“မြန်မာနိုင်ငံနှင့် ကမ္ဘာတစ်ဝှမ်း ငြိမ်းချမ်းစေရေး” ဘာသာပေါင်းစုံ ဆုတောင်းပွဲ မန္တလေး ပန်းသေးဗလီမှာ ပြုလုပ်

ဒီဇင်ဘာ ၂၁၊ ၂၀၁၅
M-Media
သတင်း – ဖြူလေး

မြန်မာနိုင်ငံနှင့် ကမ္ဘာတစ်ဝှမ်းငြိမ်းချမ်းသာယာဝပြောရေး အတွက် ပညာရှင်များ၏ ဟောပြောပွဲများနှင့် ဆရာတော်ကြီးများ၏ ဆုတောင်းပွဲကို မန္တလေးမြို့ ပန်းသေးဗလီတွင် ဒီဇင်ဘာလ ၁၈ ရက်နေ့က ကျင်းပခဲ့သည်။

ဒီဇင်ဘာလ ၁၆ရက်မှ ၂၂ ရက်အထိ ကျင်းပပြုလုပ်မယ့် ဟိန္ဒူဘာသာဝင်များ၏ ကျေးဇူးရှင်ဆရာတော် သျှရီလ သျှရီပါဒ အရှင်မြတ်၏ ပွင့်တော်မူနေ့ ပူဇော်ပွဲနှင့် ဟိန္ဒူဘာသာဝင်တို့၏ အထွဋ်အမြတ်ဆည်းကပ် ကိုးကွယ်ရာဖြစ်သော သျှရီမဒ်ဘဂဝတ်ဂီတာ ကျမ်းမြတ်ပူဇော်ပွဲအထိမ်းအမှတ်ဖြင့် ဘာသာပေါင်းစုံ ပါဝင်တဲ့ ဆုတောင်းပွဲကြီးကို မန္တလေးမြို့ရှိ ဘာသာရေး အဆောက်အအုံများမှာ ကျင်းပပြုလုပ်တဲ့ အစီအစဉ်များအနက်မှ တခု ဖြစ်ပါသည်။

“ကျွန်တော်တို့ အစ္စလာမ်ဘာသာဝင်အနေနဲ့ တခြားဘာသာတစ်ခုရဲ့ နေ့ထူးနေ့မြတ်မှာ တစ်စိတ်တစ်ဒေသအနေနဲ့ ပါဝင်တာပါ။ ဗလီခန်းမထဲမှာ ကျွန်တော်တို့ရဲ့ ဘာသာအတိုင်း မြန်မာနိုင်ငံနဲ့ ကမ္ဘာကြီးငြိမ်းချမ်းဖို့အတွက် ဆုတောင်းတယ်။ သူတို့တွေက ကျွန်တော်တို့ရဲ့ ဆုတောင်းမှာ ပူးပေါင်းပါဝင်ခဲ့ကြတယ်” ဟု မန္တလေးမြို့ ပန်းသေးဗလီမှ ဂေါပကအဖွဲ့ဝင် ဦးဝင်းအောင်က ဟိန္ဒူဘာသာဝင်များ၏ နေ့ထူးနေ့မြတ်တွင် ပူးပေါင်းပါဝင်ခဲ့ရခြင်းနှင့် ပတ်သတ်ပြီး M-Media ကိုပြောသည်။

ငြိမ်းချမ်းရေးကို လူတိုင်းကချစ်မြတ်နိုးကြပြီး မြန်မာနိုင်ငံကြီးငြိမ်းချမ်းဖို့၊ ကမ္ဘာကြီးငြိမ်းချမ်းဖို့အတွက် ဘာသာကြီးများထဲကမှ တစ်ခုဖြစ်သည့် အစ္စလာမ်ဘာသာဝင်များကိုယ်စား ပူးပေါင်းပြီး တစ်စိတ်တစ်ဒေသပါဝင်ရခြင်း ဖြစ်ကြောင်း ဆက်လက်ပြောဆိုခဲ့သည်။

အဆိုပါအခမ်းအနားတွင် ဘာသာပေါင်းစုံမှ ဆရာတော်ကြီးများက “ကိုယ်ကျင့်တရားနှင့် ယနေ့ခေတ်လူငယ်” ခေါင်းစဉ်ဖြင့် ဟောပြော ခဲ့ကြသည်။

အဆိုပါ ဘာသာပေါင်းစုံ ဆုတောင်းပွဲကြီးကို မန္တလေးမြို့ရှိ ဘာသာရေး အဆောက်အအုံများဖြစ်သည့် သျှရီအမ်ဘီကာ မယ်တော်ကြီးကျောင်း၊ ပန်းသေး ဗလီ၊ စိန်ဂျိုးဇက် (ဖာသာလဖုန်း)၊ မဟာမြတ်မုနိဘုရား၊ သဟာအီဌာန တို့တွင် ပြုလုပ်ကျင်းပခဲ့ကြသည်။

ဓါတ်ပုံ- ပန်းသေးဗလီ FB