ကလော့ပ်ရှုံးပွဲတွေ့၊ လန်ဒန်ဒါဘီ အဖြေမပေါ်ဘဲ၊ ချယ်ဆီးတို့ ၃ ပွဲဆက်ရှုံးတဲ့ ပရီးမီးယားလိဂ် ပွဲစဉ် ၁၂

နိုဝင်ဘာ ၉၊ ၂၀၁
M-Media

– ဒီတစ်ပတ်ပရီးမီးယားလိဂ်မှာတော့ ပြိုင်ဆိုင်မှုပြင်းထန်တဲ့ လန်ဒန်ဒါဘီ အာဆင်နယ်နဲ့ စပါးတို့ပွဲမှာ အိမ်ရှင်အာဆင်နယ်တို့ နောက်ကလိုက်ကစားခဲ့ရပြီး ၁ ဂိုးစီသရေနဲ့ အဆုံးသတ်ခဲ့ပါတယ်။

နောက်ဆုံး ၁၀ ပွဲမှာ ရှုံးပွဲမရှိသေးတဲ့ စပါးအသင်း ပထမပိုင်းမှာ အဆင်နယ်ကို ပိုပြီး ဖိအားပေးနိုင်ခဲ့ကာ နောက်ပိုင်းပွဲတွေမှာ ဂိုးပေါက် တွေ့လာတဲ့ ဟယ်ရီကိန်းက ၃၂ မိနစ်မှာ အဖွင့်ဂိုး သွင်းယူနိုင်ခဲ့ပါတယ်။ ဒုတိယပိုင်းမှာတော့ အာဆင်နယ်က တင်ကစားလာခဲ့တာကြောင့် အသာရလာခဲ့ပေမယ့် ချေပဂိုးကိုတော့ ၇၃ မိနစ်မှ နောက်ခံလူ ကီရန် ဂစ်ဘ်က သွင်းယူပေးခဲ့တာပါ။ ဒါဟာ တစ်နှစ်ကျော်ကြာအတွင်းမှာ သူ့ရဲ့ ပထမဆုံး ဂိုးလည်း ဖြစ်ပါတယ်။

မော်ရင်ဟို ကွင်းအတွင်းဝင်ခွင့်မရတဲ့ ချယ်ဆီးကတော့ စတုတ်စီးတီးကွင်းမှာ ၃ ပွဲဆက်အရှုံးနဲ့ ရင်ဆိုင်ခဲ့ရပါတယ်။
နောက်ဆုံး ၅ ပွဲမှာ ၃ ပွဲအထိ အနိုင်ရထားတဲ့ စတုတ်ကို ချယ်ဆီးတို့ လုံးဝ မယှဉ်နိုင်ခဲ့ပါဘူး။ တစ်လုံးတည်းသော အနိုင်ဂိုးကို ၅၃ မိနစ်မှာ မာကို အာရ်နျူတိုဗစ်က သွင်းယူပေးခဲ့တာဖြစ်ပါတယ်။ စတုတ်ဟာ လိဂ်ဖလားပွဲကနေလည်း ချယ်ဆီးကို အနိုင်ကစားပြီး ထွက်စေခဲ့သူဖြစ်ပါတယ်။

လီဗာပူးလ်နည်းပြ ကလော့ပ်ကတော့ အသင်းသစ်နဲ့ ပထမဆုံး အရှုံးကို ရင်ဆိုင်ခဲ့ရပါတယ်။ လီဗာပူးလ်က ကစားပုံကောင်းခဲ့ပေမယ့် ပါဂျူးရဲ့ ခရစ္စတယ်ပဲလေ့စ်က ရရှိတဲ့အခွင့်အရေးတွေကို အကောင်းဆုံး အသုံးချနိုင်ခဲ့လို့ အဖိုးတန် အနိုင် ၃ မှတ်ကို ရရှိခဲ့တာဖြစ်ပါတယ်။ ဧည်သည့်အသင်းအတွက် အနိုင်ဂိုးတွေကိုတော့ ၂၁ မိနစ်မှာ ဘိုလာစီနဲ့ ၈၂ မိနစ်မှာ စကော့ဒန်းက သွင်းယူခဲ့တာဖြစ်ပြီး လီဗာပူးလ်အတွက် ချေပဂိုးကို ၄၂ မိနစ်မှာ ဖိလစ် ကော်တင်ဟိုက သွင်းယူပေးခဲ့တာဖြစ်ပါတယ်။ ကလော့ပ်ကတော့ သူ့အသင်းဟာ အရှုံးနဲ့မထိုက်တန်ဘူးလို့ ပြောခဲ့ပါတယ်။

မန်စီးတီးက အဝေးကွင်းမှာ တိုက်စစ်ပျောက်ခဲ့ပြီး ဇယားအောက်ဆုံးက အက်စတွန်ဗီလာကို ဂိုးမရှိသရေကျခဲ့ကာ လန်ဒန်ဒါဘီအခွင့်အရေးကို အရမယူနိုင်ခဲ့ပါဘူး။ မန်ယူက အိမ်ကွင်းမှာ ဘောလုံးပိုင်းဆိုင်မှုကို အသားပေးခဲ့ပြီး ခံစစ်နဲ့ရင်ဆိုင်တဲ့ ၀က်စ်ဘရွန်းကို လင်ဂါ့ဒ်ရဲ့ ၅၂ မိနစ်ဂိုး၊ မာတာရဲ့ ဒုတိယပိုင်း နာကျင်အချိန်ပို ပင်နယ်တီတွေနဲ့ အနိုင်ရခဲ့ပါတယ်။
ဒီတစ်ပတ် ပရီးမီးယားလိဂ် ရလဒ်များကတော့ အောက်ပါအတိုင်းဖြစ်ပါတယ်။

ဘုန်းမောက် ၀-၁ နယူးကာဆယ်
လက်စတာ ၂-၁ ၀က်ဖို့ဒ်
မန်ယူ ၂-၀ ၀က်စ်ဘရွန်း
နော်ဝစ်ခ်ျ ၁-၀ ဆွမ်ဆီး
ဆန်းဒါးလန်း ၀-၁ ဆောက်သက်တမ်
ဝက်စ်ဟမ်း ၁-၁ အဲဗာတန်
စတုတ် ၁-၀ ချယ်ဆီး
အက်စတွန်ဗီလာ ၀-၀ မန်စီးတီး
အာဆင်နယ် ၁-၁ စပါး
လီဗာပူးလ် ၁-၂ ခရစ္စတယ်ပဲလေ့စ်