ရပါတယ်။ ဒါပေမယ့် ၈၉ မိနစ်မှာ ပင်နယ်တီ ရခဲ့ပြီး ယာယာတိုးယေးက အမှားအယွင်းမရှိ ကန်သွင်းနိုင်ခဲ့တာကြောင့် ထိပ်ဆုံးမှာ ဆက်ရှိနေနိုင်တာဖြစ်ပါတယ်။

အသင်းကြီးတွေကို ဆက်တိုက်နှိပ်ကွပ်ထားပြီး အဝေးကွင်းရှုံးပွဲမရှိသေးတဲ့ ၀က်စ်ဟမ်းက တစ်နေ့ရွှေ၊ တစ်နေ့ငွေဖြစ်နေတဲ့ ၀က်ဖို့ဒ်ကို ၂ ဂိုးပြတ်နဲ့ အံ့အားသင့်ဖွယ် ရှုံးနိမ့်ခဲ့ပါတယ်။ နောက်ဆုံး ၃ ပွဲမှာ နိုင်ပွဲပျောက်ပြီး ၂ ပွဲအထိ ရှုံးနိမ့်ထားတဲ့ အဲဗာတန်ဟာ ဒီတစ်ပတ်တော့ အရူနာကုန်းရဲ့ ဟက်ထရစ်နဲ့အတူ ဆန်းဒါးလန်းကို ၆ ဂိုး ၂ ဂိုးနဲ့ နှိပ်ကွပ်ခဲ့ပါတယ်။
ဒီတစ်ပတ် ပရီးမီးယားလိဂ် ရလဒ်များကတော့ အောက်ပါအတိုင်းဖြစ်ပါတယ်။

ချယ်ဆီး ၁-၃ လီဗာပူးလ်
ခရစ္စတယ်ပဲလေ့စ် ၀-၀ မန်ယူ
မန်စီးတီး ၂-၁ နော်ဝစ်ခ်ျ
နယူးကာဆယ် ၀-၀ စတုတ်စီးတီး
ဆွမ်ဆီး ၀-၃ အာဆင်နယ်
ဝက်ဖို့ဒ် ၂-၀ ၀က်စ်ဟမ်း
ဝက်စ်ဘရွန်း ၂-၃ လက်စတာ
အဲဗာတန် ၆-၂ ဆန်းဒါးလန်း
ဆောက်သက်တမ် ၂-၀ ဘုန်းမောက်