တမန်တော်နေ့ အထိမ်းအမှတ် ဘာသာပေါင်းစုံ ဟောပြောပွဲ မြေနီကုန်းမှာ ပြုလုပ်မည်

ဒီဇင်ဘာ ၂၁၊ ၂၀၁၅
M-Media
မိုးစက်

ရန်ကုန်။    ။ ဒီဇင်ဘာလ (၂၄) ရက်နေ့တွင် ကျရောက်တော့မည့် အစ္စလာမ်ဘာသာဝင်များ၏ ရှေ့ဆောင်ပ တမန်တော်မုဟမ္မဒ် (ငြိမ်းချမ်းစေသား) ၏ ဖွားသန့်စင်နေ့ အထိမ်းအမှတ် အဖြစ် မေတ္တာ ကမ်းပိန်းမှ ဦးစီးပြီး ငြိမ်းချမ်းရေး အခမ်းအနားတစ်ခုကို ဒီဇင်ဘာလ ၂၅ ရက်နေ့တွင် ကျင်းပပြုလုပ်သွားမည် ဖြစ်ကြောင်း သိရပါတယ်။

ဘာသာမခြား၊ လူမျိုးမခွဲခြားဘဲ မေတ္တာနှင့်ခွင့်လွှတ် ချစ်ကြည်စို့ ဟူသည့်ခေါင်းစဉ်ဖြင့် ငြိမ်းချမ်းရေး အခမ်းအနားကို ပြုလုပ် ကျင်းပသွားမှာ ဖြစ်ပါတယ်။

အဆိုပါ ငြိမ်းချမ်းရေးတရားများကို ဘာသာအသီးသီးမှ ဆရာတော်ကြီးများ ဖြစ်ကြသော ဘန္ဒန္တအရိယာဝံသာဘိဝံသ (မေတ္တာကမ်းပိန်း ပဓာန နာယက ဆရာတော် စေတိယင်္ဂဏဓမ္မာစရိယ ဝဋံသကာပရိယတ္တိသာသနဟိတ (သကျသီဟ)ဓမ္မာစရိယ မြဝတီမင်းကြီး စာသင်တိုက်၊ မန္တလေးမြို့) ၊ အလ်ဟာဂ်ျခလီဖွာ ဦးအေးလွင် (နာယကမေတ္တာကမ်းပိန်း၊ ကာဒရီယာ၊ အလီယာ ဆော်သြရေးမှူး၊ အစ္စလာမ်ဓမ္မဗိမာန်) ၊ ဦးဇိန (ဦးဇင်းသုည) (မေတ္တာ ကမ်းပိန်း မလိခဝါဆိုကျောင်း ၊ မဟာဝိဇီတာရာမတိုက်၊ မန္တလေးမြို့) ၊ Rev.George Shwe Tun (ကက်သလစ်ဂိုဏ်းချုပ်ကျောင်း) ၊ အလ်ဟဂ်ျဒေါက်တာဆောင်းလွင်အောင် (Imamah Alazhar. Cairo, Imamah LLU,Parkisstan) နှင့် ဆရာဦးဆန်းမင်းနိုင် (ဓမ္မကထိက၊ ဟိန္ဒူဓမ္မပလက အဖွဲ့) တို့မှ တရားရေအေးတိုက်ကျွေးမှာ ဖြစ်ပါတယ်။

“ကျွန်တော်တို့ မေတ္တာကမ်းပိန်းက ဒီလို ဘာသာရေးအခမ်းအနားတွေမှာ ဘာသာပေါင်းစုံက ညီအစ်ကိုမောင်နှမတွေ ပူးပေါင်းလုပ်ဆောင်နေကြပါ။ ဘာသာပေါင်းစုံက ဆရာတော်ကြီးတွေကလည်း ဒီလိုနေ့ထူးနေ့မြတ်တွေ မှာ မေတ္တာတရားငြိမ်းချမ်းရေး တရားတွေကို ဟောကြားပေးတယ်။ ဒီအခမ်းအနားကိုလည်း လူမျိုးဘာသာမခွဲခြားဘဲ မည်သူမဆို လာရောက်နိုင်ပါတယ်” လို့ မေတ္တာကမ်ပိန်းမှ တာဝန်ခံ ဦးဆန်တင့်ကျော်က ပြောပါတယ်။

ယင်းငြိမ်းချမ်းရေးတရားပွဲကို ဒီဇင်ဘာလ ၂၅ ရက်နေ့တွင် ည ၇နာရီခွဲမှ ည ၁၁နာရီခွဲအထိ ရန်ကုန်မြို့ စမ်းချောင်းမြို့နယ် မြေနီကုန်း (မြောက်) ကူဝသွလ်အစ္စလာမ်ရာသစ်အဖွဲ့ ရှမ်းကုန်းလမ်းတွင် ကျင်းပပြုလုပ်သွားမှာ ဖြစ်ပါတယ်။

မေတ္တာကမ်းပိန်းကို 2010 ခုနှစ်တွင် မေတ္တာကို လိုလားသည့် လူငယ်တစ်စုမှ စတင်တည်ထောင်ခဲ့ပြီး ဘာသာကြီးလေးခု၏ နေ့ထူးနေ့မြတ်များ၊ တိုင်းရင်းသား တို့၏ နေ့ကြီး ရက်ကြီးများတွင် စည်းလုံးစွာဖြင့် ဘာသာလူမျိုးမခွဲခြားဘဲ ကျင်းပပြုလုပ်ခဲ့ကြောင်း သိရှိရပါတယ်။