မြန်မာ့ရွေးကောက်ပွဲကို အမေရိကန် ချီးကျူး၊ ဒီမိုကရေစီအတွက် အဟန့်အတားများ ရှိနေသည်ဟု ဆို

နိုဝင်ဘာ ၉၊ ၂၀၁၅
M-Media

– ယမန်နေ့က ကျင်းပပြုလုပ်ခဲ့သော မြန်မာနိုင်ငံ၏ သမိုင်းဝင်ရွေးကောက်ပွဲကို အမေရိကန်က ကြိုဆိုလိုက်ပြီး ပြည့်ဝသည့် ဒီမိုကရေစီဖော်ဆောင်ရေးအား ကဖျက်ယဖျက်လုပ်ရန် စနစ်တကျ ဖန်တီးထားသည့် အဟန့်အတားများနှင့် ပတ်သက်၍လည်း သတိပေးပြောကြားလိုက်သည်။

အတိုက်အခံခေါင်းဆောင် ဒေါ်အောင်ဆန်းစုကြည်၏ အမျိုးသားဒီမိုကရေစီ အဖွဲ့ချုပ်က အာဏာရယူနိုင်မည်ဟု ကျယ်ကျယ်ပြန့်ပြန့် ထင်မြင်ယူဆနေကြသည့် အဆိုပါ ရွေးကောက်ပွဲမှာ “ဆယ်စုနှစ်ပေါင်းများစွာ မြန်မာပြည်သူများ ပြသခဲ့သော ရဲစွမ်းသတ္တိနှင့် အနစ်နာခံမှုများ၏ ပဋိဥာဏ်” ဖြစ်သည်ဟု နိုင်ငံခြားရေးဝန်ကြီး ဂျွန်ကယ်ရီက ဆိုသည်။

“ရှေ့ဆက်ဖို့အတွက် ဒီရွေးကောက်ပွဲဟာ အရေးကြီးပေမယ့် ဒါဟာ မပြည့်စုံဘူးဆိုတာလည်း ကျွန်တော်တို့ သိပါတယ်။ ပြည်ဝတဲ့ ဒီမိုကရေစီကျင့်သုံးရေးနဲ့ အရပ်သားအစိုးရ ပေါ်ထွက်လာဖို့နေရာမှာ သေသေချာချာ၊ စနစ်တကျ ဆောင်ရွက်ထားတဲ့ ခလုတ်တံသင်းတွေလည်း ရှိနေပါသေးတယ်” ဟု ဆိုပြီး လွှတ်တော်တွင် ရွေးကောက်တင်မြှောက်ထားခြင်းမဟုတ်သည့် စစ်တပ်ကိုယ်စားလှယ်များ ရှိနေခြင်း၊ ရိုဟင်ဂျာများကဲ့သို့ လူနည်းစုများအား မဲပေးခွင့် ပိတ်ပင်ခြင်းနှင့် အချို့သော ကိုယ်စားလှယ်လောင်းများကို အကြောင်းပြချက် ခိုင်ခိုင်လုံလုံမရှိဘဲ ပယ်ချခြင်းတို့ကို ဂျွန်ကယ်ရီက ထောက်ပြခဲ့သည်။

ထို့ပြင် မိမိတို့အနေဖြင့် မဲရေတွက်မှု လုပ်ငန်းစဉ်ကို ဆက်လက်စောင့်ကြည့်သွားမည်ဖြစ်ပြီး ထိုလုပ်ငန်းစဉ်တွင် ပါဝင်သူအားလုံးက မဲရလဒ်တွက်ချက်မှု ပွင့်လင်းမြင်သာစေရေးနှင့် ယုံကြည်စိတ်ချမှုရှိစေရေး တိုင်ကြားမှုများကိုလည်း သင့်တော်သောနည်းလမ်းဖြင့် ပွင့်လင်းမြင်သာစွာ အလျင်အမြန် ဖြေရှင်းရေးတို့တွင် ကူညီကြရန် ဂျွန်ကယ်ရီက ထည့်သွင်းတိုက်တွန်းခဲ့သည်။

Ref: Channelnewsasia