အိန္ဒိယ-မြန်မာ-ထိုင်း မော်တော်ယာဉ် သဘောတူညီချက် ၂၀၁၆ တွင် လက်မှတ်ထိုးမည်

နိုဝင်ဘာ ၂၊ ၂၀၁၅
M-Media

– အိန္ဒိယ-မြန်မာ-ထိုင်း သုံးနိုင်ငံ မော်တော်ယာဉ်များ အဆီးအတားမရှိ ဖြတ်သန်းသွာလာခွင့် သဘောတူညီချက်ကို လာမည့်နှစ်တွင် လက်မှတ်ရေးထိုးရန် အိန္ဒိယက သတ်မှတ်လိုက်သည်ဟု သိရသည်။

“စည်းမျဉ်းစည်းကမ်းတွေ အဆုံးသတ်ပြီးတဲ့ ဒီသဘောတူညီချက်ကို ၂၀၁၆ မတ်လ နှောင်းပိုင်း ဒါမှမဟုတ် ဧပြီလဆန်းပိုင်းလောက်မှာ လက်မှတ်ရေးထိုးသွားမှာပါ” ဟု ပြည်ထောင်စု သယ်ယူပို့ဆောင်ရေးနှင့် အဝေးပြေးလမ်းမများဆိုင်ရာ အတွင်းရေးမှူး ဗီဂျေး ချစ်ဘာက ဘင်္ဂလားဒေ့ရှ်-ဘူတန်-အိန္ဒိယ-နီပေါ (BBIN) လမ်းကြောင်းအတိုင်း ကုန်တင်ကားများ အဆီးအတားမရှိ ဖြတ်သန်းသွားလာမှု သဘောတူညီချက်အတိုင်း စမ်းသပ်မောင်းနှင်ရေး ဖွင့်ပွဲအခမ်းအနားတွင် ပြာကြားခဲ့သည်။

အိန္ဒိယ-မြန်မာ-ထိုင်း (IMT) သုံးနိုင်ငံ ဆောင်ရွက်မည့် မော်တော်ယာဉ်များ အဆီးအတားမရှိ သွားလာရေး ထိုသဘောတူညီချက်ကို ယခုနှစ် ဒီဇင်ဘာလတွင် လက်မှတ်ရေးထိုးရန် မူလက စီစဉ်ထားခဲ့သော်လည်း မြန်မာနိုင်ငံတွင် ရွေးကောက်ပွဲရှိနေပြီး ထိုလုပ်ငန်းစဉ်မှာ ၃ လတာ ကြာမြင့်မည်ဖြစ်သောကြောင့် ထိုကဲ့သို့ မတ်လတ်အထိ ရွှေ့ခဲ့ခြင်းဖြစ်သည်ဟု ချစ်ဘာက ထည့်သွင်းပြောကြားခဲ့သည်။

ထိုသဘောတူညီချက်ကို မြန်မာနိုင်ငံတွင် လက်မှတ်ရေးထိုးသွားမည်ဖြစ်သည်။ BBIN သဘောတူညီချက်ကို အတုယူကာ အကောင်အထည်ဖေါ်သည့် IMT သဘောတူညီချက်ကြောင့် ကုန်တင်ယာဉ်များ၊ လူစီးယာဉ်များနှင့် ကိုယ်ပိုင်ယာဉ်များမှာ လွတ်လပ်စွာ သွားလာနိုင်မည်ဖြစ်ပြီး ထိုသုံးနိုင်ငံအတွင်း စီးပွားရေးဆိုင်ရာ တိုးတက်မှုကို ရရှိမည်ဟု ချစ်ဘာက ဆိုသည်။

Ref: Economictimes