မွတ်စလင်ဆန့်ကျင်ရေး လုပ်ရပ်ကို ပြင်သစ်ပြည်ထဲရေးဝန်ကြီး ရှုတ်ချ၊ နိုင်ငံသားတိုင်း ညီညွတ်ကြရန် သမ္မတ တိုက်တွန်း

နိုဝင်ဘာ ၂၁၊ ၂၀၁၅
M-Media

– ပြင်သစ်နိုင်ငံမြောက်ပိုင်းတွင် မွတ်စလင်များနှင့် ဂျူးများအပေါ် ပစ်မှတ်ထားခဲ့သည့် လူမျိုးရေးတိုက်ခိုက်မှုများကို ပြည်ထဲရေးဝန်ကြီး ဘားနတ် ကာဇန်နျူဗီက ကြာသာပတေးနေ့တွင် ရှုတ်ချ ပြောဆိုလိုက်သည်။

ပြီးခဲ့သည့်ရက်ပိုင်းအတွင်း မာဆေးလ်မြို့ရှိ မြေအောက်ရထားလိုင်းတစ်ခုတွင် ဟီဂျဘ်ဝတ်ဆင်ထားသည့် မွတ်စလင်အမျိုးသမီးတစ်ဦးမှာ လူအုပ်စုတစ်ခု၏ ရန်ပြုခံရကာ၊ ထိုးကြိတ်ကန်ကျောက်ခြင်း ခံခဲ့ရသည်။ နောက်ပိုင်းတွင် သူမကို ဆေးရုံသို့ ပို့ဆောင်ပေးခဲ့ရပြီး အသက်အန္တရာယ် စိုးရိမ်ရခြင်း မရှိချေ။

ကာဇန်နျူဗီကမူ ထိုတိုက်ခိုက်မှုအတွင်း တာဝန်ရှိသူများကို တွေ့အောင်ရှာဖွေကာ တရားစွဲဆိုသွားမည်ဟု ထည့်သွင်းပြောကြားခဲ့သည်။

ဗုဒ္ဓဟူးနေ့ကလည်း ပြင်သစ်သမ္မတ ဖရန်ကိုအစ် ဟော်လန်ဒေးက အကြမ်းဖက်ဝါဒအား တိုက်ဖျက်ရာတွင် ပြည်သူများအနေဖြင့် စည်းလုံးညီညွှတ်ကြရန် လိုအပ်ပြီး ထိုအကြမ်းဖက်ဝါဒ၏ ပစ်မှတ်မှာ ပြည်သူများအကြား သွေးကွဲရန်ဖြစ်သည်ဟု ပြောကြားခဲ့သည်။

“နိုင်ငံခြားသားကြောက်၊ ဂျူးဆန့်ကျင်ရေးတိုက်ခိုက်မှု ဒါမှမဟုတ် မွတ်စလင်ဆန့်ကျင်ရေး တိုက်ခိုက်မှုတွေ အားလုံးကို သည်းခံသွားမှာ မဟုတ်ပါဘူး” ဟု ပြင်သစ်ရှိ မြို့တော်ဝန်များသို့ ပြောကြားသည့် မိန့်ခွန်းတွင် ဟော်လန်ဒေးက ထည့်သွင်းပြောဆိုခဲ့သည်။

ကာဇန်နျူဗီကလည်း “တိုက်ခိုက်ခံရသူတွေကို အားပေးထောက်ခံသလိုပဲ မာဆေးလ်မှာရှိတဲ့ ဂျူးတွေ၊ မွတ်စလင်တွေရဲ့ ဘာသာတရားကိုလည်း အားပေးကာကွယ်သွားမှာပါ။ ဖော်ပြလို့မရတဲ့ ဒီ လုပ်ရပ်တွေ ကျူးလွန်သူကို ရှာဖွေဖမ်းဆီးဖို့ အားလုံးကို ဆောင်ရွက်သွားမှာပါ။ သူတို့ တရားရုံးမှာ အဖြေပေးရပါလိမ့်မယ်”

Ref: IINA News