ထိပ်ဆုံးနေရာ အပြောင်းအလဲဖြစ်ခဲ့ပြီး မန်ယူနည်းပြဟောင်း မိုယက်စ် ဇာတ်သိမ်းခဲ့ရပြန်တဲ့ လာလီဂါပွဲစဉ် ၁၁

နိုဝင်ဘာ ၁၀၊ ၂၀၁၅
M-Media

– ဒီတစ်ပတ်လာလီဂါမှာတော့ ရီးယဲလ်မက်ဒရစ် ရှုံးနိမ့်သွားမှုနဲ့အတူ ထိပ်ဆုံးနေရာလည်း အပြောင်းအလဲ ဖြစ်သွားခဲ့ပါတယ်။

အဝေးကွင်းမှာ သွားကစားခဲ့ရပေမယ့် ပွဲအစမှာ ရီးယဲလ်တို့ ကစားပုံကောင်းခဲ့ပြီး ရာမို့စ်က ၂၂ မိနစ်မှာ ဦးဆောင်ဂိုး သွင်းနိုင်ခဲ့ပါတယ်။ ဒါပေမယ့် ၃၂ မိနစ် ရာမို့စ်နာပြီး ထွက်သွားတဲ့အချိန် ဘင်နီတက်ဇ်ရဲ့ နည်းဗျူဟာ အပြောင်းအလဲက ရီးယဲလ်တို့ကို အထိနာစေခဲ့ပြီး အိမ်ကွင်းနောက်ဆုံး ၃ ပွဲမှာ ၁၀ ဂိုး သွင်းထားတဲ့ ဆီးဗီးလားကို ၃ ဂိုး ဆက်တိုက် ပေးလိုက်ရပါတယ်။ အိမ်ရှင်အတွက် ဂိုးတွေကိုတော့ အင်မိုဘိုင်း၊ ဘန်နီဂါနဲ့ လော်ရန်တေးတို့က ၃၆၊ ၆၁နဲ့ ၇၄ မိနစ်တွေမှာ အသီးသီး သွင်းပေးခဲ့တာပါ။ ရီးရဲလ်အတွက် ဒုတိယ နှစ်သိမ့်ဂိုးတော့ နာကျင်အချိန်မှ ရော်ဒရီဂက်စ်က သွင်းယူပေးခဲ့တာ ဖြစ်ပါတယ်။

ဘာစီလိုနာကတော့ အိမ်ကွင်းမှာ ဗီလာရီးယဲလ်ကို အခက်အခဲမရှိဘဲ နေးမာရဲ့ အဆင့်မြင့်ဂိုး ၂ ဂိုး၊ ဆွာရက်ဇ်ရဲ့ ပင်နယ်တီ ၁ ဂိုးနဲ့ ၃ ဂိုးပြတ်ခဲ့ပြီး ထိပ်ဆုံးနေရာကို ၃ မှတ်ဖြတ်ကာ ရယူနိုင်ခဲ့ပါတယ်။ အဝေးကွင်းဆို ခြေပျက်တက်တဲ့ ဗလင်စီယာက ဒီတစ်ပတ်မှာ ဇ, ရှိတဲ့ ဆလ်တာဗီဂိုကို ပထမပိုင်း ၃ ဂိုး ဒုတိယပိုင်း ၂ ဂိုးနဲ့ ဂိုးပြတ် နှိပ်ကွပ်ပြခဲ့ပါတယ်။

အက်သလက်ကီကလည်း စပို့တင်းဂီဂျွန်ကို အသာနဲ့ ကစားနိုင်ခဲ့ပေမယ့် အနိုင်ဂိုးကိုတော့ ဒုတိယပိုင်း နာဂျင်အချိန်ပိုမှာမှ ရရှိခဲ့တာဖြစ်ပြီး ထိပ်ဆုံး ၂ သင်းကို ဆက်လက် ဖိအားပေးနေဆဲပါပဲ။ အနိုင်ဂိုးကိုတော့ဂရီဇ်မန်က ခေါင်းတိုက် သွင်းယူပေးခဲ့တာ ဖြစ်ပါတယ်။

မန်ယူနည်းပြဟောင်း မိုယက်စ်ရဲ့ ဆိုစီဒက်က ၅ ပွဲဆက်တိုက် နိုင်ပွဲပျောက်ထားတဲ့ ဇယားအောက်ခြေက လက်စ်ပါးလ်မက်စ်ကို ၂ ဂိုးပြတ်နဲ့ရှုံးပြီး နောက်ဆက်တွဲအဖြစ် မိုယက်စ်လည်း ရာထူး စွန့်ခဲ့ရပါတယ်။

လာလီဂါ ပွဲစဉ် ၁၁ ရလဒ်များကတော့ အောက်ပါအတိုင်းဖြစ်ပါတယ်။

လက်စ်ပါးလ်မက်စ် ၂-၀ ဆိုဆီဒက်
ဆဲလ်တာဗီဂို ၁-၅ ဗလင်စီယာ
လီဗန်တေး ၁-၁ ဒီပို့တီဗို
ဗယ်လက်ကာနို ၂-၁ ဂရန်နာဒါ
အိုက်ဘာ ၃-၁ ဂီတာဖေး
မာလာဂါ ၀-၁ ရီးယဲလ်ဘက်တစ်
ဘီဘာအို ၂-၁ အက်စပန်ညို
ဘာစီလိုနာ ၃-၀ ဗီလာရီးယဲလ်
အက်သလက်တီကို ၁-၀ စပို့တင်းဂီဂျွန်
ဆီးဗီးလား ၃-၂ ရီးယဲလ်